Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Spanjolli Carles Puyol pasues i Maldinit te Milani?

Sipas "Tuttosport", Milani ka shënjestruar mbrojtësin e Barcelonës, Carles Puyol, si zëvendësuesin e mundshëm të legjendës Paolo Maldini.

Kapiteni i Milanit ka njoftuar se do t’i japë fund karrierës së tij të gjatë si futbollist në mbarim të këtij sezoni, ndërsa Rossonerët janë duke kërkuar një pasues të denjë të tij.

“Tuttosport” shkruan se emri i spanjollit Puyol figuron i pari në listën e Milanit, ku si opsione janë edhe Philippe Mexes dhe Simon Kjaer.

31-vjeçari ka përvojën e duhur për të qenë lojtar i Milanit, ai e ka fituar Ligën e Kampionëve dhe Kampionatin Evropian, ndërsa për më shumë disa vite më parë, ai kishte deklaruar se nëse largohet ndonjëherë nga Barcelona ai do t’i bashkëngjitej Milanit.

“Nga Barcelona do të largohesha vetëm për Milanin”, kishte deklaruar Puyol asokohe.

[Damian1]

Rooney: Messi fenomenal, nuk jam i rangut të tij

Sulmuesi i Manchester United Rooney, ka vlerësuar kualitetin e rivalit në finalen e Champions, Lionel Messi duke thënë se është spektakolar

Sulmuesi i kombëtares angleze të futbollit dhe njëri nga lojtarët më të mirë të Mançester Junajtedit, Uejn Runi, është vetëm njëri nga shumë futbollistë, analistë dhe strategë të futbollit që i ka dhënë komplimente sulmuesit argjentinas dhe të Barcelonës, Lionel Mesi.

"Po dëgjoj se kohëve të fundit bëhen krahasime ndërmjet meje dhe Mesit. Unë mendoi se Mesi i dinë disa mjeshtëri futbollistike më mirë se unë. Nuk mund të them se jam i kalibrit të tij, sepse Mesin e konsideroi njërin nga futbollistët më të mirë të të gjitha kohërave ", tha për Daily Star, Runi.

Por, kjo nuk do të thotë që Barcelona e cila ka në radhët e veta "njërin nga lojtarët më të mirë të planetit" është favorite në finalen e 27 majit në Romë. Përkundrazi...

"Vetëm shikoni se çfarë futbollistë patëm në bankën e rezervës kundër Arsenalit. Gigs, Skuls, Tevez apo Berbatov. Kjo është e pabesueshme. Erdhëm në situatë që të mbrojmë trofeun e fituar vitin e kaluar dhe kjo është një e arritur e madhe. Sa i përket epilogut mendoi se çdo gjë është e mundur. Sipas meje gjasat janë 50:50” , ka përfunduar Runi.

[Damian1]

Cana lë të hapur mundësinë e largimit nga Marseille

Kapiteni shqiptar i Marseille po endet mes joshjeve të merkatos dhe dëshirës për të qëndruar edhe një vit te francezët

Futbollisti kosovar, Lorik Cana ende nuk ka vendosur për të ardhmen e tij, ndonëse interesimi për shërbimet e tij nga skuadrat angleze dhe gjermane nuk mungon.

Emërimi i Didie Deshampit në krye të Olimpikut të Marsejës mund të ndryshojë mendimin e Canës për të ardhmen e tij, por kosovari duket se për momentin nuk dëshiron të flas për këtë temë.

“Nuk jam duke menduar për të ardhmen në këtë moment. Fillimisht dua ta fitoj titullin e kampionit, kurse më pas do të shohim se çfarë do të ndodh”, ka pohuar mesfushori i kombëtares shqiptare për mediat franceze. Cana ka bërë një vlerësim pozitiv për tre vitet e kaluara në Marsejë.

“Unë jam i lumtur. Këtu gjeta kohezion, harmoni me klubin, me trajnerin dhe me tifozët. Kjo më ndihmoi që unë të rritem si lojtar. Natyrisht ekziston një obligim, por vendimin për të ardhmen do të marr mbi zhvillimin e karrierës time”, ka nënvizuar Cana.

“Deri më tash kam luajtur në dy klubet më të mëdha franceze dhe as që kam mundur të imagjinojë një skuadër më të mirë këtu. Por, nganjëherë ne futbollistët duam të shohim se çfarë ndodh në vendet tjera”, ka përfunduar Cana, duke lënë të hapur mundësinë për largim nga kampionati francez.

[Damian1]

Trajneri Juande Ramos mendon për largimin nga Real Madrid

Trajneri i Realit, Juande Ramos: Kisha një kontratë 6-mujore, që do të rinovohej vetëm nëse fitoja titullin kampion

Huande Ramos, trajneri i Realit të Madridit, ka konstatuar se humbja e thellë e pësuar ndaj Barcelonës në “El Klasiko” ka ndryshuar të ardhmen e tij te klubi “merenges” dhe kësisoj ka filluar të mendojë lamtumirën, në fund të kontratës gjashtëmujore.

Në konferencën për shtyp, përpara ndeshjes së sotme me Valencian, ish-trajneri i Seviljes dhe Totenhemit pranoi: “Kontrata ime me Realin ka qenë gjashtëmujore dhe do të përfundojë më 30 qershor. Nëse do të kisha fituar titullin, do të kisha fituar automatikisht rinovimin e kontratën, por kjo gjë nuk ndodhi dhe unë po përgatitem të largohem”.

Reali i Madridit është shtatë pikë larg Barcelonës, katër javë para fundit, pavarësisht se nën drejtimin e Huande Ramosit ka fituar 17 nga 20 ndeshje. Puna e tij ka qenë shumë e vështirë si pasojë e krizës instiucionale që ka përfshirë nëntë herë kampionët e Europës.

“Që kur erdha te Reali situata u vështirësua me dorëheqjen e presidentit Kalderon dhe atmosfera rreth ekipit ishte “vullkanike”. Në mes të këtij kaosi ne arritëm të kishim një ecuri të shkëlqyer dhe merita i takon futbollistëve. Barcelona ishte një shkallë sipër nesh, por nuk u dorëzuam deri në fund dhe meritojmë elozhe për këtë. Asnjë ekip tjetër në Europë nuk do të kishte mbajtur ritmin e tyre, ashtu si bëmë ne.”

Ramos e mori drejtimin e ekipit, pas largimit të Bernd Shusterit, kur Reali kishte 12 pikë disavantazh. Ai ka rekuperuar pesë pikë ndaj Barçës, pavarësisht se ka humbur në të dyja takimet direkte me katalanasit. Në fund ai tha: “Realin e pret një fushatë elektorale. Nuk e di se cili do të jetë presidenti i ri, por dua të shmangem nga e gjithë kjo zhurmë. Unë do të bisedoj me cilido që të zgjidhet president, por e kam kuptuar se e ardhmja ime mund të jetë larg Realit. Gjithsesi, për momentin jam 100% i përkushtuar te katër ndeshjet e mbetura të kampionatit”.

[Damian1]

Hiddink: Chelsea ka nevojë për tre lojtarë kualitativë

Menaxheri i Chelsea, Guus Hiddink, beson se ekipi i tij ka nevojë për tre nënshkrime kualitative gjatë verës.

Pavarësisht se nuk do të qëndrojë në “Stamford Bridge”, trajneri Guus Hiddink ka dhënë mendimin për merkaton e ardhshme të Chelsea.

“Ata do ta analizojnë situatën dhe mund të arrijnë në përfundim se, me gjithë respektin për stilin e lojës që bëjnë e që është bukur ta shohësh, ndoshta do të kenë nevojë për një, dy ose tre lojtarë, të cilët mund t’i japin edhe më shumë fuqi ekipit”, ka thënë Hiddink.

“Nëse ata duan trofe, mendimi im ishte ky, por kjo nuk më takon mua. Ata ndoshta nuk fitojnë trofe, por janë mjaft inteligjent të arrijnë tek ky përfundim”, ka shtuar holandezi.

[Damian1]

Burgoset për dhunë kapiteni i Tottenham, Ledley King

Mbrojtësi me ngjyrë i skuadrës londineze ka përfunduar pas hekurave pasi ka qenë autor i një agresioni në një lokal nate

Kapiteni i Tottenhamit, mbrojtësi Ledley King, është arrestuar për shkak të një sulmi ndaj një personi tjetër, në orët e hershme të mëngjesit të së dielës në kryeqendrën britanike.

Policia londineze zbuloi se kishte arrestuar një djalosh 28-vjeçar para një klubi të natës në lagjen Soho të Londrës, e që thuhet se është pikërisht mbrojtësi i qendrës i Tottenhamit që ka kaluar në aktu dhune pas ndeshjes ndaj Everton të mbyllur 0-0.

“Një burrë 28-vjeçar është arrestuar nën dyshimin se fizikisht ka sulmuar një njeri të moshës 20-vjeçare”, ka thënë zëdhënësi i policisë londineze.

[Damian1]

Manchester United fiton derbin me City, titulli 4 pikë larg

Kampionët në fuqi të Manchester United kanë mundur 2-0 në “Old Trafford” skuadrën e City dhe tani u duhen 4 pikë për të rifituar titullin

Pas fitimit të një vendi për të dytin vit radhazi në finalen e Champions, Manchester United tani është pranë rikonfirmimit edhe si kampion në Premier League.

Skuadra e drejtuar nga skocezi sir Alex Ferguson tani ndahet vetëm me 4 pikë nga matematika që i mohon titullin dhe këto pikë duhet ti fitojë në 3 ndeshjet e fundit.

Në derbin ndaj Manchester City, “Red Devils” treguan supremacinë e tyre edhe pse sulmuesi Rooney e nisi lojën nga pankina. Goli i parë i ndeshjes u shënua nga portugezi Cristiano Ronaldo me goditje dënimi.

Më pas ishte argjentinasi Carlos Tevez që dyfishoi rezultatin me nëj goditje të bukur e cila përfundoi në rrjetën e Shay Given pas prekjes së shtyllës.

[Damian1]

Inter ndalet 2-2 nga Chievo, barazojnë edhe Roma e Genoa

Skuadra e Interit nuk mund të festojë titullin këtë javë pasi barazoi 2-2 në fushën e Chievo. I njëjti rezultat edhe në Cagliari-Roma

Kampioni në fuqi i Serie A, Interi, ka marrë vetëm barazim 2-2 në ndeshjen në fushën e Chievo. Të zgjedhurit e trajerit Jose Mourinho kaluan në epërsi dy herë, në secilën pjesë nga një, por vendasit barazuan në të dyja rastet për të nxjerrë një pikë të rëndësishme për mbijetesën e klubit në Serie A.

Hernan Crespo solli avantazhin për liderin e tabelës pas me një gol në minutën e tretë të lojës, por Marcolini gjeti hapësi për të barazuar rezultatin në minutën e 27-të. Inter riktheu epërsinë edhe një herë në pjesë të dytë me anë të një goditje të shkëlqyeshme nga Balotelli (64’), por Chievo sërish arriti të barazojë, kësaj here me anë të Luciano.

Për 80 minuta për Chievon në këtë ndeshje u aktivizua edhe Erjon Bogdani, i cili nuk arriti të ketë ndikim të madh në lojë. Interi me pikën e fituar shkon në kuotën e 78 pikëve, tetë më shumë se Milani, që sonte do të presë në San Siro ekipin e Juventusit në derbin më të rëndësishëm të javës në Serie A.

Roma barazoi 2-2 në fushën e Cagliari duke shtuar zërat e krizës. Matri dhe Acquafresca shënuan dy herë për ekipin nga Sardegna por romanët barazuan me Totti dhe De Rossi.

Atalanta 1 – 1 Genoa

Cagliari 2 – 2 Roma

Catania 0 – 2 Fiorentina

Chievo 2 – 2 Inter

Lecce 1 – 1 Napoli

Siena 1 – 0 Palermo

Torino 1 – 1 Bologna

[flor1]

MILAN vs JUVENTUS 1-1
MILAN HUMBET SHANSET ME TE MEDHA PER TE FITUAR KAMPIONATIN ITALIAN.

[Damian1]

Chelsea turpëron Arsenalin 4-1 në stadiumin “Emirates”

Arsenali ka vuajtur një disfatë të thellë në shtëpi pasi u mund 1-4 në derbin e Londrës ndaj skuadrës së Chelsea

Blutë e Chelsea kanë lënë prapa eliminimin nga Liga a Kampionëve duke bërë një paraqitje të shkëlqyeshme në Emirates Stadium ku mposhtën Arsenalin me rezultat të thellë 4-1.

Alex dhe Nicolas Anelka, të cilët luajtën kundër ish-klubit të tyre, që të dy shënuan në pjesë të parë për të çuar të qetë Chelsean në pauzën mes pjesëve.

Braziliani Alex shënoi me kokë pas një harkimi nga gjuajtja e lirë në minutën e 28-të të ndeshjes, derisa francezi Anelka dyfishoi rezultatin me një goditja nga largësia 11 minuta më vonë.

Pjesa e dytë e ndeshje filloi edhe më keq për Arsenalin, me Kolo Toure që çoi topin në rrjetën e vet (49’), pas një goditje të edhe një ish-lojtari të Arsenalit, Ashley Cole. Zëvendësuesi Nicklas Bentner zbuti ca rezultatin kur kishin mbetur edhe 20 minuta lojë, por një gol tjetër i vonshëm nga Florent Malouda vulosi fitoren e Lartë të ekipit të Guus Hiddink.

Me këtë fitore, Chelsea ka siguruar vendin e tretë në Premier Ligë, dhe tani mbledh 77 pikë, tre më pak se Liverpooli dhe gjashtë më pak se Manchester United.

Arsenali, që në ndeshjen e ardhshme do të udhëtojë në Old Trafford, do ta përfundojë sezonin në pozitën e katërt, pavarësisht rezultateve në ndeshjet e ardhshme. Topçinjtë mbledhin 68 pikë, 10 më shumë se Aston Villa, kur kanë mbetur edhe dy ndeshje deri në fund të sezonit.