Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Laporta: Ne krijojmë, të tjerët blejnë.

Presidenti i Barcelonës, Joan Laporta, ka thënë se klubi katalanas krijon lojtarë më të mirë në botë, derisa rivali i tyre, Real Madrid, blen lojtarët më të mirë.

Klubi mbretëror tashmë ka kompletuar transferimin e Kaka, ndërsa është në prag të transferimit edhe të Cristiano Ronaldos, që do të bëhet transferi më i shtrenjtë në historinë e futbollit.

Pas 160 milionë eurove të harxhuara për disa ditë nga Reali në dyshen e Lojtarëve më të Mirë, Laporta ka reaguar duke pyetur se nga vijnë paratë për transferimet e tilla.

“Ne jemi një klub që krijojmë lojtarë të cilët bëhen Futbollistë më të Mirë të Vitit sipas FIFAs, derisa të tjerët i blejnë lojtarët e tillë. Barcelona ka një model tjetër të zhvillimit. Ne kemi stabilizuar një model të punës së vazhdueshme, derisa të tjerët kanë një model të harxhimit të kohëpaskohshëm për të qenë garues”, ka thënë Laporta.

“Për momentin Madrid po angazhon vetëm futbollistë të njohur dhe do ta ketë vështirë t’i kombinojë të gjithë në fushë. Nuk dua të jem mos-respektues, por të gjithë pyeten? Prej nga erdhën të gjithë këto para për mega-transferime?”, ka shtuar mes tjerash presidenti i Barçës.

[Damian1]

Sulmuesi Edin Dzeko firmos një parakontratë me Milan!

Futbollisti më i mirë i Bundesliga ka rënë dakord me Milan por duhet që tani të bindet edhe skuadra e Wolfsburg

Televizioni i njohur "Sky Sports" ka bërë të ditur se futbollisti boshnjak në radhët e Volfsburgut, Edin Xheko ka nënshkruar parakontratë me Milanin.

Megjithatë, tani i mbetet drejtuesve të Milanit që të bindin drejtuesit e Volfsburgut për shitjen e Xhekos. Skuadra gjermane kërkon 30 milionë euro për sulmuesin 23-vjeçar, kurse Milani është i gatshëm të paguajë 20 milionë euro.

Sipas rrjetit të njohur "Sky Sports", drejtuesit e Milanit kanë iniciuar negociata të reja me kolegët e tyre gjerman, të cilat pritet të fillojnë javën e ardhshme.

[Damian1]

Inter parakalon United, jep 40 milionë Euro për Benzema

Karim Benzema shihet si pasardhesi me i mire i suedezit Zlatan Ibrahimovic dhe per kete Interi ka nisur nje ofensive

Skuadra zikalter e Massimo Moratti-t parakalon Manchester United pasi ofron plot 40 milione euro per lojtarin francez. Lajmin e ben te ditur gazeta "Le Progres", sipas se ciles, klubi italian kerkon nje lojtar te afte per zonen e rreptesise dhe Benzema ka karakteristikat ideale.

Dyshja Moratti-Mourinho beson verberisht ne aftesite e 21 vjecarit dhe nese marreveshja me Lyon arrihet, atehere Ibra do ta kete rrugen e hapur per tek Barcelona. Nga ana tjeter, presidenti i Lyon, Jean-Michel Aulas nuk eshte me aq i palekundur ne qendrimin e tij, pasi u shpreh se asnje lojtar nuk e ka qendrimin te sigurt.

Tashme ne kete gare pritet kunderpergjigja e Manchester United, pasi parate per “Red Devils” nuk mungojne tashme qe ne arke ka 93 milione euro me shume.

[Damian1]

Cristiano Ronaldo kundër Kakà, nisin shpejt xhelozitë te Reali

Kanë nisur përplasjet e para mes yjeve të ardhur tek Reali, ende pa u zhvilluar stërvitja e parë e merengues

As nuk janë takuar me shokët e rinj të skuadrës dhe as nuk kanë zhvilluar stërvitje me fanelën e Realit, por bashkëjetesa e tyre premton shkëndija. Rasti në fjalë është për Cristiano Ronaldo dhe Kakà, dy blerjet shokuese të Real Madrid në këtë merkato.

Në veçanti, duket se portugezi nuk e ka pëlqyer faktin që skuadra madrilène ka vendosur të prezantojë të dy blerjet në një konferencë të vetme shtypi. Kjo është një vjedhje e protagonizmit për Ronaldon që do të donte skenën për vete.

Cristiano Ronaldo pritet të vijë në Madrid në ditët e ardhshme për të firmosur kontratën milionere por për këtë duhet të presë ardhjen e Kakà nga “Confederations Cup”. Kjo vonesë nuk i ka pëlqyer ish yllit të Manchester United.

[Damian1]

Roma interesohet për sulmuesin Shevchenko, gati oferta

Skuadra e verdhekuqve të Italisë ka kërkuar të ketë në radhët e saj sulmuesin ukrainas Andriy Shevchenko

Roma raportohet se është duke u interesuar për shërbimet e sulmuesit të Chelsea, Andriy Shevchenko, bën të ditur Daily Mail. Pas disa pistave italiane dhe moskonkretizimit të tyre verdhekuqtë duan ti besojnë ukrainasit.

Ekipi italian pret të marrë sulmuesin ukrainas si transferim të lirë, pas edhe një sezoni të tij të dështuar, kësaj here i rikthyer si huazim te Milani.

32-vjeçari ka edhe një vit të mbetur në kontratën e tij, por i është thënë se mund të largohet nga Stamford Bridge dhe madje duke i paguar edhe 7 milionë Euro të kontratës së tij, se sa ta marrë atë sërish në radhët e veta.

[Damian1]

Manchester United nis një ofertë shokuese për Torres

Skuadra e Manchester Unitedi do të bëjë një ofertë shokuese për sulmuesin e Liverpool, Fernando Torres, mbi 47 milionë Euro

“Sunday Express” shkruan se Djajtë e Kuq do të provojnë transferimin e spanjollit, i cili duhet ta zë vendin e lojtarit në largim- Cristiano Ronaldo, ndërsa i njëjti burim pohon se menaxheri i Unitedit, Sir Alex Ferguson, do të ofrojë 40 milionë funte (47 milionë euro) për ta bindur rivalin e përjetshëm Liverpool, që ta lejojë largimin e Torres.

Kjo shifër është thuajse sa dyfishi që Redsat i paguan Atletico Madridit për shërbimet e ‘El Ninos’, ndërsa nëse largohet edhe Carlos Tevez, Manchesteri duhet që me çdo kusht ta forcojë sulmin.

Kampioni anglez është në garë edhe për të fituar shërbimet e disa lojtarëve, emrat e të cilëve qarkullojnë në treg këtë sezon: Karim Benzema, Samuel Eto’o, Franck Ribery, Antonio Valencia dhe David Silva.

[Damian1]

Real nuk mund të ndalet, Higuain dhe para për Ibra

Real Madridi ia ka ofruar Interit sulmuesin Gonzalo Higuain dhe para për të fituar shërbimet e sulmuesit suedez Zlatan Ibrahimovic

Javët e fundit është spekuluar për mundësinë e kalimit të Ibracadabrës te Barcelona në formë shkëmbimi me Samuel Eto'o, ndërsa ekipi "Blaugrana" duhet t’i paguajë para shtesë Interit.

Megjithatë, “Marca” shkruan se Reali ka kontaktuar me zikaltrit, ndërsa përgjigja e tyre ka qenë se nuk do ta shesin Ibran për më pak se shifra të cilën Mbretërit do të paguajnë për Cristiano Ronaldon (94 milionë euro).

Megjithatë, presidenti Florentino Perez dëshiron ta zbutë paksa shifrën e kërkuar nga Interi, ashtu që do ta ofrojë argjentinasin 21-vjeçar dhe një shumë të reduktuar parash.

Nëse Mbretërit arrijnë të sigurojnë edhe shërbimet e boshnjakut me pasaportë suedeze, atëherë Reali do ta ketë “sulmin e ëndrrave” me Kaka, Ronaldo dhe Ibrahimovic.

[Damian1]

Milan bën goditjen e parë në merkato, firmos me Cissokho

Skuadra e milanit ka bërë goditjen e parë duke firmosur me talentin Aly Cissokho i cili i kushtoi kuqezinjve 15 milionë Euro

Pas shitjes së bujshme të brazilianit Kakà tek Reali, vjen goditja e parë në shtëpinë e milanit. Administratori i Milanit Adriano Galliani dhe drejtori Ariedo Braida, që kishin fluturuar në Portugali me misionin e merkatos kanë marrë frytet e para.

Në takimin me drejtuesit e portos është arritur marrëveshja për blerjen e talentit Aly Cissokho, anësor 21 vjeçar me origjinë senegaleze por që luan me kombëtaren franceze.

Në këtë mënyrë skuadra kuqezi ka kënaqur trajnerin e ri Leonardo i cili e kërkonte me ngulmim këtë lojtar. Kostoja e transferimit për Cissokho është 15 milionë Euro ndërsa lojtari do të marrë 1 milion Euro në sezon.

[Damian1]

Messi: Nuk jam i shqetësuar për transferimet e Realit

Talenti argjentinas i Barcelonës, Lionel Messi ka thënë se pavarësisht blerjeve të realit, skuadra e tij nuk ndihet inferiore

Real Madridi ka siguruar shërbimet e dy nga lojtarët më të mirë në botë, Cristiano Ronaldo dhe Ricardo Kaka, dhe së shpejti pritet ardhje e lojtarëve tjerë të mëdhenj në Bernabeu, ndërsa superylli i Barcelonës, Lionel Messi, nuk është i shqetësuar për këtë gjë.

“Transferimi i Cristiano Ronaldos është një transferim i mirë. Me të dhe me Kaka’, Reali do të jetë më i fuqishëm, mirëpo ne do të jemi luftarakë sërish dhe nuk do dorëzohemi”.

“Do të jetë një sezon i gjatë dhe i vështirë dhe në do të mundohemi të jemi edhe më të suksesshëm se sezonin që shkoi kur Barcelona i fitoi të gjitha trofetë e mundshme- Kampionatin spanjoll, Kupën e Mbretit dhe Ligën e Kampionëve”, është shprehur argjentinasi.

[Damian1]

Eto’o në ethet e çmendurisë, kërkon 1 milion Euro në muaj

Sulmuesi kamerunas Samuel Eto’o ka kërkuar nga Manchester City që ta paguajë 1 milion Euro në muaj nëse dëshiron ta blejë

Sulmuesi i Barcelonës, Samuel Eto'o, dëshiron pagë të vlefshme 200 mijë Paund në javë për t’iu bashkuar Manchester City ose 1 milion Euro në muaj.

The News of the World shkruan se kamerunasi ka kërkuar të paguhet plot një milionë euro në muaj, që t’i bashkohet klubit anglez. Nëse ai do të nënshkruante marrëveshje pesëvjeçare me Cityn, klubi anglez do t’i paguante atij plot 60 milionë euro (51 milionë Paund) gjatë asaj periudhe.

Manchester United, Liverpool dhe Inter janë në mesin e klubeve të tjera të cilat janë të interesuara për shërbimet e sulmuesit, dhe në të gjitha rastet kërkesat e lojtarit janë të përafërta.