Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Franco Baresi, pjesëmarrës në "Milan Park", në Tiranë

Legjenda e futbollit italian dhe botëror do të jetë në aktivitetin në siglën e Milanit që do të zhvillohet të shtunën në Tiranë

Klubi italian i Milanit do të çelë të shtunën në mesditë në sheshin “Nënë Tereza” aktivitetin me emër “Milan Park Tirana”, në bashkëpunim me kompaninë “Taçi Oil International”.

“Ky aktivitet do të jetë diçka krejt e re, që përfshin ndërtimin e një parku me lodra për fëmijët dhe të rinjtë në sheshin “Nënë Tereza”, ku hyrja do të jetë falas”, thanë burime pranë kompanisë “Taçi Oil Internatinal”.

Pjesëmarrës në këtë aktivitet do të jetë edhe mbrojtësi legjendar i Milanit, Franko Barezi, i cili do të përfaqësojë klubin italian të Milanit. Emri i Barezit ka qarkulluar prej disa ditësh edhe si një kandidaturë e mundshme për stolin e Kombëtares shqiptare të futbollit dhe nuk përjashtohet mundësia e një takimi të tij me krerët e Federatës Shqiptare të Futbollit.

‘Milan Park Tirana" do të qëndrojë i hapur dy ditë dhe do të presë të gjithë fëmijët dhe të rinjtë shqiptarë, që do të duan të argëtohen, theksuan burimet e mësipërme. Ndërkohë, ky aktivitet i Milanit në Shqipëri do të pasohet edhe nga edicioni i dytë i “Milan Junior Camp”, që do të organizohet nga datat 6 -10 korrik në Tiranë, në bashkëpunim me Ambasadën Italiane në Shqipëri dhe me kompaninë “Taçi Oil International”. Ky aktivitet synon zbulimin e talenteve të reja në futbollin shqiptar dhe afrimin e të rinjve me sportin.

[Damian1]

Diego Milito është i Interit, tani mungon vetëm firma

Menaxheri i sulmuesit argjentinas të Genoa, Hidalgo, konfirmon: Në fund të sezonit mbyllim detajet e transferimit për Milito

Mungojnë detaje te vogla, por vendosëm të presim fundin e kampionatit”. Me këto fjalë Fernando Hidalgo konfirmon që Milito është thuajse një lojtar i Interit. Menaxheri i sulmuesit të Xhenoas, lë të kuptojë që është vetëm një çështje orësh: “U takuam me Brankën e Orialin, ramë dakord që sapo të mbarojë kampionati do të takohemi sërish për detajet e fundit.

Sigurisht mund të them që Interi tregoi interesimin e tij për Militon, që ndër të tjera do të jetë një “shpatull” e mirë për Ibrahimoviçin, ndoshta shumë shpejt do ta shohim në fushë këtë dyshe sulmi, qëllimi ky është”. Më pas, Hidalgo ka vazhduar të tregojë: “Milito ka shumë oferta, prej kohësh i ka treguar vlerat e tij në fushë dhe kemi pasur shumë oferta. Këtë e dëshmon forca e lojtarit.

Në të vërtet, unë pata një takim me Interin të mërkurën, - zbulon menaxheri i argjentinasit, - por lojtari është akoma nën kontratë me Xhenoan dhe në këto momente nuk duam të flasim për shifra dhe kontrata. Edhe klube të tjera italiane janë interesuar, përveç skuadrave të huaja. Është normale që me Interin kam një marrëdhënie të privilegjuar, por duhet të respektoj edhe klubet e tjera që kanë folur me mua këto ditë. Xhenoa është e gatshme të bisedojë me të gjithë nëse ka zhvillime.

Besoj se si Preciozi ashtu edhe Morati kanë një marrëdhënie të shkëlqyer dhe ne ramë dakord të flasim për kartonin e Diegos në fund të kampionatit”. Në fund Hidalgo e mbyll me një tjetër zbulim: “Milito kërkohej nga Napoli verën e shkuar para se ta merrte Xhenoa. Napoli i afroi Saragozës 5 milionë euro, që ishte një shifër e papranueshme për spanjollët.

Pastaj ata morën argjentinasin Denis. Mora vesh për bisedimet për Militon nga ana e Saragozës kur erdhi oferta: Napoli donte të përfitonte nga fakti që Saragoza kishte rënë një kategori më poshtë dhe ta detyronte klubin spanjoll të ulte çmimin”.

Por në të vërtetë, sa janë shifrat për kartonin e Militos? Edhe pse Hidalgo nuk i tregoi, burime brenda klubit zikaltër tregojnë se zëvendëspresidenti i Interit, Rinaldo Ghelfi pas takimit me menaxherin e sulmuesit e ka rrëzuar poshtë kërkesën e parë për një kontratë 4-vjeçare prej 4 milionë eurosh rrogë në vit. Interi nuk ka ndërmend të shkojë më shumë se 3 vjet kontratë me 3.5 milionë euro në sezon. Hidalgo këmbënguli për të arritur deri në 2013-ën, por më pas duket se i ka ulur kërkesat ekonomike.

Vlerësimi i plotë i Militos është 25 milionë euro, por edhe këtu do të vazhdojnë bisedimet. Pra, ka akoma pak rrugë mes Militos dhe atij klubi të madh, që argjentinasi e ndien se e meriton pasi ka kaluar një përvojë të mirë në atdhe me Resing Klub, në Spanjë me Real Saragozën dhe në Itali me Xhenoan.

Në Milano ndër të tjerë do të ketë një mik të ngushtë si Esteban Kambiason, dikush që me siguri ka pasur një rol të rëndësishëm në drejtimin e disa zgjedhjeve. Që në këtë janar, sulmuesi i Xhenoas dhe Interi ishin pranë “martesës”. Morati kërkonte partnerin ideal të Ibrës në prag të takimit të madh me Mançesterin dhe gjatë gjithë merkatos dimërore, pati bisedime të vazhdueshme, lajme, konfirmime e përgënjeshtrime. Pikërisht në orët e fundit të merkatos, u duk se u sistemua gjithçka, por për motive akoma të pasqaruara, dështoi kontakti vendimtar mes Enriko Preciozit dhe Masimo Moratit.

[Damian1]

Buffon: Juventus ka nevojë për kualitet, duhet të blejmë

Gardiani i Juventus, Gianluigi Buffon u ka bërë një apel drejtuesve që të investojnë në merkaton e ardhshme për emra të rinj

Portieri i Juventusit, Gianluigi Buffon, ua ka bërë të qartë drejtuesve bardhezi se nëse Zonja e Vjetër dëshiron të konkurrojë me Interin, atëherë nevojitet më tepër kualitet në skuadër.

“E vërteta është se ne nuk jemi në nivel konkurrues me Interin. Madje jemi skuadër më e dobët se së paku dy skuadra tjera nga Serie A. Mendoj se kemi nevojë për kualitet më të madh në pozita të caktuara, për shembull në mesfushë” tha Gigi Buffon.

“Ne kemi lojtarë të mirë, mirëpo na ka munguar Cristiano Zanetti dhe Mohamed Sissoko në mesfushë. Është sikurse te Interi të mungonte Maicon ose Ibrahimovic”, është shprehur Gigi për “Il Corriere Della Sera” duke nënkuptuar kërkesën për investime

[Damian1]

Kuyt: Liverpool do të fitojë titullin në sezonin që vjen

Futbollisti holandez i Liverpool tani është dorëzuar për titullin këtë sezon dhe beson se do të triumfojnë vitin që vjen

Sulmuesi holandez, Dirk Kuyt beson se skuadra e Liverpulit ka fituar përvojën e mjaftueshme në këtë edicion, e cila do ta ndihmojë këtë skuadër që vitin tjetër të fitojë titullin e shumëpritur.

"Kjo skuadër mund të jetë krenare dhe për mënyrën se si ka luajtur në këtë edicion. Pa marrë parasysh se çfarë do të ndodh këtë fundjavë, ne mund t'i ngremë kokat tona lart", ka thënë Kujt, duke vazhduar:

"Ne kemi mposhtur skuadrat e mëdha, si Mançester Junajted dhe Çelzi dy herë gjatë këtij edicioni. Mund të themi se ka pasur shumë barazime në shtëpi, por ne duhet të mësojmë nga ato, sepse jemi skuadër e re. Ne kemi një ndjenjë dhe një besim të madh se mund të shkojmë tutje dhe të arrijmë atë që dëshirojmë, pasi kualiteti ekziston, kurse progresi po shihet”.

“Nëse kjo nuk mjafton në këtë edicion, atëherë do të jetë një shtytje e madhe për edicionin e ardhshëm", ka nënvizuar Kujt, duke përfunduar: "Skuadra po bëhet me përvojë më të madhe, kurse futbollistët e rëndësishëm të skuadrës po nënshkruajnë kontrata të reja dhe të gjithë besojnë se do të jenë pjesë e një suksesi të madh. Pra, besimi është i madh".

[Damian1]

Berlusconi dëshiron një trajner të ri per Milanin

Presidenti i Milanit, Silvio Berlusconi, thotë se nuk ka asnjë zënkë me trajnerin Carlo Ancelotti dhe se gjithçka do të zgjidhet në fund të sezonit, por duket se edhe ai do të dëshironte një trajner të r

“Në fund të sezonit do të ulemi rreth tavolinës dhe do të gjejmë zgjidhjen më të mirë për të dhe për Milanin”, ka thënë Berlusconi i pyetur rreth raportove të tij me trajnerin.

“Por do të mund të rrezikonim në një trajner të ri, tashmë të dëshmuar. Tash ka shumë me kraharorë të gjerë të gatshëm për të drejtuar një ekip të madh”, shton presidenti i rosonerëve.

Ndërkohë, njëri nga emrat e përfolur se do të mund të zëvendësojë Ancelottin te stoli i Milanit, Marco Van Basten, së fundi raportohet se ka drekuar me stafin teknik të ekipit italian.

[Damian1]

Nemanja Vidic zgjidhet Lojtari i Vitit në radhët e United

Mbrojtësi i Manchester United, Nemanja Vidic, është emëruar Lojtari i Vitit nga bashkëlojtarët e tij dhe nga fansat e klubit anglez.

Vidic i fitoi të dy mirënjohjet pas një sezoni në të cilin partneriteti i tij në mbrojtje me Rio Ferdinand ka luajtur një rol shumë të rëndësishëm që United të mbrojë titullin në Premier League.

Mbrojtësi serb ka qenë i ngazëllyer me mirënjohjet e dhëna këtë sezon. “Është një mbrëmje e madhe për mua. Jam vërtet i befasuar që po e shijoj këtë. Në karrierë në të vërtetë kurrë nuk kam pasur shpërblime individuale”, ka thënë serbi.

“Jam i nderuar veçanërisht kur i shoh lojtarët me të cilët luaj çdo ditë. Është e mrekullueshme ta marrësh këtë çmim. Jam shumë i lumtur. Faleminderit. Unë jam zhvilluar këtu si lojtar. Falënderoj lojtarët dhe stafin drejtues”, ka shtuar më tej Vidic.

[Damian1]

Braziliani Pato dhe Sthefany, pakt dashurie në altar

Sulmuesi latin i Milanit si dhe e dashura e tij Brito do të kurorëzojnë shumë shpejt lidhjen e tyre në një martesë

Sulmuesi brazilian Alexandre Pato dhe modelja dhe akotrja braziliane Sthefany Brito janë shumë pranë martesës. E kishte premtuar një gjë të tillë dhe nuk vonoi ta bënte realitet futbollisti latin.

Ashtu si në një film Alexandre Pato i ka kërkuar prindërve të së fejuarës së tij, dorën dhe lejen për tu martuar. Më pas nuk mundi ta mbajë gëzimin duke e ndarë me fansat: Në faqen e tij në internet ylli kuqezi tha se do të martohet brenda këtij viti.

Janë larguar kështu zërat që e çonin në krizë Alexandre dhe Sthefany. Sulmuesi ka pritur që prindërit e aktores të vinin në Itali dhe ka kërkuar dorën. Braziliani është vetëm 19 vjeç por është prej muajsh i lidhur me Sthefany.

[Damian1]

Kroati Darijo Srna në planet e skuadrës së Milanit

Kuqezinjtë planifikojnë të përforcojnë skuadrën gjatë afatit kalimtar veror, ndërsa në planet e tyre është edhe kroati Darijo Srna.

Sipas tuttomercatoweb lojtari i Shakhtar Donetsk do të takohet me përfaqësuesit e Milanit pas finales së Kupës UEFA (kundër Werder Bremenit në Stamboll) dhe do të diskutojë për të ardhmen e tij të mundshme në San Siro.

27-vjeçari është një lojtar i gjithanshëm, pasi që mund të luajë edhe në mesfushë (pozitë të cilën e luan te përfaqësuesja e Kroacisë) edhe si mbrojtës krahu (siç luan te Shakhtari).

Për të fituar shërbimet e tij Milani do të përballet me konkurrencën e Bayern Munichut, pasi që edhe bavarezët dëshirojnë shërbimet e Srnas.

[Damian1]

Mbrojtësi Terry i zhgënjyer me vendin e tretë të Chelsea

Futbollisti energjik i Chelsea, John Terry ka thënë se priste të renditej të paktën në vendin e dytë në Premier League

Kapiteni i Çelsit, Xhon Terri është i zhgënjyer me faktin që skuadra e tij këtë edicion do ta mbyll në pozitën e tretë në Premier League dhe sipas tij kjo nuk mjafton për këtë klub. Mançester Junajtedi e mbrojti titullin e kampionit, kurse Çelsi distancohet tri pikë ndaj skuadrës së dytë në renditje, Liverpulit, që njëherësh ka golaverazh më të mirë.

Çelsi praktikisht ra nga lufta për titull që në muajin shkurt, pas nismës së dobët nën drejtimin e Luis Felipe Skolarit. Në atë periudhë në krye të skuadrës erdhi Gus Hidink, i cili arriti të përmirësojë shumëçka në lojën dhe rezultatet e skuadrës, por ishte vonë që Çelzi të rikthehet në luftën për titull.

“Vendi i tretë në kampionat nuk është një arritje aq e mirë për skuadrën tonë. Nëse në fund e mbyllim kampionatin në këtë pozitë, atëherë ky do të jetë bilanci më i dobët i një edicioni që kur Roman Abramoviçi ka blerë klubin”.

“Jam i sigurt se edicionin e ardhshëm Mançester Junajtedi do të jetë prapë i mirë sikur sivjet, kurse Liverpuli do të vazhdojë të përparojë. Neve na mbetet që të kthehemi në mesin e tyre dhe t’i tejkalojmë”, ka pohuar Terri.

[Damian1]

Lazio - Juventus Shkëmbimi Pandev - Iaquinta?

Sulmuesi i Lazios, Goran Pandev, dëshiron të largohet drejt një skuadre më të madhe, ndërsa Juvetnusi mund ta shfrytëzojë Vincenzo Iaquintan si pjesë e marrëveshjes për ta sjellë maqedonasin në Torino.


Presidenti i Lazios, Claudio Lotito, kërkon 20 milionë euro për lojtarin e tij, ndërsa “Corriere dello Sport” njofton se Juve do të propozojë një shkëmbim me Iaquintan.

Hamburgu, Tottenhami, Fiorentina dhe Interi janë ndërmjet skuadrave të interesuara për shërbimet e Pandev.