Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Italia kundër Anglisë, një betejë në Champions League

1/8 e finaleve të Champions dhurojnë 3 përballje mes ekipeve të Serie A dhe atyre të Premier League, të rejat mbi duelin e trefishtë Itali-Angli.

Klubet angleze janë ende padronët e futbollit europian? Apo ndoshta diçka ka ndryshuar në krahasim me vitin e kaluar ku dominuan vetëm britanikët? të parët që do të japin një përgjigje për shumë tifozë të futbollit janë tre skuadra të Serie A, të cilat do të provojnë ferrin anglez:

Inter i projektuar për titullin në Itali do të luajë kundërl Manchester Utd, kampion Europe dhe bote në fuqi. Juventus do të provojë që të bëjë surprizën ndaj Chelsea, kurse skuadra e Romës do përballet me Arsenalin e të rinjve. 3 superbeteja për italianet e mbetura në Champions League do të thonë nëse diferenca mes dy vendeve në futboll është sheshuar.

Ndeshjet e Champions do të jenë edhe një rast i mirë për të parë edhe duele mes kolosëve të skuadrave të ndryshme. Ibrahimovic kundër Cristiano Ronaldo u pa në eliminatoret e botërorit dhe do të shihet sërish.

Buffon kundër portierit Cech, Vucinic kundër Van Persie...Janë shumë emra që ngjallin kuriozitet për të gjithë të apasionuarit pas topit.

[Damian1]

Rafael Benitez: Dua një kontratë, jo kontrollin e plotë!

Trajneri i Liverpool shpreh paqartësinë për marrëveshjen e re me “Reds” duke ironizuar sërish pronarët amerikanë të klubit.

Trajneri i Liverpulit ka bërë thirrje që bisedimet për kontratën e tij të re me këtë klub të përfundojnë sa më shpejt, duke mohuar se kërkon kontroll të plotë mbi transferimet e lojtarëve. Kontrata aktuale e spanjollit skadon në verë të vitit 2010 dhe ai beson se paqartësia e së ardhmes së tij dhe e një pjese të stafit në “Anfield”, mund të ndikojë në planet afatgjata të klubit.

“Çdo trajner, të cilit i ka mbetur vetëm një vit kontratë me klubin që drejton, nuk ka asgjë në dorë. Mua më ka mbetur një vit e gjysmë”, ka pohuar Benitezi për gazetën “The Guardian”. “Kur njerëzit e dinë se trajnerit i ka mbetur shumë pak kohë në kontratë, ai është i mbaruar. Kam 10 ose 12 ndihmës, të cilëve u skadon kontrata në qershor. Si mundet një trajner ta çojë përpara projektin e tij nëse vazhdimësia e stafit të tij nuk është e sigurt për dy tre vjet?”, ka pyetur trajneri i Liverpulit.

Një pengesë e madhe për nënshkrimin e kontratës së re të spanjollit ka qenë këmbëngulja e tij e vazhdueshme për të pasur dorë të lirë mbi transferimet e lojtarëve, që aktualisht është kompetencë e shefit ekzekutiv Rik Perri. Por trajneri spanjoll ka thënë:

“Dua të sqaroj diçka. Nuk kam kërkuar kurrë kontroll total. Por kam kërkuar të kem fuqinë të bëj zgjedhjet e mia, të marr vendimet e mia dhe ta drejtoj skuadrën si më duket më e përshtatshme. Kjo nuk është e njëjta gjë”. Kur të largohet një ditë nga skuadra angleze, vetë Benitezi e ka pranuar se do të ishte privilegj të drejtonte Realin e Madridit, ku ka qenë trajner i skuadrave të të rinjve në fillimet e karrierës. “Nuk po mendoj të largohem dhe shpresoj të rri këtu për një kohë të gjatë, por sigurisht që drejtimi i Realit të Madridit është mbyllja më e mirë e karrierës për çdo trajner. Por karriera ime nuk është pranë fundit akoma”, ka thënë trajneri i Liverpulit.

[Damian1]

Lippi: Skuadrat italiane do t’i eliminojnë ato angleze

Në Champions League, trajneri italian i kombëtares ka thënë se skuadrat e gadishullit do të fitojnë ndaj britanikëve!

Njëra nga temat më të nxehta në prag të ndeshjeve të Ligës së Kamionëve, është se në tre përballje të këtij raundi do të ndeshen skuadrat italiane kundër atyre angleze.

Trajneri i përfaqësueses së Italisë, Marcello Lippi, nuk sheh asnjë favorit të qartë në përballjet italo-angleze në Ligën e Kampionëve, mirëpo ai beson se skuadrat nga Serie A mund t’i eliminojnë rivalët e tyre nga Liga Premier.

“Kur arrihet në këtë raund të Ligës së Kampionëve, nuk mund të flitet për favoritë. Mirëpo mendoj se kualifikimi në raundin e radhës varet krejtësisht nga skuadrat tona”.

“Nëse skuadrat italiane do të jenë në gjendje të mirë psiko-fizike, atëherë do ta kenë mundësinë që të vazhdojnë më tutje”, ka thënë ish-trajneri i Juves për “RaiSport”.

Javën e ardhshme Interi, Juventusi dhe Roma, do të përballen kundër Manchester Unitedit, Chelseat dhe Arsenalit, respektivisht.

[Damian1]

Real, holandezi Robben kërkon hakmarrje ndaj Liverpool

Anesori i Real Madridit, Arjen Robben, eshte i etur te hakmerret ndaj Liverpoolit ne ndeshjen e radhes te Liges se Kampioneve.

Holandezi ishte pjesё e ekipit tё Chelsea qё u eliminua nga tё kuqtё nё tё dy sezonet, 2005 dhe 2007, nё gjymёfinale tё Ligёs sё Kampionёve dhe tash dëshiron njё rezultat mё pozitiv me Real Madridin.

“Dua ta mposht Liverpoolin pasi kam humbur dy herё nё gjysmëfinale. Po ashtu Reina mbrojti njё penalti timen dhe do tё doja tё kem njё rast tjetër kёtё herё”, ka thёnё Robben. “Liverpool ёshtё njё ekip shumё i fuqishëm, ata kanё njё trajner i cili ёshtё shumё i mirё taktikisht dhe e dinë se si tё luajnë ndeshje tё pjesshme”.

“Gjёja me e rёndёsishme do tё jetë tё shёnojmё gola nё Bernabeu. Duhet tё fitojmë me diferencë prej mё shumë se dy gola, pasi rikthimi nё Anfield do tё jetё i vështirë”, ka shtuar Robben.

[Damian1]

Marseille rikuperon Lorik Canën, në fushë kundër Twente

Mesfushori kosovar dhe kapiteni i marsejezëve do të jetë në ndeshjen e kupës UEFA, ndaj skuadrës holandeze!

Kalvari i Lorik Canës është drejt fundit. Pasi ka qëndruar për afro dy muaj jashtë fushave të lojës, ku situata u përkeqësua në fund të dhjetorit 2008, mesfushori kuqezi duket plotësisht i rikuperuar nga dëmtimi në gjurin e djathtë.

25-vjeçari do të jetë në kontingjentin e teknikut Erik Gerets për sfidën e së enjtes (më 19 shkurt) në Kupën UEFA, ku Olimpik Marseja do të luajë kundër holandezëve të Tuentes.

Lajmi është bërë i ditur në faqen zyrtare të klubit francez, që saktësonte se “gjuri i Canës është kthyer në gjendje optimale dhe prej disa ditësh nuk është më i ënjtur”.

Ende nuk është saktësuar nëse kapiteni i marsejezëve do të aktivizohet. Rehabilitimi i plotë i Canës ka ardhur afro 10 ditë me vonesë nga data e parashikuar.

Lojtari pritej të ishte plotësisht i gatshëm që prej sfidës në Ligën 1 me Monakonë, më 8 shkurt. Ai nuk luajti as në takimin eliminator ku Shqipëria barazoi 0-0 në fushën e Maltës, një mungesë që peshoi shumë për kuqezinjtë.

[Damian1]

Valsi i sulmuesve, Adebayor te Barça, Huntelaar te Arsenal

Arsenali mund të vendosë të investojë tek sulmuesi holandez i Realit, duke lënë të lirë togolezin Adebayor drejt katalanasve.

Barcelona ka përgatitur një ofertë mjaft të lartë për të blerë sulmuesin e Arsenalit, Emanuel Adebajor. Dhe bëhet fjalë për një shumë prej 22.5 milionë eurosh e cila mund të bindë Arsenalin ta lëshojë.

Adebajor ka qenë shumë i kërkuar nga Barcelona gjatë muajve të verës, pasi mund të largoheshin të dy sulmuesit, Henri dhe Samuel Eto. Venger e ka të qartë edhe zëvendësimin e mundshëm për Adebjorin.

Bëhet fjalë për lojtarin e Realit të Madridit, holandezin Klas-Jan Huntelar. Sulmuesi 25 vjecar holandez mbërriti në Bernabeu në muajin Janar për 20 milionë euro, por nuk po gjen hapësiart e nevojshme në formacion.

Wenger ka bërë gati 17 milionë dhe ka mundësi që edhe ky transferim të kryhet gjatë muajve të verës.

[Damian1]

Van der Saar “kyç” portën, i pamposhtur për 1302 minuta!

Portieri holandez ka vendosur një rekord në ndeshjen ndaj Fulham pasi nuk ka pësuar gol sërish duke shtuar serinë pozitive të United.

Mancester Junajtid është skuadër spekaklesh, kurse portieri Edwin Van Der Saar një njeri rekordesh. Në minutën e 18 të pjesës së parë ndaj Fulhamit, Va Der Sar ka kaluar rekordin e ish-portierit të Atletiko Madridit, Abel, i cili në sezonin 1991-1992, qëndroi 1275 minuta pa pësuar gol.

Portieri holandez ka arritur në kuotën e 1302 minutave. Në Europë i mbetet vetëm një rekord: ai i Verlinden, ish-portierit belg të Bryzhit, i cili nuk ka pësuar gola për 1390 minuta. Është akoma më larg rekordi absolut, që mbahet nga ish-portieri i Vasko de Gamës, Mazaropi, me 1816 minuta.

Rekordi absolut është shënuar në sezonin 1977-1978 në Brazil dhe ka hije dyshimi për kundërshtarët e Vaskos, që nuk kanë qenë të nivelit të lartë.

[Damian1]

Prandeli - Van Basten, kundër pas 19 vitesh.

Fiorentina dhe Ajaksi do të luajnë sot në “Artemio Franki”. Tekniku vjollcë e holandezi, tani përballë jo si futbollistë.
Njëri kundër tjetrit, siç ndodhte më 17 janar të vitit 1990. Çezare Prandeli dhe Marko van Basten janë përballur me njëri-tjetrin 19 vite më parë, në sfidën Milan-Fiorentina, e cila përfundoi me rezultatin 3-1. Tashmë, përballja mes tyre është në një këndvështrim tjetër: Prandeli drejton Fiorentinën, ndërsa Van Basten Ajaksin e tij. Skuadrat e tyre do ndeshen për të siguruar kualifikimin në 1/8-at e Kupës UEFA. Vjollcët do të vazhdojnë aventurën e tyre evropiane, pas një paraqitje jo shumë të suksesshme në Ligën e Kampioneve.

“Do jetë një përballje e bukur. Ajaksi ka talent dhe eksperiencë, kanë qenë protagonistë në nivelin ndërkombëtar dhe kanë nxjerrë yje të futbollit. Pra, janë të gjitha karakteristikat për të zhvilluar një ndeshje të madhe. Van Basten? Ka qenë gjithmonë special dhe si futbollist ka qenë madhështor. Edhe si trajner ka sjellë shumë, sidomos në lojën sulmuese të skuadrës. Gjatë kohës që ishte futbollist ka pasur si trajner Arrigo Sakin, i cili ka ndikuar te përgatitja e tij në mënyrë të padiskutueshme”, – është shprehur Çezare Prandeli.

Kreu i pankinës vjollcë ka theksuar më pas se kërkon maksimumin dhe pavarësisht vështirësisë, nuk dëshiron as ta vërë në diskutim vazhdimësinë në këtë kompeticion. “Ne synojmë të arrijmë deri në fund të Kupës UEFA, por edhe Ajaksi këtë qëllim ka. Për rrjedhojë, jam i bindur që do të jetë një sfidë shumë e fortë. Megjithatë, ne i kemi mundësitë të kalojmë në raundin tjetër dhe nuk duhet të dështojmë. Në takimin e parë, të cilin e luajmë në fushën tonë, duhet të marrim patjetër një rezultat pozitiv, i cili do të na ndihmonte për ndeshjen e kthimit”.

Po kaq e veçantë do të jetë kjo përballje edhe për trajnerin e Ajaksit, Van Basten. Jo vetëm sepse do të ndeshet me Prandelin, por sepse do të luajë kundër një skuadre nga Italia, vend në të cilin ka kaluar një nga periudhat më të lavdishme të karrierës së tij. Ja si e komenton vetë ai këtë: “Natyrisht, do të jetë një duel interesant me Prandelin. Së bashku jemi përballur disa herë, kur ishim futbollistë. Mirëpo tani mendoj se do të jetë diçka krejt ndryshe, pasi janë skuadrat tona që do të zbresin në fushë. Uroj të arrijmë të marrim një rezultat sa më pozitiv”.

[Damian1]

Rossi për Champions: Inter mund të eliminojë Manchester

Sulmuesi italian i Villarreal: “Kemi ndalur dy herë United. Ata janë të fortë por nuk japin goditjen finale”

Sulmuesi italian Giuseppe Rossi po tregon një formë të mirë me skuadrën e Villarreal por edhe pse ekipi i tij është jashtë Champions League, ai ka një skuadër që e pëlqen.

Futbollisti i “Nëndetëses” ka thënë se Interi mund të eliminojë Manchester United në 1/8 e finaleve dhe shanset janë të barabarta.

“Manchester United luan në mënyrë fantastike, por nuk është nga ato skuadra që të shtyp. Me Villarrealin e kemi ndalur dy herë dhe këtë mund ta bëjë edhe Interi, tha Rossi për ish ekipin e tij në Angli.

Favorite sipas italianit, për fitoren finale në Champions është Barcelona. “Kur luan ndaj atyre, nuk e sheh dot topin dhe jo më të guxosh fitoren” tha Rossi.

[Damian1]

Hiddink hedh poshtë mundësinë për qëndrimin te Chelsea

Tekniku holandez ka thënë se prêt të sjellë suksesin në “Stamford Bridge” dhe më pas do të vazhdojë aventurën në Rusi.

Trajneri i ri i Chelsit ka hedhur poshte cdo mundesi qe ai te qendroje te blute e Londres edhe pas përfundimit te këtij sezoni te Premier Liges angleze. Tekniku holandez 62-vjecar, i cili zevendesoi ne pankinen e Chelsit, brazilianin Hoze Felipe Scolari, eshte njekohesisht dhe tekniku i kombëtares se Rusise dhe do ta drejtoje ate ne eliminatoret e Boterorit 2010.

“Une do ta drejtoj Chelsin deri ne fund te sezonit dhe me pas do te largohem. Kete parashikon kontrata ime me klubin dhe une do ta respektoj ate”, ka thene Hidink ne konferencen e pare per shtyp ne “Stanford Bridge”. Hidink do te beje debutimin e tij ne pankinen e Chelsit diten e shtyne ne transferte kunder Aston Viles, qe ka dy pike me shume se blute ne tabelen e renditjes.

Guus Hiddink ka thene gjithashtu se padroni i Chelsit Roman Abramovic i kërkoi atij ta ndihmonte deri ne fund te sezonit. "Une jam trajner i Rusise me kohe te plote dhe pranova te vij ketu vetem se Abramovic me kërkoi ta ndihmoja”, ka përfunduar trajneri holandez.