Mbyllur-Lajme dhe Diskutime per Sportin! Futboll.:.Motosport .:.etj

[Damian1]

E fundit nga kampionët e Italisë, Luca Toni është pranë Interit

Skuadra kampione e Italisë, Interi është shumë pranë nënshkrimit me sulmuesin shtatlartë të Bayern Munchen, italianit Luca Toni

Sulmuesi italian që aktivizohet në Bundesliga, Luca Toni rivihet në qendër të merkatos së skuadrave italiane, pak vjet pasi u largua nga Fiorentina në drejtim të bavarezëve të Bayern Munchen.

Sezonin e kaluar Toni pati probleme me lëndime të cilat ia pamundësuan të shfaqte formën e tij më të mirë, kështu që ai nuk është edhe aq i dëshiruar te skuadra bavareze, ndërsa nëse llogaritet edhe ardhja e Mario Gomez dhe kroatit Ivica Olic, atëherë largimi i sulmuesit italian nga Allianz Arena është më se i mundur.

“Sky Sport Italia” njofton se agjenti i Tonit, Tullio Tinti, është takuar me përfaqësuesit e Interit, dhe se Nerazzurët kanë përgatitur gjashtë milionë euro për Bayernin dhe nga katër milionë euro për sezon për Tonin.

[supervisor91]

FIA: Jemi prane marreveshjes me skuderite

Federata Nderkombetare e Automobilizmit ka leshuar nje sulm te fuqishem te gjithe atyre qe po perpiqen te ndalojne nje marreveshje mes FIA-s dhe FOTA-s.
“Te enjten e kaluar presidenti i FIA-s Max Mosley eshte takuar me nje delegacion te FOTA-s te perbere nga Ross Brawn perfaqesues i BrawnGP, Stefano Domenicali perfaqesues i Ferrarit, Christian Horner perfaqesues i Red Bull, John Howett perfaqesues i Toyota dhe Simone Perillo perfaqesues i FOTA-s. Gjate takimit FOTA ka njohur te drejten e FIA-s per te inkurajuar hyrjen e skuderive te reja ne ne kampionatin e vitit 2010 duke arritur edhe nje marreveshje teknike. Ekspertet financiare te te dyja paleve duhet se shpejti do te merren me detajet e marreveshjes dhe me mbylljen e saj. FIA cuditet nga disa anetare te FOTA-s te cilet nuk kane qene pjesemarres ne marreveshje kane mohuar ne menyre arritjen e nje marreveshje, duke e perkufizuar takimin nje ‘humbje e kot kohe”- thuhet ne komunikaten e FIA-s.
Rregullorja e kampionatit boteror te 2010 e kundershtuar nga shume skuderi eshte bere "molla e sherrit" mes FIA-s dhe FOTA-s dhe te dyja palet po perpiqen te arrijne nje konsenus te perbashket.

[supervisor91]

Montezemolo: Nuk ndryshojme qendrim ndaj FIA-s


Presidenti i Ferrarit, Luca Cordero Montezemolo ka ritheksuar edhe nje here qendrimin e palevizshem ne konfliktin me FIA-n per ceshtjen e buxhetit te vitit 2010.
“Qe prej fillimit te muajit maj, qendrimi jone nuk ka ndryshuar asnjehere por nuk dua te vazhdoj me polemikat. Cdokush merr vendimet e tij. Nuk e kuptoj pse deshirojne ta shkaterrojne ne kete menyre Formula 1”, shprehet shefi i kokekuqes nga Maranello.
Ne vijim, ai pohon se gjate diteve te ardhshme nuk do ndryshoje asgje nese FIA nuk do terhiqet nga vendimi per rregulloren e re. “Ne keto momente nuk mund te themi asgje tjeter pervecse pozicionit qe kemi pasur; kemi vendosur kushte te qarta per te marre pjese ne kampionatin e sezonit te kaluar dhe ky vendim nuk do ndryshoje”, shton Montezemolo.

[supervisor91]

Renault si Ferrari, “lamtumira” në 2010-n


Skuadra franceze ndjek shembullin e Ferrarit. Nuk do të jetë në Formula 1, nëse nuk tërhiqen rregullat e reja
Pas Ferrarit, edhe Renault ka vendosur të mos marrë pjesë në botërorin e Formulës 1 në vitin 2010 nëse nuk tërhiqen propozimet për buxhetin. Skuadra franceze ka bërë të ditur që është e frustruar nga vendimi i FIA-s për të adoptuar rregulla të reja, duke injoruar propozimet e skuadrave. Në një komunikatë, skuadra Renault ka thënë se do të marrë pjesë në botërorin 2010 nëse FIA heq dorë nga rregullat e reja.
Lajmërimi
“Nëse vendimet e Këshillit Botëror të FIA-s të marra më 29 prill nuk rishikohen, nuk do të kemi zgjedhje tjetër përveç largimit nga botërori i F1 në fund të vitit 2009″, ka thënë Flavio Briatore, duke dhënë vendimin. “Renault gjithnjë e ka konsideruar F1 si sportin më të shquar të motorëve dhe skenën më të mirë për të treguar arritjet teknike”, ka thënë Bernard Rei, president i skuadrës Renault.
“Impenjimi ynë në botën e sportit nuk do të pakësohet, por nuk mund ta ndiejmë veten të përfshirë në një botëror me dy nivele të ndryshme rregullash. Nëse këto rregulla do të lihen në fuqi, do të jemi të detyruar të largohemi në fund të këtij sezoni”.
Frustrimi “Sot ndjenja e frustrimit është reale lexohet në lajmërimin e dhënë nga Renault. FOTA (shoqata e skuadrave) ka formuluar propozime konstruktive me qëllim të uljes së kostove në mënyrë drastike, propozime që mund të aplikohen nga sezoni 2009 deri në sezonin 2012. Edhe pse u propozuan nga anëtarët e FOTA-s, ato u injoruan plotësisht nga FIA pa u konsultuar me skuadrat.
Duhet saktësuar gjithashtu se përveç objektivave ekonomikë më të ulët se ata të caktuar nga FIA, Renault beson bindshëm se procesi duhet të kryhet ndryshe dhe të pranohet nga të gjithë. Për skuadrën Renault është shumë e rëndësishme që administrimi i këtij sporti të bëhet në konsultim me të gjitha palët e përfshira (FIA, FOM, FOTA), me qëllim të sigurimit të një ekuilibri më të mirë mes të hyrave dhe të dalave. Renault është e mendimit që të gjitha skuadrat në botërorin e F.1 duhet të veprojnë me rregullore të njëjtë”.
Kontakti Organizmi i drejtuar nga Maks Moslei nuk duket se e ka me qejf ndërrimin e rregullores, por megjithatë po përpiqet të ketë një takim sa më të shpejtë me FOTA-n, shoqatën e skuadrave. Takimi duhet të ishte mbajtur para garës së Montekarlos (24 maj), por kërcënimet për tërheqje nga ana e skuadrave si Ferrari së pari dhe tani Renault, duket se i kanë ndërruar pozicionet në tavolinë.
E përjavshmja gjermane “Auto Motor und Sport” parasheh që FIA dhe FOTA të takohen të premten që vjen në aeroportin londinez të Hithrout, edhe pse Moslei nuk duket i predispozuar të heqë dorë nga kufizimet në buxhetin e kontestuar nga skuadrat, duke lënë shumë pak vend për negociata.
Eklestone: Ferrari nuk ka për t’u larguar
Berni Eklestone siguron të pasionuarit e F1 se në vitin 2010 nuk do të ketë kampionat pa makinat e kuqe. “Ata të Ferrarit nuk janë budallenj. Nuk duan ta braktisin Formulën 1 dhe ne nuk duam ta humbim Ferrarin, prandaj do ta gjejmë gjuhën e përbashkët”, ka deklaruar bosi i F1, duke komentuar vendimin e Maranelos për të mos u regjistruar në botërorin 2010 nëse FIA nuk bën një hap pas në lidhje me rregullat e reja që kanë të bëjnë me kufizimin e buxhetit. Eklestone nuk ka përkrahur as idenë e një botërori me dy nivele. “Hipoteza është duke e humbur forcën e vet”, ka thënë ai.
Lajmi i braktisjes së mundshme nga Ferrari ka tronditur botën e F1 dhe jo vetëm, aq sa ka zë faqet e para të gazetave dhe të faqeve në internet, duke i marrë hapësirë edhe futbollit. Mediat angleze, spanjolle, gjermane, ato australiane e madje deri në Amerikë shkruajnë:
“Ferrari tremb F1″ dhe “Ultimatum i Ferrarit”, tituj të botuar në media si Times, Sun, Mail, Bbc, Marca, As e Bild. Rrjeti amerikan CNN flet për bojkot. Vetëm gazeta franceze “L’Equipe” del kundër rrymës dhe flet për “bllofin e madh të Ferrarit”. Pra, skuadra italiane mund të thuhet se ia ka arritur qëllimit. Por largimin e Ferrarit nuk e besojnë as bastevënësit anglezë, që e kuotojnë në 3,50 mundësinë që të kuqet të mos jenë në startin e botërorit 2010. Me 1,20 kuotohet prania e Ferrarit në kampionatin e ardhshëm.

[Damian1]

Egjipti ankohet në FIFA për penalltinë në fund të Brazilit

Nje dite pas humbjes ne kohen shtese, Egjipti paraqet nje ankese ne FIFA, duke pretenduar per fitore te parregullt nga ana e Brazilit

Sipas egjiptianeve, arbitri anglez Howard Webb akordoi nje penallti pasi me pare kishte sinjalizuar per goditje nga kendi.

Pasi gjyqtari kryesor komunikoi me anesorin ndryshoi mendim duke i dhene Brazilit nje 11 metersh te shnderruar ne gol nga Kaka. Trajneri i Egjiptit, Hassan Shehata e ka komentuar me ironi kete episod.

“Me aq sa e di une nuk ka asnje rregull qe ne futboll te perdoret prova televizive. Nuk po kundershtojme vendimin por menyren se si arbitri e dha. Ndoshta rregullat kane ndryshuar dhe askush nuk na i ka thene”, shprehet Shehata. Ne vijim ai beri te ditur vendimin e federates per ta paraqitur ankesen ne FIFA.

[Damian1]

Wolfsburg interesohet për gjigantin anglez Peter Crouch

Skuadra kampione e Bundesliga mund të zëvendësojë sulmuesin në largim Edin Dzeko, me një tjetër emër klasi si Crouch

Kampioni i ri i Gjermanisë, Wolfsburg, është duke kërkuar sulmuesin shtatlartë të skuadrës angleze të Portsmouth, Peter Crouch. Shtatlarti anglez mund të arrijë te Wolfsburgu si zëvendësim i sulmuesit boshnjak Edin Dzeko, i cili pritet të shitet gjatë kësaj vere.

“Më duket si një opsion interesant për të ardhmen e Peter Crouch”, ka thënë agjenti i lojtarit, Jonathan Barnett, duke pranuar se një aventurë në Bundesligën Gjermane mund të ishte idealja që Crouch të rifitonte një vend në kombëtaren angleze të Capello.

Sulmuesi Peter Crouch u largua nga Liverpool në drejtim të Portsmouth pasi nuk gjente hapësirë nën udrhrat e trajnerit Benitez, por pas lënies në hije te “Pompeye”, mund të pranojë Wolfsburgun.

[Damian1]

Nigeri, ekzekutohet kapiteni pasi fitoi kampionatin vendas

Tragjedia ka pllakosur në futbollin Nigerian ku është bërë protagoniste sërish dhuna dhe ka rënë viktimë një futbollist i njohur

Nje ngjarje tragjike ka tronditur futbollin nigerian ku kapiteni i klubit skuadres se Bayelsa United, Adel Tador eshte ekzekutuar me arme zjarri pasi u shpall kampion i vendit.

Ngjarja e tmerrshme per te gjithe futbollin afrikan ndodhi vetem pak ore pasi ai ngriti kupen ne qiell. Lajmin e ben te ditur shefi i zyres se shtypit te skuadres nga Ebi Avi ne nje citim te BBC. Versioni i tij eshte se, kapiteni u qellua me plumba ne koke nga nje hajdut.

Tador po kthehej ne shtepi pas barazimit 2-2 kunder Warri Wolfes qe i lejoi skuadres se tij te fitonte kampionatin. Zona ku banonte futbollisti eshte shume e njohur per shkak te sulmeve terroriste ndaj kompanive te nxjerrjes se naftes.

[Damian1]

Pilulat e merkatos së futbollistëve në Europë

Shnajderi nuk do të lëvizë nga Reali, Pato konfirmon besnikërinë e Milan ndërsa Sagna mund të braktisë Arsenalin

Agjenti i futbollistit holandez, Uesli Shnajder, ka pohuar se klienti i tij nuk do të lëviz nga Reali i Madridit, ndonëse drejtuesit e ri të klubit madrilen e kanë vendosur holandezin në mesin e futbollistëve që synojnë të lirohen nga shërbimet e tyre. "Uesli ka kontratë me Realin deri në vitin 2013. Ai është i kënaqur në këtë klub, prandaj nuk e ka ndërmend të largohet", ka theksuar Soren Lerbi, duke shtuar: "Nuk ka asgjë të vërtet rreth kalimit eventual në Inter. Askush nga Reali nuk më ka telefonuar mua për të diskutuar një gjë të tillë, prandaj konsideroj se këto janë vetëm zëra spekulativ". Mediat e shohin lëvizjen e Shnajderit te Interi, si pjesë të marrëveshjes për transferimin e Zlatan Ibrahimovicit në Real Madrid.

Bakari Sanja, i cili u bashkua me Arsenalin në korrik të vitit 2007 ka thënë se nuk di asgjë në lidhje me zërat e tillë. "Sinqerisht jam befasuar kur kam dëgjuar lajmin për interesimin e Realit, por nuk mund t'i anashkaloj kaq lehtë këto zëra. Normalisht se qëllimi im është që të rikthehem me vëmendje të plotë në përgatitjet para edicionit të ri me Arsenalin, por sigurisht se do të shoh se çfarë do të ndodh me pohimet e tilla për interesimin e Realit", ka pohuar Sanja.

Pasi javën e kaluar ka tronditur opinionin italian, e veçmas tifozët e Milanit, me deklaratën se me kënaqësi do të shkonte me Karlo Ançelotin te Çelsea, 19-vjeçari brazilian, Pato, megjithatë ka vendosur të qëndrojë te Milani dhe të fitojë të gjitha trofetë e mundshme.

"Jam i lumtur që mund të qëndroj te Milani. Nuk më intereson se çfarë flasin të tjerët. Kam kontratë me Milanin dhe e respektoj atë. Në të ardhmen dua të fitoj sa më shumë trofe me Milanin", ka theksuar Pato pas ndeshjes Brazil-Egjipt, në kuadër të Kupës së Konfederatave që po mbahet në Afrikën e Jugut.

[Damian1]

Real merr kredi 150 milionë Euro për Kakà dhe Cristiano

Skuadra madrilène sapo ka marrë aprovimin e disa bankave në lidhje me kredinë që mundëson ardhjet e bujshme të Cristiano Ronaldo dhe Kakà

Dy blerjet e bujshme te Real Madrid, Rikardo Kaka dhe Kristiano Ronaldo jane blere me nje hua prej 150 milion eurosh te marra ne dy banka te ndryshme ne Spanje.

Shuma e marre nga Florentino Perez perkon me shumen qe ai shpenzoi per te blere Kaka dhe Ronaldo sipas gazetes spanjolle “El Mundo” dhe se bankat pohuan qe huadhenia nuk eshte rrezikshme pasi Real Madrid ka lene si garanci te drejten televizive.

Reali u ka komunikuar bankave qe blerjet e reja do t'i shumefishojne fitimet. Vete presidenti i madrileneve ka marre si shembull me shume se njehere blerjen e Zinedine Zidane ne 2001 nga Juventusi per shumen rekord te kohes 73 milion euro qe i solli Real-it katerfishimin e fitimeve.

[supervisor91]

Mosley replikon: Buxheti nuk ndryshon


FIA dhe Fota vazhdojne te perplasen fuqishem per ceshtjen e buxhetit te vitit 2010.
Pak ore pas deklarates te kreut te FOTA-s dhe Ferrarit, Luca Montezemolo, i cili u shpreh se nuk do ndryshoje qendrim, FIA perdor tonet e ashpra.

“Duke qene se nuk arritem ne nje marreveshje te perbashket per ceshtjen e buxhetit ne vitin 2010 do qendroje ne fuqi rregullorja e miratuar nga FIA”, ka theksuar Max Mosley. Presidenti i FIA-s ka vazhduar te flase me te njejten linje, duke thelluar edhe me shume hendekun me shoqaten e skuderive.

“Ne takimin e dates 11 qershor, ekspertet e Fota-s thane se nuk kane mandatin e duhur per te diskutuar ceshtjen e buxhetit 2010. Ne te vertete nuk ishin aspak te gatshem per te diskutuar rreth kesaj teme”, shprehet kreu i FIA-s.