Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Merkato, starton valsi i sulmuesve në Europë

Duket se do të ketë skuadra të reja në muajin Qershor për sulmuesit Carlos Tevez, Karim Benzema dhe Franck Ribery

Barcelona tashmë ka të kompletuar marrëveshjen me yllin e Bayern Munich, Franck Ribery, bëjnë të ditur mediat spanjolle. El Mundo Deportivo para ndeshjes El Classico shkruan se Barça ka mposhtur rivalin Real Madridin për të marrë shërbimet e anësorit francez.

Një delegacion i Barcelonës ishte në Ibiza këtë javë, ku qëndron me zyrë edhe agjenti i Ribery, Alain Migliaccio. Shuma e transferimit është arritur me Bayernin, që thuhet të jetë 22 milionë Euro dhe një lojtar i Barçës. Dy opsionet janë Eidur Gudjohnsen ose Alex Hleb, që të dy të vlerësuar me mbi 7 milionë Euro.

Manchester United është duke përgatitur ofertë të vlefshme 30 milionë funte për sulmuesin e Lyonit, Karim Benzema. The Sun shkruan se menaxheri i djajve të kuq, Sir Alex Ferguson, e kishte dërguan vëllain e tij, Martin, të përcjellë sulmuesin nga afër gjatë javës së kaluar. Ylli francezi shihet si një prej sulmuesve më të mirë në Evropë dhe United pritet të ketë një konkurrencë të fortë për nënshkrimin e tij nga Real Madrid, Barcelona dhe Chelsea.

Benzema, 21-vjeçar, do të shitet nëse Lyoni nuk arrin të sigurojë vend për në Ligën e kampionëve. Lyoni aktualisht është në pozitën e tretë, një pikë para Paris St Germain dhe në rrezik serioz për të përfunduar jashtë pozitës së dytë që dërgon në garën evropiane. Ai pritet të zëvendësojë Carlos Tevez që mund të kalojë në Spanjë.

[Damian1]

Thierry Henry udhëton në Bernabeu...

Trajneri i Barcelonës, Pep Guardiola, ka zbuluar listën e 19 personave të cilët do të udhëtojnë në Bernabeu për ndeshjen e sotme El Clasico kundër Real Madridit, dhe në skuadër është përfshirë edhe Thierry Henry.

Francezi, pësoi një dëmtim në qafë në ndeshjes e mesjavës kundër Chelseat, edhe pse vazhdoi të qëndroi në fushë gjatë lojës.

Testet e fundit kanë konfirmuar se francezi është i shëndetshëm dhe do të përfshihet në ekip, edhe pse pritet që ai të qëndrojë në stol, pasi Guardiola dëshiron të pushojë njërin nga treshja e famshme e tij e sulmit.

Rafa Marquez është përjashtimi i vetëm nga emrat e njohur të ekipit. Meksikani dëmtoi gjurin e majtë gjatë të martës dhe do të qëndrojë jashtë fushe për tetë deri në dhjetë javë.

Ekipi prej 19 lojtarësh që do të udhëtojë në Bernabeu:

Portierë: Victor Valdes, Jorquera

Mbrojtës: Dani Alves, Pique, Puyol, Caceres, Abidal, Sylvinho

Mesfushorë: Xavi, Iniesta, Keita, Toure, Busquets, Hleb, Gudjohnsen

Sulmues: Bojan, Messi, Henry, Eto’o

[Damian1]

Dunga nuk do të ftojë Ronaldon për Kupën e Konfederatave.

Trajneri i kombëtares së Brazilit, Carlos Dunga, tashmë ka vendosur në mendje të mos e përfshijë sulmuesin brazilian Ronaldo për Kupën e Konfederatave, garë kjo e cila do të fillojë në qershor në Afrikën e Jugut.

Ronaldo shpresoi për një rikthim në kombëtare pas formës së mirë që po kalon në Corinthians, ku tashmë ka shënuar tetë gola në 10 ndeshje, por kjo nuk e ka bindur Dungan që të mendojë për përfshirjen e Fenomenit në skuadër.

Madje as edhe presioni nga presidenti i vendit, e as ai nga yjet si Pele dhe Romario, duket se nuk ka pasur ndikim në vendimin e trajnerit brazilian.

Dunga ka thënë për gazetën “Estado de Sao Paolo” se lëndimi i ndjeshëm i gjurit të Ronaldos është një faktor rreziku, pasi ai beson se ndeshjet në Kupën e Konfederatave janë shumë më të ashpra se ato në kampionatin brazilian.

Ekipi i saktë i cili do të udhëtojë këtë verë për në Afrikën e Jugut, do të zbulohet nga Dunga më 21 maj.

[Damian1]

Lippi: Milani nuk ka shans të fitojë skudeton.

Përzgjedhësi i kombëtares së Italisë, Marcelo Lippi, është i bindur se Interi tashmë e ka fituar kampionatin, pavarësisht dëshirës së tij që gjithçka të jetë ende e hapur.

Interi është duke udhëhequr në tabelën e Serie A me 74 pikë nga 33 ndeshjet e zhvilluara, derisa Milani ngec me shtatë pikë në vendin e dytë, kur kanë mbetur edhe pesë javë deri në fund të sezonit.

“Rosonerët kanë luajtur një futboll të bukur së fundi, dhe pavarësisht shumë problemeve që kanë pasur këtë sezon, ata duhet të vazhdojnë ta sfidojnë kampionatin, derisa kjo matematikisht është e mundur”, ka thënë Lippi për Gazzetta dello Sport.

“Edhe pse e them këtë, është shumë vonë për ta të synojnë të fitojnë titullin e kampionatit. Ëndrra e tyre ka marrë fund”, shton më tej italiani.

[Damian1]

Kërcënon kundërshtarin: Do të të ngjis gripin e derrave

Një kërcënim sa origjinal aq edhe i veçantë në një fushë futbolli në kupën Libertadores mes lojtarëve, ka bërë xhiron e botës

Frika e virusit te derrave ka perfshire planetin dhe kete e ka shfrytezuar me se miri lojtari meksikan i Chivas de Guadalajara gjate nje ndeshjeje te Kupes Libertadores.

“Do te te ngjis gripin e derrave”, i ka thene Hector Reynoso kundershtarit te Everton, Sebastian Penco ne minutat e fundit te ndeshjes.

Ky i fundit u ankua tek arbitri per kercenimin qesharak dhe pergjigja e Reynoso-s kane qene disa te peshtyra ne vend te shkelmave apo grushtave. Ne konferencen per shtyp, lojtari meksikan kerkoi falje per kete gjest, por shtoi se nuk mund ta pranoje qe ta quajne njeri lebroz.

[Damian1]

Almunia: Dua Chelsea në finalen e Champions League

Ende nuk është kualifikuar për në finale, por kjo nuk e pengon portierin e Arsenalit të zgjedhë Chelsea për në finalen e Champions në Romë

Portieri i Arsenalit, Manuel Almunia, ka deklaruar se nëse e eliminojnë Manchester Unitedin në ndeshjen kthyese gjysmëfinale, atëherë në finale të Ligës së Kampionëve, Topçinjve më shumë do t’u konvenonte të luanin kundër Chelsea sesa kundër Barcelonës.

“Në finale do ta dëshiroja Chelsean. Ajo është skuadër që mund të parashikohet më lehtë, derisa Barcelona ka resurse më të mëdha. Ne e njohim Chelsean dhe e dimë si luan. Blutë nuk do të mund të na befasonin”.

“Gjysmëfinalja jonë e parë kundër Manchester Unitedit qe shumë më e mirë sesa ajo e Chelsea kundër Barcelonës. Chelsea kishte udhëtuar në Spanjë vetëm për t’u mbrojtur dhe bëri një lojë të mërzitshme”.

“Ata dëshmuan se krejt çka dëshironin ishte rezultati 0-0. Trajneri ynë Arsene Wenger nuk di ta formojë një skuadër e cila nuk hy në fushë për të fituar”, është cituar spanjolli nga “The Sun”.

[Damian1]

Fenerbahce kërkon Ronaldinho, shkes është Roberto Carlos

Sulmuesi i Milanit, Ronaldinho në sezonin e ardhshëm mund të veshë fanellën e Fenerbahces, pasi skuadra turke është duke përgatitur një ofertë serioze për të

Ronaldinho kërkohet nga milioneri turk I Fenerbahces dhe për këtë po shfrytëzohet miqësia me Roberto Carlos, brazilianin tjetër që luan me kampionët e Turqisë.

Faqja gjermane 4-4-2.com njofton se drejtuesit e skuadrës së madhe turke do të bëjnë një ofertë serioze për ish-lojtarin më të mirë në botë, nëse ata arrijnë të sigurojnë shërbimet e ish-trajnerit të Chelsea, Luiz Felipe Scolari.

Mediat në Stamboll pohojnë se Fenerbahce është gati të ofrojë 21 milionë euro për të fituar shërbimet e brazilianit, që është vlera e ngjashme të cilën e kanë paguar kuqezinjtë për ta blerë atë nga Barcelona para një viti.

Skuadra turke është e gatshme t’i ofrojë pesë milionë euro në sezon Ronaldinhos me kusht që ta joshë atë drejt Stambollit, mirëpo do të jetë vështirë që zëvendëspresidenti i Milanit, Adriano Galliani, të lejojë largimin e tij.

[Damian1]

Cana: Manchester United do të fitojë Champions League

Për Lorik Canën, futbollisti shqiptar të Olimpikut të Marsejës, do të jetëManchester United skuadra që do të fitojë për të dytin vit radhazi titullin e kampionit të Evropës

Lorik Cana kërkohet nga Liverpool por për të bërë tifozllëk ka zgjedhur Manchester United, si rikonfirmim në majën e Europës. Nje gje te tille ai e ka bere publike ne faqen e zyrtare te klubit, ku u eshte pergjigjur "online" disa prej pyetjeve te fansave te Marsejes.

"Sipas mendimit tim, Manchester do ta fitoje serish Champions League, iu pergjigj kapiteni shqiptar pyetjes se "Nicozo82".

Po ashtu, Cana ka dhene shpjegime edhe ne lidhje me ecurine e Shqiperise, apo te ardhmen e nje kombetareje te mundshme te Kosoves. "Me Shqiperine nuk kemi me shanse te shkojme ne Boterorin 2010, sqaroi Cana pyetjen e ‘Pauline86‘.

U nisem mire ne grupin tone, por pesuam 3 humbje radhazi. Nuk kam pasur mundesi te luaj rregullisht. Do te jem i pezulluar per ndeshjen e ardhshme ndaj Danimarkes. Nuk eshte e lehte ne nje grup me Portugaline, Suedine, Danimarken. Synojm te mbledhim maksimumin e pikeve".

Nderkohe qe, kur i eshte kerkuar ne e terheq ideja per nje kombetare te Kosoves, mesfushori 25-vjeçar ka theksuar: "Personalisht une ndjehem teresisht shqiptar. Kosova eshte me 90 per qind te popullsise shqiptare, ndaj ne ndihemi shqiptare para se gjithash. Per ne, ekipi kombetar eshte Shqiperia, ndaj nuk e vrasim mendjen me shume se kaq".

[Damian1]

Manchesteri e ka “me ngut”, 0-2 në fushën e Middlesbrough

Manchester United tani është 6 pikë lmë shumë se Liverpool pas fitores së lehtë 0-2 në fushën e Middlesbrough. Titulli më afër

Manchester United e ka kthyer në shëtitje, transfertën e javëss së 36 të Premier League në fushën e Middlesbrough. Golat e ndeshjes u shënuan nga “I përjetshmi” Ryan Giggs dhe mesfushori koreano-jugor Ji Sung Park.

Skuadra e “Red Devils” ka qenë në një formë të mirë dhe nuk ka lëshuar asnjë centimetër në kupë dhe kampionat, pavarësisht lodhjes në Champions league. Me talentin Macheda që nga minuta e parë, trajneri Ferguson iu fal golit të Giggs në ndeshjen e tij të 801 me Manchester United që solli edhe golin e tij të 148 me këtë fanelë.

Më pas ishte mesfushori aziatik Ji Sung Park që dërgoi në rrjetë një asist të Wayne Rooney për shifrat finale 0-2 që çojnë United në 6 pikë më shumë se Liverpool. Skuadra e Benitez do të luajë të dielën ndaj Newcastle në “Anfield” por ka një ndeshje më shumë.

[Damian1]

Sot në mbrëmje luhet superderbi Real-Barcelona

Mijëra spektatorë në “Santiago Bernabeu” dhe miliona jashtë tij nëpër TV, do të ndjekin përplasjen midis dy gjigantëve të futbollit spanjoll

Reali dhe Barcelona do të përballen direkt mes tyre sot në një ndeshje që mund të vendosë shumë gjëra sa i përket titullit të kampionit në La Ligën spanjolle të futbollit.

Takimi zhvillohet në “Santiago Bernabeu” në orën 20.00. Në rast fitoreje, Reali rihap betejën për titull, në të kundërtën Barcelona do të hidhte një hap vërtet të madh drejt titullit.

Madrilenët kanë rikuperuar holandezin Arien Roben për këtë sfidë, ndërsa për Barcelonën në dyshim është vetëm Tieri Anri, pasi ka marrë një goditje në kokë në ndeshjen me Çelsin. Ndeshja është e vlefshme në kuadër të javës së 34-të të kampionatit spanjoll.