Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Trezege: "Dua të bëhem pjesë e historisë juventine".

Sulmuesi dhe drejtori i përgjithshëm rikujtojnë skandalin.Trezege ëndërron një karrierë si ajo e Zidanit dhe Platinisë.

E përditshmja franceze “Le Figaro” ka pub likuar dje në faqet e saj një shkrim të gjatë për Juventusin dhe historinë e tij, duke intervistuar ndër të tjerë edhe drejtorin e përgjithshëm të klubit bardhezi, Zhan-Klod Blank dhe sulmuesin David Trezege. Ringjitja – Blank tregon rënien dhe ringjitjen e klubit bardhezi në vitin 2006: “Kishim 100 ditë për të vendosur. Duhet t’i merrnim vendimet për një kohë shumë të shkurtër. Duhet të vendosnim një buxhet të ri pa Ligën e Kampionëve, të negociojmë sërish me sponsorët, “Nike” dhe “Sky”, të bindim lojtarët më të mirë të skuadrës që të qëndronin, pavarësisht rënies në Serinë B. Më duhet të theksoj që kam shumë respekt për lojtarë si Bufon, Del Piero dhe Nedved.

Kishin mundësi të largoheshin në cilëndo skuadër të donin, por pranuan të përjetonin një aventurë të re krejtësisht njerëzore”. Kursi i ri – Blank ka shtuar, shumë i kënaqur, se disa njerëz mendonin që “Zonjës së Vjetër” do t’i duheshin dhjetë vjet për ta rimarrë veten: “Jam shumë i kënaqur që i zhgënjyem të gjithë ata që mendonin se do të na duhej një dhjetëvjeçar për ta marrë plotësisht veten dhe për t’u rikthyer bujshëm në Serinë A. Ne i treguam që e kishin gabim”. E përditshmja franceze ka treguar projektin e një stadiumi të ri dhe drejtori i përgjithshëm i bardhezinjve ka shpjeguar kursin e ri juventin: “Modeli ‘dy kampionë për çdo fanellë’ ishte Juventusi i tre viteve më parë. Kushton shumë dhe ne duam një klub që të ecë me këmbët e tij. Që këtu na ka lindur dëshira e formimit të lojtarëve të rinj, të cilët kanë aftësi për të ardhmen, për t’i marrë më pas në skuadrën e parë.

Pas tre ose katër vitesh do të humbasim lojtarë si Bufon, Trezege dhe Del Piero, prandaj kemi nevojë të shpejtojmë”. “Trezegol” – Sulmuesi francez (“golashënuesi më i mirë i huaj në të gjithë historinë e Juventusit”, thekson “Le Figaro”), i gatshëm tashmë për të sfiduar shokët e skuadrës për një vend si titullar pas dëmtimeve të shumta fizike, pranon: “Të jesh pjesë e historisë së Juventusit si Platini, ose Zidan është një nder dhe një gjë me të cilën mund të krenohesh. Kjo skuadër është si një familje për mua. Është një ndër klubet më të rralla në Evropë, në të cilin ka futbollistë që luajnë prej dhjetë vitesh”. Përsa u përket perspektivave me bardhezinjtë, Trezege shpjegon: “Përfundimi i karrierës sime në Torino është një mundësi, por pas dëmtimeve të shpeshta të kohëve të fundit, mendoj se është më mirë të mos bëj plane. Kontrata ime – ka përfunduar ai – skadon në vitin 2011. Megjithatë, nuk kam fiksuar ndonjë datë të qëndrimit tim këtu, pasi ndihem shumë mirë te Juventusi”.

[Damian1]

Braziliani Diego lavdëron Serie A: Liga më e mirë në botë

Mesfushori i Werder Bremen ka vetësponsorizuar një kalim në kampionatin italian të futbollit, duke lavdëruar italianet.

Ylli i Werder Bremenit, Diego, ka thënë se Liga italiane është liga më e fuqishme në botë duke treguar edhe më shumë dëshirën e tij për të luajtur për Juventusin.

Njëri nga favoritët e Zonjës së Vjetër për ta zëvendësuar legjendarin Pavel Nedved, është Diego, i cili kohë pas kohë e ka shprehur dëshirën për ta veshur fanellën e Juves.

Ndërsa komentet e fundit, gjithnjë e më shumë lënë të kuptohet se ai dëshiron të transferohet në Serie A gjatë afatit kalimtar veror.

“Më pëlqen futbolli italian dhe Serie A është liga më e mirë në botë. Mirëpo tani për tani jam duke menduar vetëm për skuadrën e Werderit”, ka thënë Diego

[Damian1]

Trajneri Wenger: Messi është më i mirë edhe se Maradona!

Trajneri i Arsenalit ka ngritur në piedestal, futbollistin argjentinas duke thënë se ka kaluar edhe Diego Maradonën.

Menaxheri i Arsenalit, Arsene Wenger, e sheh sulmuesin e Barcelonёs, Lionel Mesi, si lojtarin më tё mirë në botë. Wenger beson se ai kishte parё lojtarin më tё mirë në botë, kur kishte përcjellё ndeshjen kur Argjentina mposhti Francën me rezultat 2-0, javën e kaluar.

“Ishte një superyll absolut nё fushё dhe ai ishte Lionel Mesi. Unë do të paguaja për ta parë atë, sepse është vërtet kënaqësi ta shohësh atё duke luajtur. Shoh mjaft ngjashmëri mes tij dhe Maradonёs, edhe pse unë duhet të them se Mesi ёshtё nё favor”, ka thёnё Wenger.

“Mos të harrojmë se ai është ende i ri, në të njëjtën moshë si Cesc. Ne atë e njihnim kur luante në të njëjtin ekip tё tё rinjve me Cesc, por kurrë nuk kishim rast pёr tё marrё atё, pasi familja e tij ishte në Barcelona dhe ai ishte i lidhur me klubin”, ka shtuar francezi.

[Damian1]

Champions, Buffon ëndërron një finale Juventus-Barcelona!

Numri 1 i Juventus ka thënë se do të dëshironte të shihte skuadrën e tij, kundër gjigantëve katalanas në finalen e Champions League.

Portieri më i mirë në botë, Gianluigi Buffon, thotë se ëndërron që të luajë në finalen e Ligës së Kampionëve kundër skuadrës aktualisht më të mirë në rruzull, Barcelonës.

Në mesjavën e ardhshme Juventusi do të përballet me Chelsean në ndeshjen e parë ndërmjet tyre, e cila do të zhvillohet në Stamford Bridge të mërkurën mbrëma, ndërsa portieri bardhezi tashmë është duke menduar për finalen në Romë.

“Ëndërroj të luaj në finale kundër Barcelonës. Mirëpo, nëse dështojmë të shkojmë deri atje, do të kisha dashur që në finale të përballeshin Roma dhe Liverpooli”, ka thënë portieri italian.

[Damian1]

Muntari: Manchester i shkëlqyer, ne kemi Mourinho

Futbollisti i Interit, Sali Ali Muntari, ka thënë se e respekton shumë Mançester Junajtedin, por sipas ganezit, Mourinho do të vendosë fatet.

Sipas Muntarit, në duelin me ekipin anglez në të tetën e finales së Ligës së Kampionëve epërsia do të jetë në anën e tij, për shkak të trajnerit Hoze Murinjo. Kampioni anglez dhe ai italian në ndeshjen e parë të së tetës së finales së Ligës së Kampionëve luajnë më 24 shkurt në Milan, ndërsa revanshi shtatë ditë më vonë në Mançester.

“Junajted është ekip i madh, njëri nga më të mirët në botë. Megjithatë, do ta kenë vështirë, pasi që jemi shumë të mirë. Mançesteri ka sulmues të shkëlqyeshëm, por ne kemi synimin tonë dhe faktorin e quajtur Hoze Murinjo. Për mua ai është trajneri më i mirë në botë”, ka thënë Muntari për mediat britanike.

Muntari njeh mirë kampionin anglez, pasi vitin e kaluar luajti 27 takime për Portsmuthin. Ekipi i tij i tanishëm, Inter, mban pozitën e liderit në tabelën e Serie A, me nëntë pikë më shumë se sa Juventusi, që renditet i dyti.

[Damian1]

Minifutbolli, Shqipëria fiton 5-2 ndaj Maltës

Kombëtarja e minifutbollit bëri një lojë shumë agresive, shumë ndryshe nga ajo kundër Greqisë, duke kryesuar deri 5-0, përpara se vendasit të shënonin dy golat e nderit.

Shqipëria e minifutbollit bëri një “autokritikë të thellë” pas humbjes befasuese 3-0 me Greqinë në ndeshjen e parë eliminatore të grupit C të Kampionatit Europian “Hungari 2010”, duke fituar me Maltën me rezultatin e thellë 5-2.

Kombëtarja e minifutbollit e drejtuar nga Armand Dama bëri një lojë shumë agresive, shumë ndryshe nga ajo kundër Greqisë, duke kryesuar deri 5-0, përpara se vendasit të shënonin dy golat e nderit.

Edhe në ndeshjen para një viti kundër Maltës, por për eliminatoret e Kampionatit Botëror, Shqipëria kishte fituar 2-1. Të pranishëm në ndeshjen Maltë-Shqipëri ishin edhe disa shqiptarë me banim në Maltë e në pallatin e sportit “Paolo Korradino” nuk mungoi kurrsesi edhe prania e flamurit kuqezi. Të dielën kombëtarja e futbollit në sallë do të luajë kundër Gjeorgjisë, që është dhe ndeshja e fundit për përfaqësuesen tonë të futbollit “5x5”. Gjeorgjia fitoi 3-1 në ndeshjen e ditës së parë kundër Maltës, kështu që pritet një ballafaqim i fortë midis dy ekipeve.

Kalendari

19.02.2009: Greqi-Shqipëri 3-0

20.02.2009: Maltë-Shqipëri 2-5

22.02.2009: Shqipëri-Gjeorgji

[Damian1]

LIPI: “Për Del Pieron flasim pas një viti e gjysmë”.

Jo vetëm Toti, por edhe Del Piero e Kasano, për të mos folur pastaj për Amaurin... Janë këto disa nga çështjet më “shqetësuese” për Kombëtaren e Marçelo Lipit.

Ndonëse nga sa është kuptuar kohët e fundit nga fjalët e vetë trajnerit, në skuadrën e tij nuk ka vend për të gjithë të lartpërmendurit. Gjithsesi, gjërat mund të ndryshojnë në të ardhmen. Fillimisht e nisim nga Françesko Toti. “Ai ka deklaruar se ndërmjet nesh ekziston një raport respekti reciprok dhe nëse unë do t’ia kërkoja, Françesko nuk do të nguronte të kthehej në Kombëtare, - thotë Lipi. – Gjithsesi, qoftë Toti, po ashtu edhe Nesta e kanë marrë këtë vendim, janë dy profesionistë të mëdhenj dhe padyshim që impenjimet e shumta u kanë kushtuar shtrenjtë atyre, pa harruar dëmtimet e njëpasnjëshme që po dëmtojnë karrierën e tyre. Ndaj, nëse këta dy futbollistë kanë marrë vendimin për t’u larguar nga Kombëtarja, ai duhet respektuar”.

DEL PIERO – Për kapitenin e Juventusit, gjërat janë shumë ndryshe nga dy të parët. “Pinturikio” nuk ka dashur kurrë të heqë dorë nga kombëtarja, por është ajo që duket se kërkon të heqë dorë prej tij, si rrjedhojë edhe e moshës së madhe. “Del Pieron e njoh prej 14 vitesh, ku në 12 prej të cilave e kam stërvitur. Nëse vazhdoj të thërras në përfaqësuese gjithmonë të njëjtët, si mund të shoh të tjerët? Pastaj, nëse nga këtu e një vit e gjysmë më vonë, Alesandro do të vazhdojë të jetë në këtë gjendje të shkëlqyer, atëherë ai është një tjetër argument”, vazhdon trajneri.

KASANO – “Aktualisht ka shumë lojtarë që po paraqiten mirë në kampionat, si Flokari, Di Vaio, po ashtu edhe Kasano. Unë po i ndjek të gjithë, por sigurisht që nuk mund t’i thërras të tërë në të njëjtën kohë”. Por Lipi nuk kërkon të ndalet tek emrat e mëdhenj, por të zgjerojë këndvështrimin e tij në lidhje me të rinjtë. “Santon është një lojtar që më pëlqen shumë, që më kujton Maldinin e ri. Markizion, Xhovinkon e Akuafreskën do ia lë edhe për disa muaj Kaziragit, sepse kanë evropianin U21 përpara, pastaj nga korriku do të jenë edhe ata nën urdhrat e mia”.

AMAURI – E pamundur që Lipi t’i shpëtonte një pyetjeje mbi sulmuesin e Juventusit, i cili tashmë prej disa muajsh është i ndarë mes Italisë dhe Brazilit. Pyetjes nëse Amauri bën pjesë në planet e së ardhmes së Lipit, trajneri përgjigjet: “Aktualisht është ende një lojtar brazilian. Kur të marrë pasaportën italiane do të flasim më qartë”, përfundon trajneri i Italisë.

[Damian1]

Lejeke: Oferta e Milanit, qesharake.

Galaksi kërkon minimalisht 12 milionë Euro për ‘Spice-Boy’. “Nëse oferta kuqezi s’na kënaq, Devid kthehet në Amerikë”.

Telenovela “Devid Bekham-Milan” duket sikur s’ka të sosur. Çdo ditë, asaj i shtohen episode të reja. Nëse pardje administratori i Milanit, Adriano Galiani, ishte shprehur optimist mbi të ardhmen e Bekhamit me Milanin, dje presidenti i Los Anxhelos Galaksi, Tim Lejeke, i ka mbyllur dyert transferimit përfundimtar të anglezit: “Milani na kanë bërë një ofertë qesharake. Nëse mendojnë se do të dorëzohemi përballë ofertës së tyre, gabohen rëndë. Pa ofertën e duhur (të paktën 12 milionë euro), më datë 9 mars Devid Bekham duhet të kthehet patjetër në Shtetet e Bashkuara të Amerikës, për të respektuar kontratën me klubin”. Më pas, presidenti i Los Anxhelos Galaksi zbulon prapaskenat e kësaj çështjeje. “Pas ofertës qesharake, Milani ka kontaktuar me avokatët e Devid dhe me komisionarin e Ligës së Futbollit Amerikan, por jo me ne, që jemi pronarët e kartonit të tij”, ka thënë presidenti 51-vjeçar. Për pronarin e Los Anxhelos Galaksi, Lejeke, çështja “Bekham” po shndërrohet në një problem të madh për klubin:

“Në Amerikë ka tifozë, të cilët kërcënojnë se nuk do abonohen për ndeshjet direkte që transmetohen në televizor. Sponsorët, nga ana tjetër, kërkojnë dëmshpërblime të majme nëse Bekham largohet. E kësaj liste të gjatë, i shtohet edhe ajo e skuadrave kundërshtare, që gëzojnë të drejtën për t’u informuar nëse Galaksi do të luajë në stadiumin e tyre, me ose pa Bekhamin. Pa harruar këtu që tani merkatoja ka përfunduar. Nëse Devid nuk kthehet, unë nuk kam ku të gjej tjetër zëvendësues”. Përpos këtyre, kreu i klubit amerikan nuk dëshiron të ketë në skuadër një lojtar të demoralizuar, gjithmonë nëse Bekhami do kthehej i detyruar. Ja çfarë thotë ai: “Unë jam i kënaqur për Bekhamin, e jam mjaft i lumtur që eksperienca e tij në Itali po jep fryte. Devid më është lutur të dëgjoja kërkesat e Milanit, e kam pranuar vetëm për faktin se e kam shumë për zemër. Por ama nuk dua që Milani të vijë e të tallet me mua. Nëse e duan Bekhamin, atëherë le të bëjnë një ofertë serioze. Ne kërkojmë të paktën 12 milionë euro”, ka përfunduar presidenti i Los Anxhelos Galaksi, Tim Lejeke, për të përditshmen italiane ‘Gazzetta Dello Sport’.

[Damian1]

Mourinho “ngel” në klasë Serie A: Premiership më e bukur!

Tekniku i Interit ka vlerësuar kampionatin anglez të futbollit që sipas tij, ka më shumë cilësi se Serie A.

Menaxheri i Interit, Jose Mourinho, duke folur para ndeshjes sё javës sё ardhme ndaj Manchester United nё Ligёn e kampionëve, ka thёnё se Premierliga ёshtё shumё mё e bukur dhe mё e dashur se Serie A, por se kjo e fundit ёshtё sfida mё e madhe nё karrierën e tij.

“Mund tё them se Premierliga ёshtё mё shumё pёr zemër dhe emocione. Serie A ёshtё mё shumё pёr tru dhe taktika. Çdo ekip nё itali ka njё mbrojtje tё fuqishme. Çdo ndeshje varet nga taktikat”, ka thёnё Mourinho pёr Manchester United TV.

“Nuk ёshtё aq e bukur sa Premierliga. Kjo ёshtё njё prej arsyeve pse Premierliga ёshtё aq e dashur nё gjithё botёn dhe Serie A pëlqehet vetёm nё Itali. Ështё mё shumё rreth mentalitetit dhe kulturës. Por kjo ёshtё vërtet njё sfidё e madhe, mё e madhja nё karrierën time”, ka shtuar Mourinho.

[Damian1]

Adriano: Ndaj Junajtid mund t’ia dalim!

Sulmuesi brazilian, optimist për përballjen: Ata janë të fortë, por po ashtu edhe ne.

Pas paraqitjeve të shkëlqyera në ndeshjet e fundit, Adriano konsiderohet si lojtari më i mirë i momentit në shtëpinë zikaltër. “Jam shumë i qetë, kam mësuar të mos i dëgjoj më të gjitha ato që thuhen për mua në gazeta ose në televizione. Unë i pranoj të gjitha kritikat, por me kusht që të jenë me vend”, ka deklaruar baraziliani. Kur është pyetur nëse do të preferonte kampionatin apo Ligën e Kampionëve, sulmuesi i Interit është përgjigjur: “Me fitoren kundër Milanit kemi bërë një hap të madh përpara, edhe pse mendoj se nuk ka mbaruar ende. Por shpresoj që me Mançesterin do t’ia arrijmë qëllimit”.

Forma fizike – Adriano u ka kërkuar tifozëve dhe skuadrës që të bëjnë pak durim, për të parë sërish “Perandorin” e vërtetë në fushë: “Fizikisht nuk e kam arritur ende 100% e formës sime, por mendoj se më mungon precizioni në gjuajtje. Tashmë nuk provoj prej kohësh të gjuaj nga jashtë zonës së rreptësisë, gjë të cilën ma kërkojnë shumë edhe shokët e skuadrës. Më mungon besimi për ta bërë këtë, por nuk dëshpërohem, sepse janë gjëra që vijnë natyrshëm. Kam qëndruar pa luajtur tri javë, pastaj luajta me Kombëtaren braziliane dhe ajo më ka ndihmuar shumë që të rimerrja ritmin për derbin”.

Kampionati dhe Liga e Kampionëve – Përsa i përket objektivave të zikaltërve, sulmuesi brazilian qëndron “me këmbë në tokë”. “Të gjithë e dimë që ne jemi shumë pikë në avantazh nga skuadrat e tjera që vinë pas nesh, – argumenton ai. – Por pavarësisht kësaj, duhet t’i fitojmë të gjitha sfidat që na kanë mbetur. Pastaj do të shikojmë se çfarë do të ndodhë. Duhet të jemi të përqendruar te ndeshjet që kanë mbetur. Përsa i përket takimit me Mançesterin nuk dua të bëj premtime, por dëshira për të fituar është e madhe. Nëse do të më jepet mundësia të shënoj, do t’ua dedikoj fëmijëve të mi. Kam besim se do të arrijmë një rezultat pozitiv”.