Mbyllur-Lajme dhe Diskutime per Sportin! Futboll.:.Motosport .:.etj

[Damian1]

“Confederations Cup”, Spanja shkatërron Zelandën e Re 5-0

Kampionia e Europës, Spanja nuk ka patur mëshirë në ndeshjen e parë të kupës së Konfederatave duke mundur Zelandën e re 5-0

Kampionia është kampione dhe këtë e tregon edhe në një turne miqësor si “Confederations Cup”. Këtë ka treguar edhe Spanja që kryeson renditjen e FIFA-s dhe është kampione në fuqi e Europës.

Në ndeshjen e parë të saj, Spanja shkatërroi Zelandën e Re 5-0 në një ndeshje që nuk pati histori për ekipin pranë Paqësorit. Ishte spanjolli Fernando Torres që zhbllokoi rezultatin që në minutën e 6 ndërsa 8 minuta më vonë dyfishoi shifrat.

Goli i tretë në portën e neozelandezëve nuk vonoi shumë pasi në minutën e 17 shifrat u bënë 3-0 për Spanjën, me të njëjtin autor, Fernando Torres. Pas tij ishte Francesc Fabregas në minutën e 24 që çoi rezultatin në 4-0.

Në fillimin e pjesës së dytë u bë protagonist sulmuesi i Valencias, David Villa që shënoi nga një distancë e afërt duke vulosur 5-0. Në ditët në vazhdim do të zbresin në fushë Italia dhe Brazili.

[Damian1]

Laporta: Suksesi i Barcës e detyroi Realin të shpenzojë

Presidenti i skuadrës “blaugrana” ka sulmjjuar sërish Realin e Madridit edhe pse është vetë Laporta që shpenzon miliona për blerjet

Presidenti i Barcelonës, Joan Laporta, ka thënë se arsyeja që Real Madridi po shpenzon para të majme për ta forcuar skuadrën, është triumfi i Barcelonës në të tri garat ku mori pjesë.

“Suksesi ynë i trefishtë e detyroi Real Madridin të shpenzojë pa masë dhe kjo gjë e ka çrregulluar tregun” tha Joan Laporta me një ton ironik.

“Perez transferon lojtarë në bazë të preferencave të tij dhe kjo vetëm sa e tregon arrogancën që ka”, ka thënë Laporta duke shtuar se edhe Blaugranët do të bëjnë disa transferime të rëndësishme për t’i dhënë skuadrës pak freski.

[Damian1]

Flet Kakà: Faleminderit Milan, tani do fitoj me Real Madrid

Braziliani i blerë nga Reali i Madridit ka folur për të ardhmen duke falenderuar Milanin dhe duke përkrahur presidentin Perez

Braziliani Ricardo Kakà ka falenderuar Milanin për periudhën e mrekullueshme por tani ka thënë se është koha ti rikthehet sukeseve me skuadrën e Realit të Madridit. Ai gjithashtu ka dalë në krah të Perez.

Presidenti i Real Madridit, Florentino Perez, është kritikuar për shpenzimet e mëdha që po bën, sidomos pas parave që ka ofruar për Kaka dhe Crisitano Ronaldo, ndërsa ylli brazilian i ka dalë në mbrojtje presidentit të tij.

Ish-lojtari i Milanit, i cili u transferua në Bernabeu për shumën prej 67.2 milionë eurosh, beson se Perez ka një qëllim të qartë se si ta rindërtojë skuadrën e tij dhe se ai nuk gjuan thjeshtë para për të treguar superioritetin ekonomik të Los Blancos.

“Secili njeri ka mënyrat e veta të arritjes së qëllimeve. Florentino ka një politikë shumë të qartë dhe një mënyrë të vendosur për t’i arritur qëllimet e tij. Ai po bën gjithçka që Real Madridi të bëhet sërish një skuadër e madhe”, ka thënë Kaka në një intervistë për “O Globo”.

[Damian1]

Carvalho përshëndet Chelsea: Tani jam gati për Interin

Mbrojtësi portugez i Chelsea ka pranuar se i pëlqen të lëvizë te Inter pasi kërkohet nga trajneri Mourinho, bashkë me Deco

Për gati 5 vjet me radhë, Ricardo Carvalho ka qenë mes 5 mbrojtësve më të mirë në botë dhe për të vazhdojnë ofertat nga shumë klube. Futbollisti portugez tashmë ka dalë hapur për kalimin e tij tek Interi, duke sponsorizuar transferimin, ndërsa është grumbulluar me kombëtaren.

“Nuk e di ende se ku do të luaj sezonin që vjen. Inter është shfaqur i interesuar por tratativat janë mes dy klubeve dhe ka shumë për të bërë. Unë kam një kontratë me Chelsea” tha Carvalho.

“Mua nuk më ka thënë njeri gjë as për transferta dhe as për huazim. Këtë vit te Chelsea nuk shkoi mirë pasi isha dëmtuar. Tani më pëlqen të largohem dhe të gjej suksesin në një vend tjetër pas 4 vjetësh të shkëlqyera. Me Mourinho nuk kam folur por di që Inter më kërkon” tha Carvalho.

[Damian1]

Milan kërkon të kënaqë tifozët, interes për francezin Mexes

Nga klubi italian kuqezi janë bërë gati 10 milionë Euro dhe kartoni i Jankulovskit për të marrë mbrojtësin Mexes

Zemërimi për largimin e brazilianit Kaka’ ende nuk është shuar tek tifozët kuqezinj dhe për këtë Milani po endet në merkato. Klubi i presidentit Berlusconi vazhdon të jetë i interesuar për shërbimet e mbrojtësit të Romës, Philippe Mexes.

Sipas Sportmediaset.it , kuqezinjtë janë të gatshëm të paguajnë dhjetë milionë euro dhe ta “sakrifikojnë” mesfushorin çek Marek Jankulovski për të siguruar shërbimet e mbrojtësit francez të Romës.

Trajneri i Milanit, Leonardo, është i interesuar që ta përforcojë repartin e mbrojtjes dhe Mexes do të ishte njeriu i duhur për ta freskuar këtë repart, sidomos kur tashmë kuqezinjtë kanë siguruar shërbimet e mbrojtësit tjetër francez Aly Cissokho.

[Damian1]

Australia vendos kandidaturën për botërorin 2018 ose 2022

Pas disa shteteve të tjera dhe interesimit të madh, edhe Australia kerkon boterorin 2018 ose 2022 që do caktohet në mbledghjen e FIFA

Me nje ceremoni ne parlamentin federal ne Canberra, eshte zyrtarizuar kandidatura e Australise per te marre organizimin e boterorit 2018 ose ate te 2022.

Sipas presidentit te federates australiane te futbollit Frank Lowy shanset per marrjen e nje prej boteroreve 2018 ose 2022 jane shume te medha duke patur parasysh edhe miresjelljen e australianeve dhe kthimin e serish te Australise ne nje destinacion turistik.

Qe te organizoje boterorin e 2018 ose 2022 Australia duhet te munde konkurencen e 11 shteteve deri tashme kandidate mes te cilave edhe SHBA-ja, Rusia dhe Anglia.

[Damian1]

Milan, shopping në Barcelonë për Eto’o dhe Victor Valdez

Skuadra e Milanit ka nisur tratativat për një transferim të dyfishtë që do të sillte në Itali, portierin dhe sulmuesin e Barcelonës

Gazeta katalanase “Sport” njofton se trajneri i Milanit, Leonardo, dëshiron të bëjë përforcime në të gjitha repartet e skuadrës së tij, kështu që ai ka kërkuar nga drejtuesit e klubit të sigurojnë shërbimet e dyshes së Barcelonës, Samuel Eto’o dhe Victor Valdez.

Javën e kaluar u spekulua se sulmuesi kamerunas kishte arritur marrëveshje verbale me kuqezinjtë për të kaluar në San Siro si transfer i lirë në vitin 2010, mirëpo gazeta nga Barcelona shkruan se trajneri i Milanit e dëshiron Eto’o-n që në sezonin që vjen.

I njëjti burim pohon se kuqezinjtë dëshirojnë ta sjellin në San Siro dhe portierin e Barcelonës, Victor Valdez, kontrata e të cilit po ashtu skadon në vitin 2010 dhe kjo bëhet më e mundshme kur shtohet se ai ka kërkuar rritje page.

[Damian1]

Manchester United ofron shifër rekord për David Villa

Në betejën për të siguruar shërbimet e futbollistit spanjoll në radhët e Valencias, David Villa është përfshirë edhe Mançester Junajtedi.

Në rast se oferta e "djajve të kuq" bind drejtuesit e klubit spanjoll, atëherë sipas mediave angleze Vila do të bëhet futbollisti më i paguar i cili kampionatin spanjoll e ndërron për atë anglez.

Në garë për Vilën janë edhe Reali dhe Barcelona. Kjo e fundit ka ofruar 50 milionë euro për shërbimet e këtij futbollisti, mirëpo duket se oferta e "djajve të kuq" është edhe më bindëse.

Në fakt, mediat angleze kanë bërë të ditur se Aleks Ferguson është i gatshëm të jap 53 milionë euro për të transferuar Vilën në "Old Trafford". Rekordin e transferimeve nga një klub spanjoll në atë anglez e mban Robinjo, i cili nga Real Madridi në Mançester Siti kaloi për 38,2 milionë euro. David Vila ka kontratë të vlefshme me Valencinë deri në vitin 2014.

[Damian1]

Totti arrin akordin, do të jetë deri në 38 vjeç tek Roma

Kapiteni i Romës ka arritur marrëveshjen, ndoshta për kontratën e fundit pasi do jetë me Romën deri në vitin 2014

Kapiteni i Romës, Francesco Totti dhe skuadra verdhekuqe kanë arritur një marrëveshje për të vazhduar aventurën e tyre që vazhdon prej shumë vitesh. Kështu pas noegociatave mes palëve është arritur që të firmoset një parakontratë që do të bëjë që Totti të mbetet te Roma deri në moshën 38 vjeç.

Drejtuesit e Romës kanë pranuar që kontrata e re të skadopjë deri në vitin 2010, e cila me shumë mundësi do të jetë e fundit si profesionist për numrin 10 të Romës. në kontratë parashikohet që pas braktisjes së futbollit, kapiteni roman në marrë një post drejtues në klub, ende për tu përcaktuar.

Francesco Totti është aksioner tek skuadra e Romës, dhe lëvizja e parë si drejtues i ardhshëm është bërë menjëherë. Ai ka pranuar të ulë pagën në 2010 duke dhënë kontribut në financat e klubit.

[Damian1]

Bayern, Rummenigge: Nuk duam të shesim Franck Ribery

Drejtuesi i Bayern Munchen, Rummenigge ka thënë se pavarësisht ofertave, Ribery mund të mbetet në Bundesliga

Kryetari i bordit ekzekutiv të Bayern Munichut, Karl-Heinz Rummenigge, ka njoftuar se Real Madridi, Barcelona, Chelsea dhe Manchester Unitedi, kanë kërkuar shërbimet e anësorit francez Franck Ribery, mirëpo sipas fjalëve të tij, francezi do të mbetet në Allianz Arena.

“Jemi tërësisht të qetë dhe krenar që kemi në skuadër njërin nga tre lojtarët më të mirë në botë, i cili ka kontratë me ne dhe që ka nxitur interesim aq të madh”.

“Reali ka kërkuar me anë të presidentit Florentino Perez, dhe këshilltarit të tij Pedro Jimenez që të fillojmë bisedimet për një marrëveshje. Por ne e kemi refuzuar këtë kërkesë, sepse nuk dëshirojmë ta shesim Riberyn”.

“Për ofertën e Chelseat kemi njoftuar më herët, ndërsa po ashtu oferta kanë bërë edhe Manchester Unitedi dhe Barcelona”.

“Gjithmonë do të ketë perceptime të tilla të cilat do të sugjerojnë se Bayern Munichu po mundohet ta rrisë çmimin dhe kur të arrijë një shifër e caktuar do ta pranojmë, mirëpo ne nuk dëshirojmë ta shesim Riberyn”, ka thënë Rummenigge për “Bild”.