Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Cristiano Ronaldo mendon për operacion...

Mediat angleze bëjnë të ditur se anësori i Manchester United, Cristiano Ronaldo, mund t’i nënshtrohet ndërhyrjes kirurgjike, dhe kjo do ta linte atë një kohë jashtë përgatitjeve për sezonin e ardhshëm.

Portugezi një kohë të gjatë vuan nga lëndimet, që u duk edhe në ndeshjen e vikendit kundër Shqipërisë, ndërsa nuk do të luajë në ndeshjen e radhës miqësore që kombëtarja portugeze e luan kundër Estonisë.

Ronaldo thuhet se vazhdimisht është në kontakt me ekipin e mjekëve të Manchester United, me qëllim që të marrë vendimin nëse do t’i nënshtrohet operimit gjatë kësaj jave, para se të niset për në pushime (Miami).

Nëse vendos të operohet, portugezi do të duhet të pushojë së paku një muaj, dhe nuk do të jetë pjesë e përgatitjeve para-sezonale, që fillojnë nga 6 korriku.

[Damian1]

Kaka: Nuk doja të largohem nga Milani...

Nënshkrimi rekord i Real Madridit, Kaka, thotë se ai kurrë nuk ka dashur të largohet nga Milani.

Me transferimin e tij që u konfirmua mbrëmë, Kaka, i cili gjendet në detyrë me kombëtaren e Brazilit, ka thënë për reporterët brazilian se kjo ka qenë në interes të të gjitha palëve.

“Doja të qëndroja në Milan, por kriza globale ekonomike preku shumë klube, veçanërisht ata si Milani të cilat zhvillohen si biznese. Kam folur me drejtorët dhe jemi pajtuar se transferimi do të ishte në interes të secilit në këtë moment”, ka thënë Kaka.

Kaka thotë se nuk dëshiron ta mbajë numrin 5 të fanellës, të cilën e kishte mbajtur Zinedine Zidane, pasi kjo do të jetë përgjegjësi e madhe.

“Kjo do të ishte përgjegjësi e madhe. Zidane ka qenë një lojtar i shkëlqyeshëm, si me Realin edhe me Francën, andaj nuk do të doja ta mbaj një numër të tillë. Do të presim një kohë më të gjatë për të zgjedhur numrin”, ka shtuar braziliani.

[Ermond]

Sipas faqes zyrtare te Manchester United, Manchester ka pranuar oferten zyrtare te presidentit te Realit te Madridit, Florentino Perez per Cristiano Ronaldon. Oferta shkon ne shifren 80 milion Pound (rreth 94 milion Euro) qe do te perbente nje rekord absolut ne historikun e transferimeve ne futboll. United i kane dhene lejen Realit te Madridit qe te flase me lojtarin. Marreveshja pritet te mbyllet rreth dates 30 Qershor.

Kjo marreveshje eklipson edhe transferimin e Kaka'-se, duke u bere ne kete menyre transferta me e kushtueshme ne historine e futbollit.

[Damian1]

Alves: Kaka' nuk do të na i vështirësojë punët

“Gjithmonë është vështirë të luash kundër Real Madridit. Ndërsa nuk do të jetë më vështirë vetëm për shkak të ardhjes së Kaka”.

Mbrojtësi i Barcelonës, Daniel Alves, është i lumtur që Kaka i është bashkëngjitur Real Madridit, pasi që mendon se kjo është pozitive për futbollin spanjoll, mirëpo ai nuk mendon se ardhja e tij do t’ia vështirësojë punët Barcës në ‘el Clasico’.

“Gjithmonë është vështirë të luash kundër Real Madridit. Ndërsa nuk do të jetë më vështirë vetëm për shkak të ardhjes së Kaka”.

“Kam luajtur kundër Madridit dhe është vështirë. Është një skuadër e madhe- dhe njëra nga skuadrat më të rëndësishme në botë”.

“Me ardhjen e Kaka , fitimtar është futbolli spanjoll. Sidoqoftë, ne duhet të përgatitemi për t’u përballur me një lojtar të tillë”, u ka thënë Alves gazetarëve.

[Damian1]

Drogba refuzon mega-ofertën e Cityt...

Sulmuesi i Chelseat, Didier Drogba, thuhet se ka refuzuar mega-ofertën e dërguar në drejtim të tij nga Manchester City.

City thuhet se është munduar të marrë sulmuesin e Chelseat për 18 milionë funte në muajin janar, por kjo ishte refuzuar, ndërsa City tash ka bërë edhe një hap tjetër për të marrë Drogban.

“City kurrë nuk e ka humbur interesimin për Drogban, por lajmet që vijnë nga lojtari thonë se ai është stabilizuar dhe dëshiron të mbetet te Chelsea.

Chelsea mund t’i ofrojë atij lojë në Ligën e Kampionëve, të cilën City nuk ia ofron, dhe për një lojtar të moshuar, kjo është e rëndësishme”, ka shtuar burimi për The Sun.

[Damian1]

Maradona, krenar me lojtarët

Pavarësisht humbjes tronditëse nga Ekuadori, trajneri i kombëtares së Argjentinës, Diego Maradona, beson se lojtarët e tij treguan një paraqitje të mirë.

Pavarësisht humbjes tronditëse nga Ekuadori, trajneri i kombëtares së Argjentinës, Diego Maradona, beson se lojtarët e tij treguan një paraqitje të mirë.

Argjentina pësoi edhe një humbje tjetër dëshpëruese, kësaj here me rezultat 2-0 në udhëtim te Ekuadori, por Mardona thuhet të jetë ‘krenar’ me lojtarët.

“Si ta shpjegoj? Taktikisht dhe mentalisht ne e kontrolluam ndeshjen. Por futbolli është kështu, kur dështoni t’i shfrytëzoni rastet që i keni, i pranoni ata në rrjetën tuaj”, ka thënë Maradona pas ndeshjes.

“E kemi studiuar Ekuadorin një kohë të gjatë dhe e dinim se çfarë kishin për të dhënë ata. Ua vështirësuam punët me Carlitos (Tevez), Jonas (Gutierrez) dhe Leo (Messi), me Maxi (Rodriguez), por humbën një penalti dhe disa raste të tjera që krijuam”, ka shtuar argjentinasi.

[Damian1]

Ronaldo tek Real, Manchester pranon oferten rekord

Ronaldo do te jete se shpejti nje lojtar i Realit te Madridit. Manchester United ka pranuar oferten rekord te spanjolleve, prej 93 milione eurosh.

Ronaldo do te jete se shpejti nje lojtar i Realit te Madridit. Manchester United ka pranuar oferten rekord te spanjolleve, prej 93 milione eurosh.

Ne faqen zyrtare ne internet, klubi kampion i Anglise njofton se pas deklaratave te perseritura te lojtarit, se deshiron te lere klubin, pranon oferten e madrileneve duke i autorizuar ata te bisedojne me Topin e Arte.

Marreveshja mes spanjolleve dhe kampionit portugez, pritet te mbyllet brenda muajit.

E ndodhur vetem pak dite pas blerjes 68 milioneshe te Kaka-se nga skuadra e Milanit, kjo do te jete transferta me e shtrenjte e historise se futbollit, duke lene pas shifren prej 73.5 milione eurosh qe Reali i pagoi Juventusit ne vitin 2001 per te marre sherbimet e Zinedine Zidane.

[Damian1]

Cristiano Ronaldo, me nje gur “vret dy zogj”

Sulmuesi luzitan arrin te joshe nje nga femrat me te famshme te SHBA-se, Paris Hilton, gjate nje mbremjeje ne Los Angeles ku ndodhet me pushime.

Goditje e dyfishte per sulmuesin e Real Madrid, Cristiano Ronaldo, Brenda pak oresh, lojtari portugez ka vrare dy zogj me nje gur.

Lajmi i transferimit te tij tek Real Madrid per me shume se 90 milione euro beri xhiron e botes, por te reja ka edhe persa i perket jetes se tij private. Sulmuesi luzitan arrin te joshe nje nga femrat me te famshme te SHBA-se, Paris Hilton, gjate nje mbremjeje ne Los Angeles ku ndodhet me pushime.

Pasardhesja miliardere e linjes se hoteleve Hilton u nda para pak ditesh nga ylli i bejsbollit Doug Reinhardt, por nuk ka humbur kohe duke u hedhur ne krahet e nje tjeter sportisti. Sipas faqes se internetit x17, ata jane takuar rastesisht ne barin al MyHouse. Me pas kane shkuar ne nje tjeter lokal me nje atmosfere me intime.

“Ishte nje mbremje shume e ngrohte”, shprehet nje deshmitar, duke shtuar se Paris dhe Cristiano Ronaldo kane porosituar pije me vlere rreth 20 mije dollare. Keto zera pasojne historine e sulmuesit me motren e futbollistit Juliano Belletti.

[Damian1]

Maldini refuzon ofertën e Chelseat...

Ish-kapiteni i Milanit, Paolo Maldini, ka refuzuar rastin për t’iu bashkuar Carlo Ancelottit në Chelsea.

Sipas The Times, menaxheri i Chelseat ka hedhur idenë që ish-lojtari i Milanit të marrë një pozitë të re, atë të menaxherit gjeneral të klubit, por Maldini, 40-vjeçar, dëshiron të bëjë pauzë nga futbolli, pasi muajin e kaluar i dha fund karrierës së tij 24-vjeçare në futboll.

Ancelotti thuhet se ndjehet i vetmuar në Londër, pasi ish-zëvendësi i tij Filippo Galli, vendosi të mbetet në San Siro.

Megjithatë italiani është i kënaqur me strukturën e trajnerëve të Chelseat dhe nuk ka plan ta ndryshojë atë.

[Damian1]

Tottenham interesohet për Huntelaar...

Sipas spekulimeve të fundit mediatike, ekipi i Tottenhamit së shpejti do të kontaktojë me Real Madridin për të angazhuar sulmuesin holandez Klaas Jan Huntelaar.

L’Equipe shkruan se presidenti i klubit anglez të hënën do të niset për në Madrid për të takuar drejtuesit e klubit spanjoll, me arsyen për të angazhuar sulmuesin holandez.

Huntelaar nuk arriti të dëshmojë veten në Real Madrid, pas transferimit nga Ajaxi në afatin kalimtar të janarit, ndërsa duket se do të jetë i rendit të dytë edhe në sezonin e ardhshëm, nëse vendos të mbetet në klubin spanjoll.

Mediat spanjolle paralajmërojnë arritjen e edhe një sulmuesi në Real Madrid, David Villa, dhe pritet që holandezi të kërkojë një stacion të ri.

Tottenham provoi të angazhojë Huntelaar edhe në verën e kaluar, kur ai luante për Ajaxin, por klubi holandez refuzoi ofertën aso kohe.