Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Sot luhet Shqipëri-Milan, kuqezinjtë kundër kuqezinjve

AcMilan.com: “Herën e parë shqiptarët na pritën me dashuri të madhe”. Yjet milanistë marrin pjesë për herë të dytë në trofeun Taçi Oil Albania Reads”

“Në ndeshjen e parë në Tiranë, Milani u prit me entuziazëm të madh e me dashuri nga populli shqiptar, gjë që sigurisht do të ripërsëritet me rastin e miqësores së nesërme” Kështu shkruhet në faqen zyrtare të Milanit, me rastin e edicionit të dytë të trofeut “Taçi Oil Albania Reads”, që tashmë ka marrë ngjyra ndërkombëtare, duke qenë i vetmi i këtij lloji që luhet në Shqipëri.

Sot në “Qemal Stafa” rreth 10 mijë futbolldashës të zjarrte shqiptarë, tifozë të Milanit apo dhe të Kombëtares italiane në përgjithësi do të përjetojnë emocione të mëdha kur Milan, klubi rekordmen përsa i përket trofeve ndërkombëtarë do të luajë për herë të dytë në Tiranë.

Fansat do të “shijojnë” jo vetëm të pasurit autografeve me emrate më të mëdhenj të futbollit botëror si Bekam, Kaka, Gatuzo, Pato, Ronaldinjo, Shevçenko, Inzagi, Zambrota, por dhe magjinë e tyre në fushën e blertë. Milani mbërrin në Tiranë vetëm 48 orë pas ndeshjes me Juventusin, ndërkohë që pas miqësores me Shqipërinë, kuqezinjtë italianë do të luajnë kundër Udinezes ditën e shtunë.

Epiqendra e vëmendjes do të jetë Rikardo Kaka, pasi zor se braziliani do të ketë rast tjetër të vijë me përfaqësuesen e Brazilit për të luajtur kundër Kombëtares sonë. Ndryshe nga hera e parë në tetor të vitit të kaluar, kur mungonin për shkak të impenjimeve ndërkombëtare shumë prej lojtarëve kryesorë të skuadrës, këtë herë 17-herë kampionët e Italisë do të jenë me të gjithë efektivin e tyre “Qemal Stafa”. Kështu, këtë herë, përveç Ronaldinjos dhe Shevçenkos do të jenë edhe Kaka dhe Pato (në tetor të dy ishin të grumbulluar me kombëtaren braziliane).

Por këtë herë risia është mesfushori anglez, i famshmi Devid Bekam. Për të ardhja në Shqipëri nuk është hera e parë, teksa Bekam ka qenë pjesëtar i kombëtares angleze kur ajo luajti në “Qemal Stafa”, në vitin 2002 me Shqipërinë. Përveç tre “topave të artë”, siç janë Kaka, Ronaldinjo dhe Shevçenko, në Tiranë pritet të vijnë edhe të paktën katër kampionë bote, që kanë fituar kampionatin e fundit botëror me Italinë në “Gjermani 2006”: Inzagi, Pirlo (ishin herën e parë), Zambrota e Gatuzo.

Humbja - Në takimin e parë të Milanit në Shqipëri, më 14 tetor 2008, Tirana fitoi 2-1 kundër Milanit të madh, falë golave të Daniel Xhafës e Gjergji Muzakës, ndërsa për Milanin golin e nderit e shënoi Ronaldinjo në fundin e takimit. Tirana, që drejtohej atëherë nga trajneri boshnajko-kroat Bllazh Slishkoviç, fitoi kështu trofeun e parë “Taçi Oil Albania Reads”, që tashmë po kthehet në një aktivitet të rregullt ndërkombëtar. Për të sjellë Milanin në Tiranë kompania “Taçi Oil” pagoi 1.7 milionë euro.

Mikpritja – Humbja e Milanit me Tiranën u komentua nga media italiane si një përkufizim i një serie të gjatë të formës së dobët të shfaqur në miqësore të ndryshme nga skuadra e Ançelotit, por drejtues të Milanit gjatë konferencën për shtyp me rastin e linçimi të edicionit të dytë të “Milan Junior Camp Albania”, thanë se ata vetë i kishin bërë bujë në shtypin italian mikpritjes shqiptare e sidomos faktit që ishin pritur në takim të veçantë nga kryeministri Sali Berisha, të cilit i dhuruan edhe një bluzë me emrin “Berisha” dhe me numrin 1.

Shqipëria - Në “Kombëtaren B” do të luajnë edhe legjionarë të tillë si Jahmir Hyka, Isli Hidi, Dorian Bylykbashi, Ervin Bulku, Kristi Vangjeli apo Hamdi Salihi. Artan Bushati, trajneri i Kombëtares U-21 të futbollit është dhe tekniku i “seleksionit” kuqezi, që do të përballet në miqësoren e bujshme me Milanin.

Ndeshja miqësore do të luhet në orën 19:00 në impiantin më të madh sportiv të vendit, që si për koincidencë është projektuar nga arkitektë italianë. Kompania “Taçi Oil” me organizimin e këtij aktiviteti ka për qëllim jo vetëm t’i dhurojë një spektakël të paharrueshëm sportdashësve shqiptarë por me fondet e mbledhura të cilat do të shkojnë në dobi të fëmijëve ne nevojë, të sensibilizojë shoqërinë për më shumë kujdes dhe dashuri për ta.

Çudia - Ndërsa Milani ka bërë zyrtare listën e tij prej 21 futbollistësh, në të njëjtin artikull ka publikuar edhe listën e Kombëtares shqiptare, por me emra që të paktën nuk janë grumbulluar aspak nga trajneri Artan Bushati. Madje figurojnë emra të tillë si Alban Bushi apo dhe Altin Haxhi e Bekim Kastrati, që prej muajsh nuk janë më pjesë e përfaqësueses. Befasia është e madhe, pasi figuron edhe një emër i panjohur për ambientet futbollistike shqiptare: Erion Meça i Frozinones, një skuadër e dorës së katërt në Itali. Se nga e kanë gjetur këtë listë njerëzit e acmilan.com, një zot e di, por një fakt është kokëfortë, që nuk ka pasur kurrë një komunikim zyrtar midis FSHF-së e Milanit.

42 trofe - Milani është sinonim jo vetëm i lavdisë italiane e futbollit spektakolar, por nga viti 1899 (vit i themelimit) ka në muzeun e tij në total 42 trofe: 17 kampionate në Serinë A, 7 Liga Kampionësh, 3 Kupa Interkontinentale, 1 Botëror për klube, 4 Superkupa Europiane, 5 Superkupa të Italisë, 3 Kupa të Italisë dhe 2 Kupa të Kupave. Aktualisht Milani ndodhet në vendin e dytë në Serinë A, duke zënë direkt një vend për edicionin e ardhshëm të Ligës së Kampioneve.

[Damian1]

Liverpool, Rafael Benitez mendon për sezonin e ardhshëm

Matematika e mban ende ne loje skuadren e Liverpool per trofeun e Premier League por Rafa Benitez le te kuptohet se mendja e tij tashme punon per sezonin e ardhshem

Ne nje interviste dhene per “Setanta Sports”, tekniku i Liverpool ka pohuar se skuadra e tij eshte ne gjendje ta fitoje trofeun e shumedeshiruar edhe pse gjate viteve te fundit i eshte afruar shume. “Kete vit treguam se kemi cilesite e duhura.

Mjafton te shikojme skuadren qe kemi tani dhe ta krahasojme me periudhen kur erdha ketu. Kemi lojtare me mentalitet fitues”, thekson tekniku spanjoll. Benitez beson gjithashtu se skuadres se tij i mungon edhe nje pjese e vogel cilesore per te fituar kampionatin.

“Nese shohim gjendjen financiare te Chelsea, United dhe Arsenal, me gjithe parate e shumta qe mund te shpenzojne, gjithcka behet e veshtire”, perfundon Benitez.

[Damian1]

Holandezi Robben paralajmëron qëndrimin te Real Madrid

Futbollisti holandez, Arjen Roben, i ka ofruar besnikërinë klubit të tij aktual Real Madrid, duke thënë se do të qëndrojë te “merengues”

Ish-futbollisti i Çelsit, i cili kohët e fundit është përmendur si përforcim i mundshëm i Liverpulit, Mançester Sitit dhe Interit, ka pohuar se edhe në edicionin e ardhshëm do të luajë në fanellën e Realit të Madridit.

“Dëshiroj të luaj për Realin, ngase në këtë klub jam i lumtur. Në këtë edicion kam luajtur më mirë se sa edicionin e kaluar, por mundem edhe më mirë. Ajo që dua është që ta ndihmoj këtë klub për të fituar trofe. Çdo futbollist duhet ta meritoj fanellën e Realit”, ka thënë Roben.

Holandezi është i vetëdijshëm se gjasat e skuadrës së tij për të mbrojtur titullin e kampionit janë vetëm teorike, por pret që skuadra ta mbyll edicionin ashtu siç duhet. “Kemi pësuar humbje në dy ndeshjet e fundit, por nuk do të dorëzohemi. Duhet të mbesim profesionistë dhe të mundohemi të fitojmë në tri ndeshjet e fundit”, ka përfunduar Roben.

[Damian1]

Zola shpreson të konkurrojë për top katërshen...

Menaxheri i West Ham United, Gianfranco Zola, është i vendosur që gjatë afatit transferues të verës të gjejë lojtarë të cilët do të ndihmojnë ekipin të mbulojë dallimin me katër ekipet kryesuese të Premier League.

Duke theksuar humbjen e fundit ndaj Liverpoolit, Zola ka thënë se dallimi i ekipit të tij dhe atyre kryesuese qëndron vetëm në kualitetin e skuadrës, dhe se shpreson shumë shpejt t’i arrijë ata.

“Diferenca në mes të ekipeve si ne dhe atyre është e madhe, por në kualitetin e ekipit, dhe do të arrijmë atje. Jam i bindur se shumë shpejt do të garojmë me ta. Duhet vetëm të ngremë ca kualitetin në treshen e fundit, por jam i bindur se jemi në rrugën e duhur”, ka htënë Zola.

“Secila ndeshje është mësim për mua. Ndonjëherë me ekipe si ky nuk është e mundur të luhet më mirë se që luajnë ata. Ju duhet diçka e veçantë. Do të përpiqemi të punojmë në këtë drejtim”, ka shtuar italiani.

[Damian1]

Adriano Galliani: Interi merriton te fitoje...

Interi eshte shume prane fitores se kampionatit dhe e merriton kete eshte shprehur Adriano Galliani.

Interi eshte shume prane fitores se kampionatit dhe e merriton kete eshte shprehur Adriano Galliani.
Interi gjate ketij kampionati ka qene skuadra qe ka luajtur ne menyre konstante dhe ka mbajtur nje ritem te mire keshtu qe merriton te shpallet kampion.

Eshte e sigurt qe nuk ka bere loje me te bukur se ajo e jona por ka pasur nje nivel konstant dhe piket behen ne kete menyre eshte shprehur Galiani ne aeroportin Malpensa perpara se te nisej per ne Shqiperi ku do te luhet nje ndeshje miqesore.

Per te ardhmen do te flitet vetem kur te kemi siguruar nje vend te Champions League.

[-dr-alb]

a mund ta shikojme ndeshjen shqiperi-milan nga digi tv, apo nga nga nje vend tjeter flm?

[Damian1]

Lazio mendon për Claudio Ranierin në stolin e skuadrës

Lazio dhe Sampdoria, dy skuadrat finaliste të Kupës së Italisë do ndryshojnë trajner gjatë sezonit të ardhshëm. Bardhekaltërit duan Ranierin

Claudio Lotito, presidenti i bardhekalterve romane ka menduar qe ne vend te Delio Rossi-t te sjelle ne skuader nje emer te madh. Behet fjale per teknikun aktual te Juventusit, Claudio Ranieri.

Roma eshte qyteti i trajnerit bardhezi dhe ndoshta ka nje mundesi qe ai te pranoje projektin e Lazios. Problem tjeter per arritjen e marreveshjes mund te jete edhe rroga e Ranierit, i cili nuk mund te marre me pak se 1 milione euro ne sezon.

Nga ana tjeter, Sampdoria mendon per trajnerin Gigi Delneri qe ka njoftuar largimin nga Atalanta ne fund te ketij sezoni. Nese ne radhet e xhenovezeve do qendroje edhe dyshja Cassano-Pazzini, Del Neri mund te ndertoje nje skuader te forte per te tentuar edhe Europen.

[Damian1]

Evertoni firmos me talentin shqiptar Shkodran Mustafi

Skuadra e qytetit të Liverpool ka bërë një gosditje të zgjuar në merkato duke vendosur nën kontratë talentin shqiptar Mustafi

Skuadra angleze, Everton ka nënshkruar kontratë trevjeçare me futbollistin 16-vjeçar, Shkodran Mustafi, i cili deri më tash ishte pjesë e Hamburgut.

"Ky është një hap i rëndësishëm në karrierën time. Ishte pak vështirë për të marrë vendimin për largim nga Hamburgu, por mendoj se ky vendim është i arsyeshëm", ka theksuar Shkodran Mustafi.

Ndërkohë kreu i akademisë së futbollit te Hamburgu, Jens Tod ka thënë se ka qenë e pamundur të mbahet ky lojtar, duke pasur parasysh se po e kërkonte një skuadër e fortë angleze.

"Ne u përpoqëm ta mbajmë Shkodranin, por kur një klub anglez vjen dhe e kërkon një futbollist, ne nuk jemi në gjendje për të konkurruar financiarisht dhe për ta mbajtur në skuadër", ka pohuar Tod. Shkodran Mustafi, i cili ka lindur në Gjermani, luan në repartin e mbrojtjes dhe është edhe pjesë e përfaqësueses U-17 të Gjermanisë

[Damian1]

Milan në Tiranë, fatura e kripur sërish 1,7 milionë Euro

Milani mbush sërish arkat me “vizitën” 10 orëshe në Shqipëri. Për ndeshjen e dytë të trofeut “Taçi Oil”, klubi kuqezi është paguar 1,7 milionë euro

Shifra eshte e njejte me ate te shtate muajve me pare, kur gjigantet italiane luajten me Tiranen: Ne miqesoren e 14 tetorit, bardheblute fituan me rezultatin 2-1.

Shifra eshte konfirmuar nga te derguarit e redaksise se sportit te kanalit “Italia 1” ne lidhjen direkte me emisionin “Studio Sport”, te derguarit e “Mediaset”-it, Xhampaolo Gerrarduçi, Sebino Nela dhe Karlo Pelegati. Fatura shihet si nje prej me te lartave te paguara per te luajtur miqesore me Milanin, madje ajo ua kalon edhe sheikeve arabe.

Afro nje muaj me pare, me saktesisht me 4 mars 2009, skuadra e yjeve e drejtuar nga trajneri Karlo Ançeloti ka udhetuar drejt Katarit, per nje ndeshje me As Sad. Edhe ne ate rast, kreret e ekipit qe ka fituar me shume trofe ne bote i dhane me shume rendesi marketingut: kuqezinjte fituan 2-1 (gola te Patos dhe Antoninit), sheiket mbeten te lumtur ndersa arkave te klubit iu shtuan 1 milione euro.

Pra, me llogari te thjeshta, shifra per ndeshjen ndermjet Kombetares “B” dhe Milanit eshte 700 mije euro me e larte. Per t’u theksuar jane edhe shifrat me te uleta te perfituara ne miqesoret e luajtura me ekipe te njohura evropiane.

Per ndeshjen me Hamburgun ne Dubai, skuadra e cila renditet e dyta ne Serine A u pagua 500 mije euro, ndersa per miqesoret me Hanoverin dhe skocezet e Gllasgou Rejnxhers ata perfituan 600 dhe 800 mije euro.

[Damian1]

Van Persie: Nuk meritojmë më lart se vendi i katërt

Sulmuesi holandez në radhët e Arsenalit, Robin Van Persie ka thënë se skuadra e tij nuk meriton më shumë se sa pozitën e katërt në Premier League në këtë edicion

“Kur e shikojmë në tërësi këtë edicion, atëherë shohim se nuk kemi qenë konstant sa duhet për të merituar diçka më shumë se sa vendi i katërt.

Sinqerisht mendoj se vendi i katërt është pasqyrim real se si kemi luajtur në këtë edicion, ngase kemi humbur shumë ndeshje, të cilat është dashur t’i fitojmë nga të ashtuquajturat ‘klube të vogla’.

“Natyrisht se çdo skuadër ka një periudhë të dobët, në të cilën humb pikë, por ne kemi pasur dy apo tri periudha të tilla dhe jemi vetë fajtor për një gjë të tillë”, ka thënë Van Persi.