Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Moratti: Trajneri Mourinho do vendosë për blerjet e Inter

Moratti ka thënë se do të jetë trajneri Mourinho ai që do të vendosë se kush lojtar do të forcojë kampionët e Italisë

Presidenti i Interit, Massimo Moratti, thotë se çdo nënshkrim këtë verë do të varet nga vetë trajneri Jose Mourinho. Numri 1 i kampionëve të Italisë ka thënë se objektivat e tyre në merkato, si Drogba, Milito apo ndonjë tjetër do të varen nga tekniku portugez.

“Ne do të luajmë lojën në pritje në treg, pjesërisht për shkak të situatës financiare. Sidoqoftë, Ibrahimoviç do të qëndrojë me ne dhe nuk do të largohet pavarësisht deklaratave të tij apo hamendësimeve”, ka thënë Moratti.

“Transferimet bëhen problem vetëm kur ju bëni nënshkrime jo të arsyeshme, por është gjithmonë trajneri ai i cili i merr vendimet”, ka shtuar presidenti i zikaltërve duke nënkuptuar se Jose Mourinho do të vendosë veton për ardhjet e reja.

Komentet e bera

[Damian1]

E pëlqente gruaja e tij, arbitri shqiptar karton për Kaka’

Lulzim Jemini ka bërë shaka me fantazistin brazilian por e ka ndëshkuar pasi gruaja e tij ishte tifoze e Kaka’

Një histori mjaft e veçantë ajo e djeshmja mes arbitrit Lorenc Jemini dhe brazilianit Rikardo Kaka. Në një intervistë të botuar në "Sport Ekspres", Jemini thoshte me shaka se gruaja e tij është e çmendur pas fantazistit të Milanit dhe nga inati, do t'i jepte atij një karton.

Dhe në fakt, gjyqtari nga kryeqyteti nuk ia kurseu aspak të verdhin, sapo Kaka guxoi ta pyeste se përse nuk dha një goditje këndi.

Një moment, që i ka bërë të gjithë në stadium të qeshin, ndërsa në fund, arbitri duket se e ka sqaruar edhe vetë futbollistin.

Ndërsa i drejtoheshin pikës së penalltisë, Jemini ka folur vetëm për vetëm me Kaka, i cili më pas ia ka plasur së qeshuri.

[Damian1]

Kupa e Mbretit, Barcelona fiton trofeun e parë...

Barcelona ka treguar edhe një paraqitje spektakolare për të arritur tek trofeu i parë i sezonit, Kupa e Mbretit, pasi mposhti në finalen e të mërkurës Atletic Bilbaon me rezultat 4-1.

Bilbao u tregua i rrezikshëm në fillim të ndeshjes, duke kaluar në epërsi me anë të Gaizka Toquero pas nëntë minutash lojë. Por Barcelona e pandalshme së pari barazoi në pjesë të parë me anë të Yaya Toure (32’), për të shënuar edhe tre gola në pjesën e dytë dhe ‘keqpërdorë’ disa raste të tjera.

Lionel Messi kaloi Barcelonën në epërsi në minutën e 10-të të pjesës së dytë, pas një topi të reflektuar nga portieri i Atleticos, që mbrojti një goditje të Samuel Eto’o.

Bojan Krkic shtoi epërsinë në 3-1 me anë të një shtylla-goli tre minuta më vonë, ndërsa në listën e golashënuesve u shënua edhe Xavi Hernandez, që mposhti portierin Gorka Iraizoz me anë të një goditje të përkryer nga gjuajtja e lirë.

Kupa e Spanjës ishte trofeu i parë për të cilin luftonte këtë sezon Barcelona. Ekipi i trajnerit Pep Guardiola është në prag për të fituar kampionatin spanjoll, ndërsa do të jetë edhe në finale të Ligës së Kampionëve në fund të këtij muaji.

[Damian1]

Diego konfirmon kalimin te Juventus...

Ylli i Werder Bremenit, Diego, është shumë afër kompletimit zyrtar të transferimit të shumëpritur te Juventusi, ndërsa vetë braziliani ka konfirmuar se sezonin e ardhshëm do ta vesh fanellën bardhezi.

“Për të gjitha gjërat jam marrë vesh me Juventusin, marrëveshja është arritur”.

“Nëse dy skuadrat (Werderi dhe Juventusi) janë marrë vesh, atëherë sezonin e ardhshëm do të luaj në Torino”.

“Ende nuk kam nënshkruar ndonjë dokument zyrtar me Juven, mirëpo mendoj se të premten do të finalizohet gjithçka”, ka thënë Diego për “Kreiszeitung Sykè”.

[Damian1]

Milan bën plan të rikthejë Tonin në Serie A...

Milani është duke menduar të shfrytëzojë interesimin e Bayern Munichut për Yoann Gourcuff dhe të rikthejë sërish në Itali sulmuesin Luca Toni.

Bayern është duke e monitoruar sezonin e suksesshëm të Gourcoff në Bordeaux dhe pret që klubi francez të mos arrijë të paguajë shumën prej 12 milionë funtesh që kërkon Milani, për të bërë transferimin e përhershëm.

Drejtuesit e Milanit tash janë duke menduar të tërheqin Gourcuff para se t’ia ofrojnë atë Bayernit në një ofertë që do të përfshijë edhe para kesh, në përpjekje për të marrë Tonin.

[Damian1]

Guardiola përshëndet shpirtin luftarak të ekipit...

Menaxheri i Barcelonës, Josep Guardiola, ka përshëndetur të gjithë ekipin pas rikthimit të mbrëmshëm nga një gol disavantazh, për të fituar në fund me rezultat 4-1 ndaj Atletic Bilbao, në finalen e Kupës së Mbretit.

Një gol i hershëm nga Toquero i dha epërsinë Atleticos në ndeshjes e zhvilluar në Mestalla, por Yaya Toure të barazoi që në pjesë të parë, para se golat e Lionel Messi, Bojan dhe Xavi në pjesë të dytë ta vulosin fitoren e Barcës.

“Kurrë nuk mund të dini se si do të përgjigjet ekipi kur pëson aq herët në një finale kundër një ekipi që e dëshiron aq shumë trofeun. Por unë kam një ekip fantastik dhe të jashtëzakonshëm dhe e përgëzoj secilin, jo vetëm lojtarët”, ka thënë Guardiola pas ndeshjes.

“Jemi shumë të lumtur dhe jam veçanërisht i kënaqur pasi ekipi tregoi gatishmëri të japë gjithë mundin e nevojshëm për të arritur sukses, jo vetëm në fushë, por po ashtu edhe në stërvitje, para dhe pas ndeshjeve të vështira”, ka shtuar spanjolli.

[Damian1]

Reina: Gerrard është më i mirë në botë dhe jo vetëm në Angli.

Portieri i Liverpoolit, Pepe Reina, mendon se bashkëlojtari i tij, Steven Gerrard, është më i miri në botë këtë sezon dhe thotë se pa të ekipi anglez nuk do të ishte i njëjti që është tash.

Gerrard dje u zgjodh Lojtari i Vitit në Ligën Premier për këtë sezon, nga Asociacioni i Gazetarëve të Sportit në Angli. Por Reina mendon se ai është më i miri jo vetëm në Angli por në gjithë botën.

“Jam i gëzuar për shpërblimin e tij, është plotësisht i merituar, dhe ai nuk është më i miri vetëm në Angli, por në gjithë botën”, thotë Reina.

“Ai këtë sezon ishte fantastik, futbollisti ynë më i mirë, futbollisti më i mirë në Angli dhe më i miri në botë. Liverpooli është një ekip më ndryshe pa të. Ai është lojtar kyç për ne”, ka shtuar portieri spanjoll.

[Damian1]

Zyrtarizohet kandidimi i Florentino Perez...

Florentino Perez ka njoftuar zyrtarisht se do të kandidohet për president të Real Madridit në zgjedhjet e qershorit, në garën për ta rikthyer postin nga i cili ishte larguar para tre vitesh.

Perez konsiderohet si pretendenti kryesor për ta fituar presidencën e Mbretërve në zgjedhjet e 14 qershorit, pasi që planifikon ta bëjë sërish Realin skuadër galaktikësh.

“Nuk kam thënë asgjë gjatë sezonit, sepse nuk kam dashur t’i përkeqësoj gjërat”.
“Mirëpo, pas ngjarjeve shumë serioze të cilat kanë ndodhur së fundmi, kam vendosur zyrtarisht të shpall vendimin tim për të garuar në zgjedhjet presidenciale të Real Madridit”, u ka thënë Perez gazetarëve në një konferencë për shtyp.

[Damian1]

Nesta: Nuk dua ta mbyll karrierën me kaq, do rikthehem

Mbrojtësi i kombëtares italiane dhe Milanit, Nesta ka mohuar zërat se do të braktisë futbollin pas dëmtimeve

Mbrojtësi i Milanit, Alesandro Nesta (33-vjeç) është i vendosur për t'u kthyer në fushën e gjelbër. Ai ka hedhur poshtë zërat se ai ka vendosur për ta përfunduar karrierën. "A do të largohem nga futbolli? Jo. Këto janë spekulime të dëmshme”.

“Jam i gatshëm ta dëshmoj një gjë të tillë", ka theksuar Nesta, duke shtuar: "Jam i bindur se do të kthehem për të luajtur futboll. Nëse kjo nuk ndodh në këtë edicion, atëherë sigurisht se do të ndodh në edicionin e ardhshëm".

Nesta gjatë kësaj jave eshte stërvitur bashkë me lojtarët e tjerë të Milanit, duke luajtur edhe disa minuta në një ndeshje kontrolluese me dyer të mbyllura në Milanello. Ai nuk ka luajtur as një ndeshje që nga tetori i vitit të kaluar, kur u paraqit në miqësoren ndaj Tiranës.

Nesta mungoi gjatë tërë këtij edicioni si pasojë e lëndimit të shpinës. Një kohë të gjatë është përpjekur ta zgjidh problemin e lëndimit duke iu shmangur operimit, por në fund u detyrua të bëjë ndërhyrje kirurgjike në shkurt dhe tashmë është shëruar shumë shpejt.

[Damian1]

Manchester, Rio Ferdinand do të mungojë ndaj Arsenalit

Mbrojtësi energjik i kampionëve të botës, Rio Ferdinand do të mungojë të shtunën në ndeshjen ndaj Arsenalit

Skuadra e Mançester Junajtedit të shtunën do të ketë rastin për ta festuar titullin e dytë radhazi të kampionit në Premier Ligë. Në fakt, "Djajve të Kuq" iu mjafton së paku një pikë në "Old Trafford" ndaj Arsenalit për të festuar titullin e ri.

Momentalisht Mançester Junajtedi ka 6 pikë më shumë se sa Liverpuli, kurse i vetmi skenar i cili mund t'i jep titullin skuadrës së Benitezit është që ajo t'i fitojë dy ndeshjet e fundit, kurse Mançesteri t'i humb ato.

Trajneri i "Djajve të Kuq", Aleks Ferguson, ka pralajmëruar se në sfidën ndaj Arsenalit nuk do të ketë në dispozicion qendërmbrojtësin Rio Ferdinand, i cili ende ka dhimbje në këmbë. "Së paku shpresoj që ai do të mund të luajë në finalen e Ligës së Kampionëve ndaj Barcelonës pas dhjetë ditësh”.

“Ai momentalisht nuk stërvitet bashkë me ne, pasi po bën vetëm stërvitje fizike dhe po e forcon këmbën. Po ashtu, e di se ai këto ditë ka punuar shumë në biçikletë, e cila ndihmon shumë në lëndime të tilla", ka theksuar Ferguson.