Mbyllur-Lajme dhe Diskutime per Sportin! Futboll.:.Motosport .:.etj

[Damian1]

“The Beckhams” zhyten në një krizë të zezë tradhtie

Një flirt i mes futbollistit anglez ka sjellë edhe anulimin e festës nga Victoria e cila nuk e ka kapërdirë dot “driblimin” e bashkëshortit

Para së gjithash është lajmi për anulimin e festës së madhe për 10 vjetorin e martesës që u hodh në erë në momentin e fundit. Më pas është Victoria e cila festoon ditëlindjen e vetme dhe më pas vijnë zërat për një tradhti.

Në familjen Beckham është një krizë e zezë. Posh Spice kishte vendosur të festonte me bashkëshortin David, 10 vjetorin e martesës duke organizuar një mega party me mikeshat e saj hollivudiane, Jennifer Lopez, Eva Longoria, Katie Holmes dhe Heidi Klum.

Në momentin e fundit Victoria anuloi gjithçka. Motivi: Tradhtia. David Beckham duket se është joshur nga modelja Mariann Fogarasy, hungareze 22 vjeç. Me të është njohur në ndeshjen e 22 Prillit që Milan luajti në Budapest.

[Damian1]

Edhe Zlatan Ibrahimovic do të shkojë te Reali...

Mediat italiane citojnë mesfushorin e Real Madridit, Royston Drenthe, të ketë thënë se Zlatan Ibrahimovici tashmë ka arritur marrëveshje me Mbretërit për t’u transferuar në Bernabeu në fund të sezonit.

“Të gjithë te Real Madridi e dinë se ai do të jetë këtu sezonin e ardhshëm. Paratë për blerjen e Ibras nuk janë aspak problem”, është cituar Drenthe nga Sportmediaset.it.

Mediat italiane pohojnë se Drenthe ka biseduar me mikun e Ibrahimovicit, suedezin me prejardhje kosovare Labinot Harbuzi, i cili luan për Malmon, dhe ka qenë pikërisht Harbuzi që ka njoftuar për arritjen e marrëveshjes ndërmjet Ibras dhe Realit.

[Damian1]

Ricardo Kaka do të luajë për Real Madridin...

Babai/agjenti i superyllit të Milanit, Ricardo Kaka, ka deklaruar se në sezonin e ardhshëm braziliani do të jetë lojtar i Real Madridit.

Derisa është spekuluar se Kaka është shënjestra kryesore e Florentino Perezit, babai i tij Bosco Leita, u ka thënë mediave se ish-lojtari më i mirë në botë në sezonin që vjen do ta veshë fanellën e Los Blancos.

“Kaka do të luajë për Real Madridin e Florentino Perezit”, ka deklaruar Bosco.

Së shpejti pritet që Perez të mbajë takime me zëvendëspresidentin e Milanit, Adriano Galliani, dhe me presidentin Silvio Berlusconi, për të diskutuar çmimin e lojtarit, të cilin presidenti i ardhshëm i Mbretërve pretendon ta ulë nga 60 milionë në 50 milionë euro.

[Damian1]

Ferguson: Anderson është pasardhës i denjë i Scholes

Tekniku skoces Ferguson sheh tek talenti Anderson, pasardhësin e denjë të mesfushorit legjendar Paul Scholes

Trajneri i Mançester Junajtedit, Aleks Ferguson ka lavdëruar së tepërmi futbollistin e tij Anderson, duke thënë se ai është i përkryer për të zëvendësuar veteranin e kampionëve të Anglisë, Pol Skols.

"Unë mendoj se Andersoni do të jetë një pasardhë i denjë i Pol Skolsit. Ai është një talent i jashtëzakonshëm. Ai ka fituar një shpejtësi fantastike dhe është i fuqishëm, kurse është vetëm 21-vjeç", ka thënë Ferguson. Anderson pritet të jetë titullar në ndeshjen e kthimit gjysmëfinale të Ligës së Kampionëve ndaj Arsenalit.

Ai ka pushuar në sfidën ndaj Midëlsbrout (2:0). "Mesfusha është angazhuar shumë në ndeshjen e parë ndaj Arsenalit, prandaj vendosëm t'i linim të lirë për ndeshjen me Midëlsbroun tre prej tyre", ka nënvizuar Ferguson.

[Damian1]

Champions, Wenger optimist para sfidës me "Djajtë e Kuq"

Trajneri i Arsenalit, francezi Arsene Wenger ka thënë se beson te kualifikimi ndaj Manchester United pavarësisht humbjes së parë

Në prag të ndeshjes së kthimit me Mançester Junajtedin në gjysmëfinale të Ligës së Kampionëve, trajneri i “Topçinjve”, Arsen Venger është shprehur optimist për kualifikimin e skuadrës së tij në finale. Venger shpreson se për këtë ndeshje ta ketë në dispozicion Robin van Persin, derisa tashmë dihet se në këtë sfidë do të mungojnë Eduardo dhe Arshavin.

“Mendoj se mund ta mposhtim Mançester Junajtedin 2:0. Nga finalja na ndajnë vetëm 90 minuta. Në rast se kalojmë në epërsi, ata do të jenë nën presion, ngase janë të vetëdijshëm se do të eliminohen nëse e pësojnë edhe golin e dytë.

“Ndeshjet gjysmëfinale janë më të vështirat në Ligën e Kampionëve dhe ne do të bëjmë përpjekje që t’ia vështirësojmë edhe më shumë punën ‘djajve të kuq’”, ka thënë trajneri i Arsenalit, Arsen Wenger.

Arsenali nuk ka fituar trofe që katër vjet. “Topçinjtë” nuk kanë pësuar gol në pesë ndeshje të Ligës së Kampionëve në këtë edicion para tifozëve të vet, por asnjëherë nuk kanë arritur të eliminojnë ndonjë skuadër angleze nga skena evropiane.

[Damian1]

Fabio Aurelio: Liverpool beson ende te titulli kampion

Futbollisti latin i skuadrës së Liverpool tha se skuadra do të kapet pas shpresave të fundit duke mos braktisur titullin

Mbrojtësi i majtë i Liverpulit, Fabio Aurelio shpreson ende se Liverpuli mund ta fitojë titullin e kampionit në Premier League. "Djajtë e kuq" kanë epërsi prej tre pikësh dhe një ndeshje më pak të zhvilluar ndaj djelmoshave të Rafa Benitezit, por Aurelio këmbëngul se skuadra e tij është e gatshme për të dënuar çdo hap fals të Mançester Junajtedit.

"Ambicia jonë është që të mbyllim me fitore edhe tri ndeshjet e fundit dhe më pas të shohim se çfarë do të ndodh. Ndeshja e ardhshme ndaj West Hamit do të jetë tejet e rëndësishme për ne”.

“Nëse ne mund të fitojmë atje, atëherë do ta mbajmë presionin mbi ‘Djajtë e kuq’ para ndeshjes së tyre me Mançester Sitin. Ata para vetës kanë edhe disa sfida të vështira, prandaj duhet të shpresojmë ende dhe të presim se çfarë do të ndodhë", ka thënë Aurelio.

[Damian1]

Manchester, Rio Ferdinand mund të luajë ndaj Arsenalit

Duket se kampionët e Europës dhe botës do të kenë një armë më shumë ndaj Arsenalit pasi mund të luajë edhe Rio Ferdinand

Mançester Junajtedi ka marrë një shtysë të madhe para ndeshjes së kthimit ndaj Arsenalit në Ligën e Kampionëve.

Në fakt, mbrojtësi Rio Ferdinand është paraqitur në stërvitjet e ditës së hënë dhe ai pritet të jetë i gatshëm për sfidën në "Emirates", që do t’i jepte një siguri shumë më të madhe mbrojtjes së “djajve të kuq”.

Në ndeshjen e parë në “Old Trafford”, Mançester Junajtedi fitoi me rezultat të ngushtë, 1:0, me golin e shënuar nga O’Shej. Por pwr mbrojtwsin Ferdinand u dyshua se ai kishte thyer disa brinjw pasi doli nga fusha mes dhimbjeve.

Ai pritet të jetë në mos nga minuta e parë, të paktën në pankinë për ti dhënë Manchester United një tjetër finale madhështore në Champions League

[Damian1]

Trajneri i Liverpool mohon rikthimin e Michael Owen

Sulmuesi anglez Michael Owen u duk se ishte pranë një rikthimi të bujshëm te Liverpool, por Benitez ka frenuar gjithçka

Trajneri i Liverpulit, Rafa Benitez, ka hedhur poshtë spekulimet se Liverpuli është i interesuar të blejë sërish Majkëll Ouenin, i cili ishte në bankinë gjatë ndeshjes së luajtur mes këtyure dy skuadrave dje në “Anfield”, që përfundoi 3-0 për Liverpulin.

Trajneri Alen Shirer e mori këtë vendim pasi Ouen 29-vjeçar nuk ishte në formë gjatë barazimit pa gola kundër Portsmuthit të hënën që shkoi. Trajneri Benitez ka shprehur qartë mendimin e tij, se Liverpuli nuk është i intereduar të blejë sërish Ouemin, ashtu siç ndodhi me të preferuarin e tifozerisë së Liverpulit, Robi Fauler, i cili u kthye në “Anfield” në vitin 2006.

Rafael Benitez i ka thënë dje gazetës “Daily Star” se “kjo është një situatë e ndryshme nga ajo e Robi Faulerit. Robi e dinte se ishte një mundësi fantastike për të rikthimi në skuadër.

Ai atëherë ishte i dëmtuar dhe kishte shumë ndeshje pa luajtur, por ne ishim të interesuar për një sulmues cilësor si ai. Ai e kuptoi qartë rolin e tij. Majkëlli është më i ri dhe ka ende vite për të luajtur. Ai është sulmues klasi, kështu që do të dëshirojë të luajë çdo ndeshje si titullar. Për momentin, ne jemi të kënaqur me Fernando Torresin”.

[Damian1]

Drenthe: Ibra lojtar i Real Madrid, këtu e dinë të gjithë

Mesfushori holandez Royston Drenthe ka thënë se tashmë gjërat mes suedezit të Interit dhe skuadrës së Realit janë përfundimtare

Sulmuesi suedez Zlatan Ibrahimovic përflitet gjithmone e me shume per nje afrim te mundshem me Real Madrid gjate muajve te veres.

Pas gjestit jo te bukur ne drejtim te tifozeve gjate ndeshjes Inter-Lazio, te tjera te dhena e adresojne suedezin drejt Madridit. Lojtari i spanjolleve, Drenthe i ka thene nje lojtari suedez se Ibra do vishet me fanelen “merengues” gjate sezonit te ardhshem dhe kjo eshte e sigurt.

Diten e diele, presidenti Moratti tentoi te qetesonte ujrat duke e falur sulmuesin per gjestin antisportiv dhe siguroi se lojtari do vazhdoje te luaje me Interin. Por kjo deklarate nuk i ka ulur gjakrat, duke pare ate cfare ka thene lojtari holandez i Realit: “Parate e nevojshme per te marre Ibrahimovic nga Interi nuk jane nje problem”.

[Damian1]

Hiddink: Lojtarët luajnë për të ardhmen e tyre...

Trajneri i përkohshëm i Chelseat, Guus Hiddink, beson se lojtarët e tij do të tregojnë më të mirën nga vetja, sepse qëndrimi i tyre te Blutë varet kryesisht nga performanca e tyre në këtë pjesë të sezonit, duke pasur parasysh se shumë lojtarë do të largohen nga skuadra në fund të sezonit.

“Në këtë pjesë të sezonit (prill dhe maj) lojtarët zakonisht fillojnë të luajnë më mirë. Edhe nëse kontratat e tyre janë duke skaduar ata mundohen ta dëshmojnë veten”.

“Unë mund të ndikoj në të ardhmen e lojtarëve dhe mund t’u sugjeroj për ta drejtuesve të skuadrës”.

“Nëse lojtari është i përkushtuar nuk ka rëndësi nëse është 31 apo 32-vjeçar. Gjithmonë duhet të ekzistojnë plane në skuadër për atë se çfarë mund të bëhet dhe kur duhet të zëvendësohet një lojtar”, është shprehur trajneri i përfaqësueses së Rusisë.