Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Zanetti shpreson që Ibrahimovic do qëndrojë te Inter

Kapiteni i Interit, Javier Zanetti, ka shprehur dëshirën që bashkëlojtari i tij, Zlatan Ibrahimovic të mbetet me zikaltrit edhe në sezonin e ardhshëm.

“Dëshirojmë të vazhdojmë me këtë formë të shkëlqyer edhe në sezonin e ardhshëm. Ndërsa për ta bërë këtë duhet t’i mbajmë në skuadër lojtarët tanë më të mirë”.

“Zlatan Ibrahimovic është njëri nga këta lojtarë, pasi që është i jashtëzakonshëm dhe mund të jetë vendimtar për skuadrën”, ka thënë argjentinasi në një intervistë për “Tuttosport”.

[Damian1]

Guardiola: Meritat për titullin i takojnë skuadrës, jo mua

Trajneri i Barcelonës, Josep Guardiola ka thënë se nuk ishte ai vendimtar për titujt dhe suksesin por vetë futbollistët

Ndonëse Pepe Guardiola ishte njëri nga më të merituarit për suksesin e Barcelonës në këtë edicion në kampionatin dhe në kupën e Spanjës, trajneri katalonas të gjitha meritat për kurorën e dyfishtë ia dedikon futbollistëve të tij.

“Unë me një skuadër tjetër sigurisht se nuk do të mund ta fitoja titullin e kampionit, por futbollistët e mi sigurisht se do të arrinin të njëjtin sukses edhe me ndonjë trajner tjetër”, ka pohuar Guardiola, skuadra e të cilit edhe pse pësoi humbje ndaj Majorkës në fundjavë (2:1) e festoi titullin e kampionit, ndërkohë që më 27 maj ka rastin për të fituar edhe kurorën e trefishtë në rast se arrin ta mposht Mançester Junajtedin në finalen e Ligës së Kampionëve në Romë.

“I vlerësoj të gjitha lëvdatat të cilat vijnë në adresë time, por deri këtu kemi ardhur duke iu falënderuar talentit të futbollistëve të Barcelonës dhe modestisë së tyre, përkatësisht punës së tyre të vyeshme”, ka nënvizuar Guardiola. Përveç Erik Abidalit dhe Daniel Alveshit, të cilët nuk kanë të drejt loje në finalen e Ligës së Kampionëve, i vetmi titullar i Barcelonës në duel me Majorkën ishte Samuel Eto, i cili po lufton për të fituar epitetin e golashënuesit më të mirë.

“Ai realizoi një gol të shkëlqyer dhe pati edhe disa raste tjera të mira, por nuk ta fajësoi për mosefikasitet, sepse ka shënuar gjatë tërë vitit dhe sigurisht se kështu do të vazhdojë edhe në të ardhmen”, ka nënvizuar Guardiola.

[Damian1]

Zyrtare: Cannavaro firmos per skuadren e Juventusit

Fabio Cannavaro ka bërë rikthim sensacional te skuadra të cilën e braktisi në vitin 2006.

Klubi i Juventusit ka njoftuar se mbrojtësi italian ka nënshkruar një kontratë njëvjeçare deri në qershorin e vitit 2010, me mundësinë për ta vazhduar atë deri në vitin 2011.

“Fabio Cannavaro do të jetë sërish me Juventusin që nga korriku. Juventusi ka siguruar kontratën e Fabio Cannavaros, e cila do të jetë e vlefshme nga 1 korriku i vitit 2009 deri më 30 qershor të vitit 2010”, shkruan në deklaratën zyrtare të Juventusit.

“Jam krenar që do ta vesh sërish fanellën bardhezi”, ka deklaruar Cannavaro, i cili ishte në Torino për ta nënshkruar kontratën.

[Damian1]

Messi: Na jepni Champions League, se e meritojmë

Talenti argjentinas Lionel Messi ka thënë se janë gati për të hyrë në histori duke mundur Manchester në finalen e Champions

Pritja e ethshme e Lionel Messi për finalen e Champions League në Romë po bëhet gjithmonë e më tensionuese. Por talenti argjentinas që do të rivalizojë me portugezin Cristiano Ronaldo shprehet optimist se Barcelona e meriton trofeun më shumë se kushdo.

Me titullin në La Liga dhe Kupën e Mbretit të fituar, 99.9% e futbollistëve botërorë do ta quanin sukses, sezonin e Barcelonës, por Messi kërkon edhe Champions në finalen e 27 majit që do luhet në Romë.

“Të fitoj Champions është ajo që më intereson më shumë tani. Ëndrra ime është të ngre kupën me Barcelonën pasi këto momente nuk mund të shpjegohen me fjalë” tha “Pleshti” për gazetën britanike “Times”.

Barcelona e ka arritur finalen e Champions duke vuajtur ndaj Chelsea, por Messi mendon se kjo tregon forcë karakteri të madhe. “Meritojmë më shumë se të gjithë të fitojmë, pas sezonit të shkëlqyer” tha Messi.

[Damian1]

Mourinho: Nuk shkëmbej Ibrahimovic me Cristianon

Trajneri i Interit ka thënë se nëse i propozojnë shkëmbimin Ibrahimovic-Cristiano Ronaldo, nuk do të pranonte

Trajneri i Interit, Jose Mourinho, ka deklaruar se nuk do ta kishte ndërruar Zlatan Ibrahimovicin me Cristiano Ronaldon nëse i jepej kjo mundësi.

“Cristiano Ronaldo është një lojtar i shkëlqyer, një super, super...lojtar. Mirëpo nëse më thonë që Ferguson dëshiron ta shkëmbejë Ronaldon me Ibrahimovicin, nuk do të kisha pranuar”.

“Arsyeja është se Ibrahimovic mendon si unë”, ka thënë portugezi për “Sky Sport Italia”. Ndërkohë për trajnerin Mourinho janë shtuar zërat për kalimin tek Reali. Moratti po mendon për Zengën nëse portugezi do të kalojë tek merengues në muajin qershor.

[Damian1]

Napoli hedh poshtë ofertën e Liverpool për Lavezzin

Skuadra italiane e Napolit nuk ka pranuar të shesë yllin e saj, Ezequiel Lavezzi tek skuadra e Premier League, Liverpool

Në numrin e sotëm, "La Gazzetta dello Sport" njofton se presidenti i Napolit, Aurelio De Laurentiis, ka refuzuar një ofertë nga Liverpooli me vlerën pre 22 milionë eurosh për yllin argjentinas Ezequiel Lavezzi.

Javët e fundit është spekuluar se Lavezzi është në bisedime me drejtuesit e Juventusit për një kalim eventual në Torino, mirëpo lajmet më të reja pohojnë se Liverpooli ka dërguar një përfaqësues, i cili u ka bërë ofertë napolitanëve, mirëpo De Laurentiis i ka thënë JO.
24-vjeçari me pseudonimin “El Pocho” ka kontratë me Napolin deri në vitin 2013, ndërsa fiton 1.3 milion euro për sezon, derisa Redsat janë të gatshëm t’i ofrojnë 4 milionë euro në sezon me qëllim që ta joshin argjentinasin drejt Anfieldit

[Damian1]

Kakà: Edhe nëse ikën Ancelotti do të qëndroj te Milani

Futbollisti më i mirë i Milanit, Kakà, ka komentuar për televizionin e klubit kandidatët të cilët po përmenden gjithnjë e më shumë për të marrë drejtimin e skuadrës kuqezi

Mediat angleze spekulojnë se në fund të këtij edicioni Ançeloti do të shkojë për të marrë drejtimin e Çelzit, kurse mediat italiane janë në kërkim të pasardhësit të tij te Milani. Emrat më të përfolur janë Leonardo, Marko Van Basten dhe Mauro Tasoti.

"Leonardo? Nuk ka shumë përvojë, por nëse merrni shembull Pepe Guardiolën, i cili që në vitin e tij të parë të punës e dërgoi Barcelonën në finale të Ligës së Kampionëve, atëherë është e qartë se përvoja nuk është përcaktuese për sukses", ka pohuar Kaka, duke shtuar:

"Van Basteni? Do të isha shumë i lumtur që të kisha një trajner si ai. Ai është pjesë e madhe e historisë së këtij klubi. Tasoti? Është me ne që shumë vjet dhe ka uri të madhe për suksese". Mirëpo, përkundër mendimeve të tij pozitive për të gjithë kandidatët e përmendur, Kaka megjithatë dëshiron që Ançeloti të mbetet në krye të skuadrës.

"Karlo Ançeloti është trajneri më i mirë, të cilin kemi mundur ta kemi, ngase nuk besoj se askush tjetër do të gjendej aq mirë me skuadrën tonë sa ai. Jam shumë i lidhur me të, por kjo nuk do të thotë se nëse ai largohet, të njëjtën gjë do ta bëjë edhe unë. Unë kam kontratë deri në vitin 2013 me klubin, e jo me trajnerin", ka theksuar Kaka.

[Damian1]

Gilardino: Fitorja ndaj Milanit është kremi i tortës...

Sulmuesi i Fiorentinës, Alberto Gilardinho, thotë se fitorja mbi Milanin gjatë të dielës do të jetë kremi i tortës së sezonit të shkëlqyeshëm të Fiorentinës.

Ekipi violë tashmë e ka siguruar pozitën e katërt dhe nëse shënon fitore me më shumë se dy gola dallim diferencë ndaj Milanit, do të mund të ngrihet në pozitën e tretë dhe të sigurojë Ligën e Kampionëve pa ndeshje kualifikuese.

“Do të jetë kremi i tortës, fitorja ndaj Milanit dhe kualifikimi në Ligën e Kampionëve pa luajtur ndeshje kualifikuese”, ka thënë ish-sulmuesi i Milanit.

[Damian1]

Pep Guardiola: Do ta sulmojmë Manchesterin...

Trajneri i Barcelonës, Pep Guardiola, thotë se ekipi i tij do ta sulmojë kampionin në fuqi të Ligës së Kampionëve në finalen e Romës dhe planifikon ta ngrejë trofeun në fund të ndeshjes.

“Do të përpiqemi ta fitojmë kampionin aktual. Erdhëm në romë për t’u argëtuar, këtu jemi për t’i treguar botës se jemi në gjendje ta ngrejmë trofeun. Do të luajmë si zakonisht dhe do ta japim maksimumin”, ka thënë guardiola.

“Do ta sulmojmë kundërshtarin dhe do të përpiqemi t’i shkaktojmë sa më shumë probleme me United. Dëgjova se Manchesteri nuk dëshiron të luajë me kundërsulme, dhe besoj në këtë, pasi është një klub që gjithmonë fiton me futboll ofensiv”, ka shtuar spanjolli.

[Damian1]

Sir Alex Ferguson kërkon të hyjë në histori...

Sir Alex Ferguson synon ta shkruajë emrin e tij dhe të ekipit në historinë e futbollit, me fitore në ndeshjen e sotme të Ligës së Kampionëve.

United dhe Barcelona do t’i përballin forcat sot në finalen e Ligës së Kampionëve, dhe djajtë e kuq dëshirojnë të jenë të parët që do ta mbrojnë këtë trofe (me emrin Liga e Kampionëve).

Milani ishte ekipi i fundit që mbrojti titullin evropian (1989-90 dhe 1990-91), por që kur kjo garë ka ndryshuar në vitin 1992, asnjë ekip nuk e ka mbrojtur atë.

“Kjo është një mundësi për ne të vendosemi në krah të shumë klubeve të Evropës. Nëse shikoni në të kaluarën, ekipe si Ajax, Milan dhe Bayern Munich vazhdimisht kanë fituar në sezone të njëpasnjëshme”, ka thënë Ferguson.

“Është e pazakonshme fakti që askush nuk ka arritur ta mbrojë atë që kur ka filluar Liga e Kampionëve, por ne jemi të mirë kur është fjala për t’i bërë gjërat për herë të parë dhe kjo është mundësia jonë”, ka shtuar skocezi.