Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Shtyhet festa për titullin e Barcelonës, barazim 3-3

Villarreal ka barazuar në çastet e fundit të ndeshjes, për të penguar Barcelonën të festojë titullin në Camp Nou, në derbin spanjoll që përfundoi me rezultat 3-3

Nëse merrte tri pikë, Barcelona do të krijonte dhjetë pikë epërsi ndaj Real Madridit, kur deri në fund të kampionatit mbeten edhe tre ndeshje. Por, me një pikë të marrë, katalanasit janë tetë pikë mbi kampionin në fuqi dhe matematikisht nuk e kanë të fituar titullin, pasi kanë nevojë për së paku edhe një pikë.

Blaugranët kaluan në epërsi pas 12 minutash lojë, kur goditja e Seydou Keita u devijua nga Gonzalo Rodriguez për të përfunduar në rrjetën e Diego Lopez. Pas dhjetë minutash tjera mysafirët barazuan, kur pas një gabimi të Yaya Toure, Giuseppe Rossi asistoi për Joseba Llorente. Megjithatë vendasit shënuan edhe dy herë në pjesë të parë, për të shkuar në pauzë me dy gola epërsi. Së pari Samuel Eto’o shënoi nga afërsia pas një asistimi të Andres Iniesta, ndërsa në çastet e fundit të pjesës së parë Daniel Alves shënoi nga gjuajtja e lirë për t’i dhënë 3-1 epërsinë Barcelonës.

Të zgjedhurit e trajnerit Pep Guardiola zhvilluan lojë sulmuese edhe në pjesën e dytë, por nuk gjetën golin. Pas gjashtë minuta në pjesë të dytë, Alves harkoi për të gjetur Keitan, goditjen e të cilit e mbrojti portieri Lopez, por jo edhe atë të Xavi. Megjithatë goli u anulua padrejtësisht, për shkak të pozicionit jashtë loje.

Momenti rikthyes në ndeshje ishte largimi me karton të kuq i Eric Abidal (për të dytën ndeshje radhazi), pas ndërhyrjes ndaj Llorente, që i fali edhe një penalti. Nga pika e bardhë nuk huqi zëvendësuesi Mati Fernandez, që ngushtoi rezultatin në 3-2.

Kur tifozët ishin të gatshëm për festë, ndodhi edhe befasia më e madhe, me Llorente që shënoi në minutën e dytë të kohës shtesë, pas një konfuzioni në mbrojtjen e Barcelonës.

[Damian1]

Derbi i Italisë mes Milanit dhe Juventusit mbyllet 1-1

Milani dhe Juventusi kanë barazuar 1-1 në stadiumin “San Siro” në ndeshjen kryesore të kësaj jave në Serie A

Milani nuk ka përfituar dot për t’ju afruar Interit dhe për të mbajtur gjallë shpresat për titullin pasi në ndeshjen ndaj Juventus ka barazuar 1-1. Derbi i Italisë mes kuqezinjve dhe skuadrës torineze ka qenë spektakolar dhe emocionues por është mbyllur në barazim.

Pjesa e parë u mbyll me rrjeta të paprekura ndërsa në të dytën ishte Clarence Seedorf që i dha avantazhin Milanit. Një aksion pa shumë pretendime nxorri zbuluar mesfushorin holandez që mposhti Buffon nga një istancë e afërt për shifrat 1-0.

Por Juventus nuk u dorëzuar edhe pse në formacion kishte të rinj si De Ceglie apo Marchionni dhe gjeti golin e barazimit pas pak minutash.

Një krosim në zonën e Milanit nga Mauro German Camoranesi u shfrytëzua më së miri nga Iaquinta që shënoi me kokë në portën e Kalac. Ndeshja nuk ndryshoi më ndërsa Favalli u ndëshkua me karton të kuq.

[Damian1]

Guus Hiddink porosit Arsenalin: Mësoni nga kjo humbje

Pas disfatës turpëruese në stadiumin “Emirates”, trajneri holandez ka ironizuar skuadrën e “Gunners” dhe trajnerin e saj

Menaxheri i Chelsea, Guus Hiddink, ka tallur Arsenalin e trajnerit Arsene Wenger, pas fitores së thellë të bluve në derbin e djeshëm të Ligës Premier.

“Sigurimi i vendit të tretë më jep mua dhe secilit një kënaqësi të veçantë, duke marrë parasysh situatën në muajin shkurt. Lojtarët reaguan në mënyrë të përkryer dhe unë jam shumë krenar”, ka thënë Hiddink.

Humbja e djeshme prej 4-1, ishte edhe humbja më e thellë e Arsenalit ndaj Chelseat në ligë, që nga viti i lartget ne 1960.

“Kjo tregoi para së gjithash se Chelsea është një prej dy ose tre klubeve më të mëdha në Evropë, por kjo po ashtu do t’i japë mundësi Arsenalit të mendojë më shumë. Kjo mund të jetë një goditje e rëndë dhe t’u tregojë atyre çfarë duhet të bëjnë”, ka shtuar holandezi.

[Damian1]

Iniesta mund të mungojë në finalen e Champions League

Futbollisti katalanas Andres iniesta është dëmtuar në barazimin spektakolar 3-3 me Villarreal dhe mund të mungojë në finalen e Champions

Mesfushori i Barcelonës, Andres Iniesta, mund të jetë jashtë finales së Ligës së Kampionëve, të cilën ekipi spanjoll do ta zhvillojë kundër Manchester United më 27 maj në stadiumin Olimpico të Romës.

Iniesta pësoi një lëndim të kofshës gjatë barazimit të djeshëm të Barcelonës ndaj Villarrealit në Camp Nou, barazim që i pamundësoi ekipit katalanas të festojë titullin.

“Nuk kam parandjenja të mira. Do të presim testet nesër, por nuk ka gjasa që ai të luajë këtë javë. Ne do të përpiqemi ta kemi të gatshëm për Romë, kjo është gjithë çfarë mund të bëjmë. Duhet të presim testet dhe të shohim”, ka thënë Pep Guardiola

[Damian1]

Marseille, Cana në garë për futbollistin më të mirë

Lorik Cana, mesfushori shqiptar i Olimpikut te Marsejes, eshte ne gare per te fituar çmimin e lojtarit me te mire te kesaj skuadre ne sezonin qe eshte drejt mbylljes

Emri i 25-vjeçarit kuqezi eshte perzgjedhur ne listen e faqes prestigjioze sportive ne internet “Goal.com”, e cila po organizon nje sondazh online.

Kjo liste perbehet nga pese futbolliste. Jane keto emra qe se bashku me Lorik Canen e kane shnderruar skuadren ne nje pretendente per te rikthyer titullin kampion ne Marseje pas 18 vjetesh: Portieri Steve Mandanda, Taje Taiuo, Lorik Cana, Benua Shejru dhe Mamadu Niang.

Shpjegimi i “Goal.com” per ecurine e kapitenit shqiptar ne kete sezon eshte: “Çdo skuader e madhe ka nevoje per nje lider te madh, dhe Cana eshte nje i tille te Marseja ne kuptimin e plote te fjales.

Shqiptari ka bere nje pune shume te mire ne mesfushe, eshte energjik, kembengules, i paperkulur ne e stilin tij dhe i jep ton lojes se Olimpikut te Marsejes.

[Damian1]

Gigi Buffon bën prapakthehu: Do qëndroj te Juventus

Portieri më i mirë në botë, Buffon ka ndryshuar qëndrim duke deklaruar qëndrimin te Juve dy ditë pasi tha se do largohej

Gardiani i kombëtares italiane dhe skuadrës së Juventus, Gianluigi Buffon ka ndryshuar rrënjësisht qëndrimin e tij në lidhje me “Zonjën e Vjetër”. Numri 1 i bardhezinjve ka thënë se barazimi ndaj Milanit tregoi që skuadra është e fortë dhe nuk do largohet në qershor.

“Pas barazimit me Lecce dhe në ndeshje të tjera kisha nevojë për disa shpjegime. Bisedova me drejtuesit e Juventus dhe ata më qetësuan” tha Buffon. ”Nuk kërkova garanci për sukses në sezonin e ardhshëm, por që në tre ose katër vitet e ardhshme të ndërtohet një përbërje e aftë për tituj”, ka thënë Buffon për mediat.

“Juventus kishte një rënie të formës që nuk mund të mendohej. Nëse dëshironi të luftoni për tituj, duhet të keni sa më pak kriza dhe jo dy, tre ose katër, siç na ndodh ne”.

“Nuk ka mundësi që në fund të sezonit të largohem nga Juventusi”, ka shtuar italiani Buffon. Ai nuk ka në plan të largohet nga Torino në fund të këtij sezoni, pavarësisht spekulimeve që qarkulluan së fundmi.

[Damian1]

Massimo Moratti: Juventusi na ndihmoi...

Presidenti i Interit, Massimo Moratti, është i kënaqur për shkak të barazimit në mes të Milanit dhe Juventusit, pasi kjo iu mundëson nerazurëve që me fitore ndaj Sienës në vikendin e ardhshëm të festojnë skudeton.

“Mbrëmë pasdite isha ca i nervozuar, jo për shkak të skudetos, por për shkak se dy herë udhëhoqëm dhe lejuam kundërshtarin të barazojë. Por sigurisht se disponimi tash është më i mirë pasi Juve na ndihmoi me barazimin e nxjerrë kundër Milanit”, ka thënë Moratti.

“Tash kemi një ndeshje të rëndësishme kundër Sienës dhe duhet ta fitojmë atë përballje dhe ta fitojmë skudeton në Giuseppe Meazza”, ka shtuar italiani.

[Damian1]

Juventus pa fitore në 50 ditë, Ranieri shprehet i qetë

Trajneri i Juventus, Claudio Ranieri është shprehur i qetë pas barazimit me Milanin edhe pse skuadra ka 50 ditë që nuk fiton

Futbollistët e Juventusit nuk kanë regjistruar fitore plotë 50 ditë, ndonëse gjatë kësaj periudhe kanë luajtur 7 ndeshje. Të dielën ata barazuan në "San Siro" kundër Milanit 1:1 dhe ky ishte barazimi i pestë në gjashtë ndeshjet e fundit.

Para kësaj ndeshje kishte zëra të shumtë se kjo do të ishte sfida e fundit e Klaudio Ranierit në krye të Juventusit, mirëpo ai është shprehur tejet i kënaqur me atë që kanë treguar futbollistët e tij dhe nuk duket fare i brengosur për të ardhmen e tij.

"Mendoj se tifozët tanë mund të jenë të kënaqur me ndeshjen kundër Milanit. Ishim konkret, pra këmbëngulës në sulm, por edhe në mbrojtje mjaft të mirë", ka pohuar Ranieri, duke shtuar: "Nuk iu kam frikësuar kësaj ndeshjeje, ndonëse shumëkush u mundua të na frikësoi me formën e Milanit. Por, Juventusi është skuadër e cila nuk guxon t'i frikësohet askujt. Edhe kur pësuam gol, isha i bindur se ne do të nxjerrim rezultat pozitiv", ka nënvizuar Ranieri.

Tri javë para përfundimit të kampionatit Juventusi zë pozitën e tretë, me 67 pikë, kurse këtë pozitë ia kërcënon Fiorentina, e cila ka vetëm tre pikë më pak. Fitoren e fundit bardhezinjtë e kanë shijuar më 21 mars kundër Romës dhe atë si mysafir, 4:1.

[Damian1]

Arsene Wenger nënkupton largimin e Adebayor nga ekipi

Futbollisti i kombëtares së Togos, Emmanuel Adebayor, sipas të gjitha gjasave në fund të këtij edicioni do të braktisë skuadrën e Arsenalit

Skuadra e tij e re ka mundësi të jetë Milani. Ka kohë që në media spekulohet për kontaktet Adebajor-Ançeloti, kurse largimin e togolezit e ka konfirmuar në një mënyrë edhe trajneri i 'topçinjve', Arsen Wenger.

"Gjatë kësaj vere do të humbim një futbollist të fortë. Dita e ndarjes me të po afrohet gjithnjë e më tepër", ka theksuar Wenger. Adebajori gjatë këtij edicioni ka shënuar 30 gola ne 36 ndeshje. Vengeri është i vetëdijshëm se edhe Eduardo, Van Persi, Ualkot apo ndonjë futbollist tjetër do të mund të kërkohet nga klube të ndryshme, por ai ka alternativa.

"Paraguajani Roke Santa Kruz është futbollist, të cilin do të dëshiroja ta shoh në fanellën e Arsenalit", ka thënë shkurt Wenger. Santa Kruz që nga transferimi i tij nga Bajerni në Blekburn ka shënuar 29 gola në gjithsej 70 ndeshje. Mirëpo, nuk është vetëm Arsenali i interesuar për shërbimet e tij, pasi në gjurmët e Santa Kruzit janë edhe Totenhemi, Mançester Siti dhe Liverpuli.

[Damian1]

Kakà: Besoj në projektin e Milanit, do të qëndroj këtu

Fantazisti brazilian i Milanit, ka riktheksuar besimin ndaj skuadrës duke mohuar largimin drejt Realit apo Manchester City

“Nuk do të largohem nga Milani dhe pres të bëhem kapiteni i ardhshëm i skuadrës” Këto fjalë besimi janë thënë nga braziliani Kakà në një intervistë për mediat italiane duke larguar përfundimisht opsionet e Real apo City.

“Besoj në projektin e Milanit dhe nuk mund të tradhtoj tifozët. Drejtuesit duhet ta rinojnë klubin dhe shton se mezi pret të rikthehet në lojë në Ligën e Kampionëve” tha Kakà.

“Të gjithë e dinë se ekipi ka nevojë të rinohet. Maldini do t’i japë fund karrierës, ndërsa Emerson nuk është më me ne. Kemi nevojë për një ekuilibër të futbollistëve të rinj dhe atyre me përvojë, siç ishim në vitin 2003 kur erdha unë”, ka thënë Kaka.

“Jam i lumtur që sezonin e ardhshëm do të luajmë në Ligën e Kampionëve. Kjo më kishte munguar shumë. Një vit para televizorit i kam përcjellë ndeshjet dhe kam parë disa përballje vërtet interesante. Kjo më ka shkaktuar shumë dhimbje”, shton mes tjerash braziliani.