Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Sot Arsenal Manchester, bastet favorizojnë “Red Devils”

Ndeshja e kthimit të gjysmëfinales angleze të Champions luhet sot në mbrëmje dhe bastet anojnë nga Manchester United

Sot në 20:45 të apasionuarit pas futbollit do të shohin nëj tjetër duel spektakolar në Champions League, kur Arsenal të presë Manchester United në një sfidë 100% angleze. Ndeshja e parë në “Old Trafford” u mbyll 1-0 për United por kualifikimi është i hapur.

Në “Emirates” Arsenali do kërkojë të përmbysë gjithçka për të qenë në finalen e madhe që do të luhet në Romë. Por në kuotat e basteve një fitore e Arsenalit jepet me rreth 2.8 mesatarisht ndërsa Manchester United me 2.6.

“Djajve të Kuq” u duhet vetëm një barazim ose humbje minimale me gol të shënuar për të qenë sërish në finalen e Champions League

1 X 2

188Bet 2.85 3.30 2.63

BetKlass 2.70 3.25 2.65

Betsson 2.60 3.25 2.60

Unibet 2.75 3.20 2.65

BET24 2.65 3.20 2.65

Bet365 2.63 3.30 2.70

BetDaq 2.90 3.40 2.73

Ladbrokes 2.50 2.80 2.75

[Damian1]

Ronaldo bëhet “mbret” i Brazilit, edhe tifozët çmenden për të

“Fenomeni” është zgjedhur nga votimet e gazetarëve si futbollisti më i mirë i turnout dhe ka marrë trofeun në një ceremoni

“Fenomeni” fiton trofeun e dytë në vendlindjen e tij në Brazil, në harkun e dy ditëve. Vetëm 24 orë nga shpallja kampion me Corinthians, këtë herë Ronaldo triumfon në nivel personal duke marrë çmimin si lojtari më i mirë i të gjithë turneut.

Gazetarët vendas votuan Ronaldon si më të mirin e turneut Paulista por triumfi ishte edhe i klubit të Corinthians që merr titullin e 26 pa humbur asnjë ndeshje, (rekord që prej 1938). I emocionuar për çmimin Ronaldo falenderoi të gjithë ata që e mbështetën.

“Nuk e kam zakon të flas shumë por dua të falenderoj të gjithë ata që vuajtën me mua dhe më mbështetën. Dua të kontribuoj me golat dhe lojën time me Corinthians” tha Ronaldo.

[Damian1]

Real, trajneri Ramos: Skuadrat gjigante na kanë tejkaluar

Tekniku spanjoll i Realit të Madridit nuk e ka fshehur zhgënjimin për eliminimin nga kompeticionet, por ka pranuar forcën reale që kanë

Trajneri i Realit të Madridit, Huande Ramos është i vetëdijshëm se nuk ka bërë ndonjë hap të rëndësishëm përpara me "klubin mbretëror", por ai nuk e përmend veten në kontekstin e fajtorit.

"Nuk jam i frustruar me humbjet ndaj Barcelonës, Liverpulit apo Atletikos. Ato rezultate na japin të kuptojmë se ku ndodhemi momentalisht. Gjigantët evropianë na kanë tejkaluar dhe këtë duhet ta kuptojmë, pa marrë parasysh sa dhimbshëm tingëllon”, ka pohuar Ramos.

Juande Ramos zëvendësoi të shkarkuarin nga pankina, Bernd Schuster i cili u largua për rezultate të dobëta. Ramos ende nuk e ka siguruar vendin e tij me Realin.

[Damian1]

Buffon i lodhur nga Juventus: Me 20 milionë bëj gati valixhet

Agjenti i portierit më të mirë në botë, ka thënë se kriza në të cilën ndodhet skuadra e ka bërë Buffon të mendojë largimin nga bardhezinjtë

Një krizë brenda krizës. Kështu mund të përshkruhet ajo gjendje në të cilën ndodhet Gianluigi Buffon në kaosin në të cilin mbizotëron në shtëpinë e Juventus. Portieri më i mirë në botë është lodhur me ambientin e krijuar në dhomat e zhveshjes dhe me anë të agjentit të tij ka paralajmëruar largimin.

Në pushimin e ndeshjes Juve-Lecce edhe Buffon u përfshi në grindje dhe hyri në fushë para të gjithëve duke vituar ndonjë çmenduri. Ndërkohë agjenti i tij, Silvano Martina vendos në hije të ardhmen e tij.

"Gigi kërkon të jetë mes fituesve dhe kërkon një skuadër më të mirë e më kompetitive. Unë kam biseduar me drejtuesit e Manchester City por në fund ata morën Given” tha agjenti i Buffon.

“Tashmë çmimi i Gigi është 20 milionë Euro dhe me këtë aim und të bëjë gati valixhet. Është një çështje merkatoje edhe pse Juventus kërkon 40 milionë” tha agjenti i portierit italian.

Por SuperGigi kërkohet sërish në Manchester në spondin United, ku pa shumë ngut po kërkohet zëvendësuesi i Van der Sar që do të lërë futbollin.

[Damian1]

Do të shkojë apo jo Ricardo Kaka te Reali?

Të hënën gazeta spanjolle "AS" shkroi se superylli i Milanit, Ricardo Kaka, është pranë kalimit te Real Madridi, ndërsa për burim të kësaj informate citonte babanë/agjentin e lojtarit, Bosco Leite.

Mirëpo faqja braziliane Globoesporte.com ka siguruar një intervistë me babanë e lojtarit, në të cilën ai shprehet se nuk ka thënë që Kaka do të shkojë te Reali.

“Nuk i kam thënë ato fjalë. Nuk kam folur për asnjë transferim të mundshëm dhe për asnjë skuadër. Kështu që djali im sipas të gjitha gjasave nuk do shkojë te Real Madridi”, është cituar të ketë thënë Bosco Leite.

[Damian1]

Didier Deschamps emërohet trajner i ri i i Marseille

Didier Deschamps do të marrë stolin e Marseille në fund të këtij sezoni pasi të largohet trajneri aktual, belgu Gerets

Ish-kapiteni i kombëtares së Francës dhe ish-trajneri i Monakos e Juventusit, Didie Deshamp do të marrë drejtimin e Olimpikut të Marsejës nga edicioni i ardhshëm, kanë bërë të ditur drejtuesit e klubit marsejez, ku luan edhe futbollisti kosovar, Lorik Cana.

Ai do ta zëvendësojë trajnerin e tanishëm, Erik Gerets, i cili para një jave bëri të ditur se nuk do të vazhdojë bashkëpunimin me këtë klub. "Zgjedhja e Didie Deshampit, cilësitë e të cilit si futbollist, por edhe si trajner flasin gjithçka, ka ardhur natyrshëm, kurse në një takim të presidentit të klubit me aksionarët është konfirmuar kjo zgjedhje” tha një zyrtar i Marseille.

“Pas Erik Geretsit, Marseja nuk kishte zgjidhje tjetër veçse të kërkonte një trajner të klasit të parë", thuhet në deklaratën e klubit marsejez. Nga klubi marsejez është bërë e ditur se Deshamp ka nënshkruar kontratë dyvjeçare, kurse qëllimi kryesor i tij do të jetë titulli i kampionit të Francës.

Në karrierën e tij si trajner, Deshamp e udhëhoqi Monakon deri te finalja e Ligës së Kampionëve në vitin 2004, kurse Juventusin e ndihmoi të kthehet në Seria A, pas një edicioni të kaluar në Serie B, për shkak të "Calciopolit".

[Damian1]

Inter do argjentinas, Higuain ose Milito nëse ikën Ibra

Sulmuesi Higuain i Realit ose Diego Milito i Genoas mund të zëvendësojnë suedezin Ibrahimovic tek kampionët e Italisë

Kampioni i Serie A, Interi, dëshiron sulmuesin e Real Madridit, Gonzalo Higuain, nëse sulmuesi kryesor i kampionëve të Italisë Ubrahimovic do të lëvizë në kahun e kundërt.

Corriere dello Sport shkruan se Interi do të analizojë shitjen e suedezit nëse Reali është i përgatitur ta japë të riun argjentinas, i cili ka pasur një paraqitje solide këtë sezon.

Po ashtu në diskutim janë edhe dy yjet tjera të Realit, Klaas Jan Huntelaar dhe Arjen Robben, derisa Interi është duke analizuar se çfarë mund të nxjerrë për të lëshuar Ibrahimoviç. Ndërkohë, bëhet e ditur se Interi do të zhvillojë bisedime me Genoan në fund të këtij muaji, rreth mundësisë së transferimit të sulmuesit Diego Milito.

Bomberi argjentinas që është pagëzuar me emrin “Princi" nga skuadra e Genoas, u bë protagonist me 3 gola në fundjavë dhe po inspiron genoan në një fushatë të shkëlqyer në vendin e pestë.

[Damian1]

Wolfsburg dhe Milan janë dy destinacione të Frank Rijkaard

Skuadra kryesuese e Bundesliga kërkon Rijkaard për periudhën post-Magath, ndërsa Milani do të shfrytëzojë miqësinë e vjetër me ish lojtarin

Fuqia me e re e futbollit gjerman, Wolfsburg mendon per nje pasardhes te denje te Felix Magath. Tekniku aktual do largohet ne fund te ketij sezoni per t’u bashkuar me Schalke 04 edhe pse skuadra eshte shume afer titullit kampion te Bundesliges.

Drejtuesit e klubit jeshil jane vene menjehere ne levizje per te afruar nje emer me reputacion te madh, i cili nuk eshte as me shume dhe as me pak, por holandezi Frank Rijkaard.

Sipas gazetes franceze “L'Equipe”, ish tekniku i Barcelones me te cilen ka fituar kampionatin spanjoll dhe Champions League, kerkohet edhe nga Milani, por negociatat me Wolfsburgun jane ne nje pike te mire.

Wolfsburg ndodhet ne krye te Bundesliges me 3 pike me shume se Bayern Munchen i vendit te dyte. Nderkohe edhe Milani duket se eshte ne orbiten e Rijkaard, e konfirmuar nga vete agjenti i trajnerit holandez qe mund te rikthehet te kuqezinjte, tashme si trajner.

[Damian1]

Bayern Munchen hap ankand për francezin Franck Ribery

Duket se bavarezët janë dorëzuar për largimin e Ribery dhe do të kërkojnë të përfitojnë sa më shumë. Manchester United ofron 70 mln Euro

Pavaresisht pergenjeshtrimeve te Bayern Munchen, duket se zerat per largimin e Franck Ribery nga Gjermania nuk do pushojne deri ne fundin e ketij sezoni qe mbyllet ne qershor.

Sipas te dhenave te fundit, 70 milione euro eshte shuma qe Manchester United ka ofruar per asin francez te bavarezeve. Gazeta “The Guardian” thekson se Alex Ferguson shikon tek Ribery vetite e duhura te nje lojtari te denje per te zene vendin e portugezit Cristiano Ronaldo. Ne kete gare nuk perjashtohen as klube te tjera te medha si Barcelona dhe Real Madrid.

Gjithsesi, ka shume mundesi qe Ribery te largohet nga “Allianz Arena” ne fund te ketij sezoni pasi edhe vete lojtari ka lene te kuptohet se aventura e tij ne radhet e skuadres gjermane ka marre fund.

[Damian1]

Tifozët votojnë Gerrard si futbollistin më të mirë të vitit

Kapiteni i Liverpool, Steven Gerrard votohet nga tifozët si futbollisti më i mirë i vitit duke sfiduar Giggs që u votua nga vetë lojtarët

Shpërblimi i PFA (Asociacionit të Futbollistëve Profesionist) për Futbollistin më të Mirë të Vitit i votuar nga fansat, i ka takuar kapitenit të Liverpoolit, Steven Gerrard që vlerësohet kështu nga tifozët anembanë ishullit britanik.

Veterani i manchester United, Ryan Giggs ishte më i votuari i futbollistëve, por Gerrard duket se është më i pëlqyeri nga fansat. Pas tre shpërblimeve të fituara si Lojtari më i Mirë i Muajit, Steven Gerard e ka fituar edhe shpërblimin si Lojtari më i Mirë i Vitit.

Mesfushori numër 8 i Liverpool, Gerrard ishte lojtari i parë që e fitoi këtë shpërblim nga fansat në vitin 2001 dhe triumfi i sivjetmë tregoi se popullariteti i tij është i lartë si gjithmonë.