Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Ferguson: Chelsea do të luajë në finalen e Champions

Trajneri i Manchester United, ka thënë se pret një tjetër finale mes tij dhe Chelsea, ashtu si vjet në stadiumin “Luzhniki” në Champions

Trajneri i Manchester United, Sir Alex Ferguson ka deklaruar se skuadra e Chelsea do ta eliminojë Barcelonën nga Liga e Kampionëve pavarësisht formës së shkalqyer të katalanasve që u vërtetua edhe ndaj Realit .

Ndeshja e parë gjysmëfinale e zhvilluar në Camp Nou përfundoi pa gola, ndërsa të mërkurën mbrëma zhvillohet ndeshja e kthimit në Stamford Bridge, dhe trajneri i Djajve të Kuq beson se Blutë do të kualifikohen në finale.

“Mendoj se Chelsea do të vazhdojë në finale, sepse tash ata do ta udhëheqin ndeshjen”. “Barcelona është një skuadër e rrezikshmen në shtëpi, mirëpo mungesa e dy mbrojtësve Carles Puyol dhe Rafael Marquez do ta bëjë Barcën të lëndueshme, sidomos pasi luan si mysafir”, ka thënë skocezi për “The Observer”.

[Damian1]

Casillas dhe Raul: Humbja ndaj Barelonës dhemb shumë

Kapiteni Raul dhe portieri i Realit thanë se në ndeshjen ndaj Barcelonës u shkatërrua e gjithë ajo që ata kishin ndërtuar këtë sezon

Reali i Madridit me një histori të gjatë dhe të begatshme nuk ka pësuar shpesh humbje të tilla si ajo ndaj Barcelonës, në ndeshjen e mbrëmshme 2:6. "Kjo humbje dhemb shumë. Nuk mund të gjejë asnjë fjalë pas kësaj humbjeje.

Gjithçka dështoi, ne thjeshtë qëndruam në një vend dhe shikuam se si po shkatërrohet krejt ajo që kishim ndërtuar në këtë edicion", ka theksuar portieri i Realit, Iker Kasilas. "Kjo humbje dhemb shumë. Kur Barcelona luan kështu, atëherë sigurisht se askush nuk ka gjasa ndaj tyre”.

“Por, nuk ekziston asnjë arsyetim për ne. Jemi vetë fajtor për të gjithë", ka pohuar Raul, duke shtuar: "Futbollistët e Barcelonës dolën në fushë dhe vendosën të argëtohen. Ne ishim të bllokuar. Na shkatërroi presioni. Kështu nuk luhet futbolli. Barcelona tregoi se si luhet futbolli", ka thënë kapiteni i Realit, Raul.

[Damian1]

Cristiano Ronaldo: Ëndrra ime madrilene tashmë ka vdekur

Mesfushori sulmues Cristiano Ronaldo ka thënë se tashmë nuk mendon më për të lënë Manchester United për Realin

Superylli i Manchester Unitedit, Cristiano Ronaldo, ka deklaruar se çdo tentativë për të kaluar te Real Madridi tashmë ka marrë fund dhe e ardhmja e tij mbetet në Old Trafford.

Telenovela ‘CR7-Real Madrid’ po zgjat qe një kohë të gjatë, por në një intervistë për “Sunday Mirror”, portugezi e ka bërë të qartë se nuk është më i interesuar që të kalojë në Santiago Bernabeu dhe se do t’i mbetet besnik Unitedit.

“Nuk mendoj më për Madridin. Ajo ëndërr ka vdekur. E vetmja gjë për të cilën mendoj tani është Manchester Unitedi dhe titulli i Ligës së Kampionëve në Romë”, është shprehur lojtari më i mirë në botë për vitin 2008.

[Damian1]

Sonia, foto sexy për Barcelonën dhe tifozët e katalanasve

Show girl e njohur Sonia Monroy është bërë nëj tifoze speciale e skuadrës “blaugrana”, që tani është më pranë se kurrë titullit

Kush do të ishte dhurata më e mirë për tifozët dhe beniaminët e saj, pas rezultateve të mira që kulmuan me suksesin tenistik 2-6 në fushën e Real Madrid? Këtë e di mirë Sonia Monroy, show girl dhe tifoze e çmendur e Barcelonës.

Ajo ka pozuar në disa foto provokuese e vedhur me fanelën “blaugrana”. Objektivi i spanjolles së bukur e cila ka qenë më parë e lidhur për shumë kohë me ish sulmuesin brazilian Romario, është i qartë.

Sonia Monroy dëshiron ti sjellë fat skuadrës së Barcelonës në prag të sfidës vendimtare që do të zhvillojë në Champions league ndaj Chelsea. Ndoshta këto foto do arrijnë të çojnë Barcelonën në finalen e Romës…

[Damian1]

Arsenal ofron Adebayor te Milan për të mbajtur talentet

Trajneri i Arsenalit është treguar i gatshëm të largojë sulmuesin togolez Adebayor pasi kjo do ti japë hapësira talenteve dhe do sjellë para

Trajneri francez Arsene Wenger ka menduar nje strategji per te ruajtur berthamen e skuadres se Arsenalit, talentet e se ciles jane vene ne shenjester te shume klubeve evropiane.

I sakrifikuari ne kete rast do te jete sulmuesi Adebayor, shitja e te cilit do te mundesonte qendrimin e sigurt te Fabregas, Walcott e Van Persie. Nje tjeter arsye eshte edhe fakti se kete sezon togolezi nuk e ka bindur me lojen e tij teknikun francez, duke u afruar me Milanin, skuadra qe e ka kerkuar me me shume ngulm qe prej nje viti.

Sipas “News of The World”, kuqezinjte duhet te paguajne 30 milione sterlina per te fituar sherbimet e sulmuesit shtatlarte. Ne rast se operacioni realizohet, atehere vendin e Adebayor mund ta zeje sulmuesi i Hoffenheim, Ba.

[Damian1]

Liverpool shkatërron Newcastle, titulli ende një shpresë

Skuadra e Liverpool mundi 3-0 skuadrën e Newcastle duke iu afruar në 3 pikë Manchester United kur duhen edhe 3 javë

Liverpooli ka shënuar fitore me rezultat prej 3-0 kundër Newcastle United në takimin e të dielës në Anfield. “Reds” kanë mundur ta fitojnë me epërsi shumë më të madhe këtë takim, mirëpo fati ishte në anën e Newcastle pasi që disa herë shtylla i shpëtoi mysafirët.

Golin e parë në takim e shënoi Yossi Benayoun në të 22’, nga një pozicion i dyshimtë, ndërsa gjashtë minuta më vonë Dirk Kuyt e dyfishoi epërsinë duke mposhtur me kokë portierin Harper. Edhe goli i tretë u shënua me kokë, pas një krosimi të Aurelios, ndërsa golashënues ishte Lucas Leiva në të 87’.

Me këtë fitore Liverpooli afrohet në tre pikë ndaj Manchester Unitedit kur kanë mbetur edhe tri javë për t’u zhvilluar, por duhet të kihet parasysh që kampionët në fuqi e kanë një ndeshje më pak të zhvilluar.

[Damian1]

Hamburgu barazon 1-1 me Hertha Berlin, humbet Werderi

Hamburgu barazoi 1-1 me Hertha Berlin duke mos marrë pikët maksimale ndërsa Koln fitoi 1-0 kundër skuadrës së Werder Bremen

Skuadra e Hamburgut e cila drejtohet nga trajneri i mirënjohur holandez Martin Jol, ka barazuar 1-1 në shtëpinë e saj ndaj skuadrës tjetër pretendente për titullin, Hertha Berlin.

Në ndeshjen e luajtur në Hamburg, vendasit ishin më kërkues dhe shënuan që në minutën e tetë me Marcell Jansen por dështuan në sulmet e tjera.

Në pjesën e dytë hertha befasoi vendasit duke shënuar me kroatin Gojko Kacar i cili tundi rrjetën e Hamburgut. Tani skuadra e Martin Jol ka 55 pikë ndërsa Hertha ka 56.

Ndërkohë në ndeshjen tjetër të së dielës, Werder Bremen humbi 1-0 në fushën e Kolnit. Skuadra që lufton për qëndrimin në Bundesliga, shënoi gol me Milivoje Novakovic dhe shifrat nuk ndryshuan më deri në fund.

[Damian1]

Milan siguron vendin e dytë, Juventus barazon 2-2 me Lecce

Skuadra e Milanit fitoi pastër 0-2 në Catania ndërsa Juventus i largohet vendit të dytë pas dështimit në barazimin 2-2 me Lecce

Skuadra e Milanit “çimenton” vendin e dytë në renditjen e Serie A, pas suksesit të merituar 0-2 në fushën e vështirë të Catanias. Kuqezinjtë nuk patën rezistencë nga skuadra jugore e cila u detyrua të nxjerrë dy herë topin nga rrjeta. Në fillim ishte “I përjetshmi” Pippo Inzaghi ai që shënoi në portën e catanias ndërsa Kakà në pjesën e dytë siguroi 3 pikët.

Nuk ka qenë javë e mirë për Juventusin e cila nuk shkoi më shumë se një barazim 2-2 në fushën e saj ndaj Lecce. Skuadra e ranierit tani bëhet sërish epiqendër e kritikave për lojën e dobët.

Ishte Konan ai që shënoi në fillim për Lecce por bardhezinjtë përmbysën rezultatin me dy gola të Nedved.

Por befasia erdhi në minutën e katërt shtesë kur Castillo i dha një pikë Lecce e cila barazoi 2-2. Barazim pa gola mes Romës dhe Chievos në “Olimpico”, rezultat që largon më shumë kryeqytetasit nga Champions. Palermo shkatërroi 5-1 ekipin e Cagliarit.

Rezultatet:

Catania-Milan 0-2

Fiorentina-Torino 1-0

Juventus-Lecce 2-2

Palermo-Cagliari 5-1

Roma-Chievo 0-0

Siena-Napoli 2-1

Udinese-Atalanta 3-0

Genoa-Sampdoria 3-1

[Damian1]

Grindje Ranieri-Camoranesi, kaosi përfshin edhe Trezeguet

Tek Juventus është krijuar një klimë e t5ensionuar pas barazimit 2-2 me Leccen. Del në publik një grindje në pjesën e parë ndërsa Trezeguet kërkon largimin

Barazimi në shtëpi me Lecce ishte ai që bëri rolin e katalizatorit për të rindezur gjakrat tek Juventus që tani ka humbur vendin e dytë. Në pushimin e ndeshjes ka patur një grindje të madhe mes trajnerit Ranieri dhe mesfushorit Camoranesi.

Italo-argjentinasi ishte i pakënaqur me zëvendësimin dhe gati sa nuk kaloi në përleshje fizike me trajnerin. Administratori Blanc pyeti Ranierin nëse donte të largohej dhe ai i tha që duhet të jetë Juventus që duhet ta shkarkojë.

Këtyre polemikave i është shtuar edhe David trezeguet që tashmë kërkon largimin. “Pyesni Ranierin nëse i pëlqen të jetë zëvendës i Mourinho? Nëse gjërat nuk ndryshojnë David do largohet” tha agjenti i francezit.

[Damian1]

Leo Messi paralajmëron Chelsea: Të njëjtin fat si Reali

Talenti argjentinas Lionel Messi ka thënë se do eliminojnë Chelsea me të njëjtin stil loje si ai në fundjavë ndaj Realit

“Do të jetë një ndeshje e madhe por trajneri Pep Guardiola po përgatit një skuadër të mirë. Futbollistët e Barcelonës do jenë heronj të mërkurën” tha argjentinasi Lionel Messi duke paralajmëruar skualifikimin e Chelsea në Champions League.

Chelsea luftoi shumë për një barazim 0-0 në ndeshjen e parë por talenti argjentinas tha se në sfidën e kthimit do të jetë një tjetër histori edhe pse Barcelona luan në “Stamford Bridge”.

“Do të luajmë njësoj si luajtëm ndaj Real Madrid në fundjavë duke fituar 6-2. Nëse kjo arrihet atëherë do të kualifikohemi pavarësisht se Guus Hiddink ka skuadër të fortë. Vijmë me moral të rinovuar prej fitores të shtunën” tha Lionel Messi.