Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Superliga, me 12 apo 16 skuadra, sot vendos komiteti

Sot mblidhet Komiteti Ekzekutiv i FSHF-së, diskutohet ndryshimi i strukturës. “Bosi” Duka është kundër, por një pjesë e komitetsave është pro variantit “16”

Katër skuadrat e rëna nga Kategoria Superiore, Partizani e Bylisi përmes ndeshjeve play-of respektivisht me Kastriotin e Gramozin, si dhe Elbasani e Lushnja (të rrëzuar direkt, por përmes polemikave të shumta për rezultate të paravendosura) do të jenë me “sy e veshë” nga selia e “top-këmbës” shqiptare, pasi sot (11:00) Komiteti Ekzekutiv i Federatës Shqiptare të Futbollit do të mblidhet për të diskutuar një nga çështjet më të nxehta të këtyre ditëve, atë strukturës përfundimtare të Kategorisë Superiore për sezonin e ri 2009-2010.

Presidenti i Federatës Shqiptare të Futbollit, Armand Duka, ka deklaruar hapur në dy intervista të gjata për dy televizione të ndryshme se është kundër ndryshimit të numrit të skuadrave të Kategorisë Superiore, nga 12 në 16. “Unë jam pro zbatimit të rregullave. Në asnjë vend të botës nuk ndodh kjo që kërkohet këtu, ndaj nuk mund ta pranoj një kërkesë të tillë”, - tha “bosi” fuqiplotë i futbollit shqiptar. Në kundërshtim me Dukën, të pakën gjashtë anëtarë të Komitetit Ekzekutiv, tre hapur në shtyp si Gjergji Thaka, Mehdi Bushati e Muhedin Targaj, dhe tre të tjerë përmes qëndrimeve konfidenciale, janë shprehur hapur e në mbështetje të formulës me 16 skuadra, nga 12 që është parafiksuar në strukturën e Kampionatit të 71-të Kombëtar të Futbollit. Për këtë arsye priten debate të ashpra mes anëtarëve të organit më të lartë vendimmarrës, pasi një pjesë e tyre janë pro ndryshimeve të strukturës dhe janë gati të miratojnë kërkesën e 12 klubeve për Superioren me 16 skuadra për sezonin e ardhshëm.

Drejtuesit e Partizanit, Elbasanit, Lushnjës dhe Bylisit, sponsorizues edhe të një kërkesë të firmosur nga 12 klube e të drejtuar FSHF-së, shpresojnë që këtë herë Komiteti Ekzekutiv të vendosë për herë të parë kundër vullnetit të kreut të federatës, duke i dhënë një ndihmë të madhe skuadrave të rëna, edhe për shkak të një fundsezoni të kompromentuar e të shumëdiskutuar, pasi vetëm kështu mund të rikthehen në Kategorinë Superiore. Sipas një vendimi të Komitetit Ekzekutiv të tri viteve më parë, thuhet shprehimisht se struktura e kampionatit ndryshon vetëm një vit, pasi është marrë vendimi nga të gjitha klubet e Kategorisë Superiore, gjë që nuk po zbatohet këtë herë. Të gjitha skuadrat kanë firmosur kërkesën për ndryshim dhe kjo ka krijuar jo pak rrëmujë brenda mureve të FSHF-së. Gjithsesi, fakti që gjyqtarët kanë ndikuar negativisht në rrëzimin për herë të dytë të Partizanit në kategorinë inferiore, por dhe rezultati i paravendosur në ndeshjen Shkumbini-Bylisi, që solli edhe denoncimin e dorëheqjen e trajnerit Gugash Magani përpara zhvillimit të takimit, mund të kthehet në favor të skuadrave të rrëzuara.

Prokuroria e Elbasanit ka nisur hetimet për ndeshjen Shkumbini-Bylis (0-2), të konsideruar gjerësisht si të trukuar dhe që vendosi në një farë mënyre edhe rrëzimin e verdhbluve.

[Damian1]

Sulmuesi Rossi thërret Milanin: Nëse më kërkon jam gati

Goleadori i kombëtares italiane, Rossi ka thënë se është prej vjetësh tifoz i Milanit dhe nuk do të ngurronte nëse e kërkojnë

Sulmuesi i Villarrealit, italiani Giuseppe Rossi, ka deklaruar se skuadra e tij favorite gjithmonë ka qenë Milani dhe se ai është tifoz i Rossonerëve që nga fëmijëria, dhe kjo është njëra nga arsyet për të cilën sulmuesi italian shpreson që të bartë fanellën e kësaj skuadre në të ardhmen.

“Gjithmonë kam qenë tifoz i Milanit dhe idhujt e mi kanë qenë Gullit dhe Van Basten. Nëse më thërret Galliani do ta kisha përshëndetur thirrjen e tij”, ka thënë Rossi për “Gazzetta dello Sport”.

Megjithatë, Galliani nuk është i interesuar për shërbimet e Rossit, pasi që Milani kërkon një qendërsulmues. Ndërkohë, Juventusi është i interesuar për transferimin e italianit të lindur në SHBA, New Jersey.

[Damian1]

Chelsea i hapet oreksi, edhe londinezët në garë për Ibra

Chelsea hyn në garë për sulmuesin suedez të Interit, Zlatan Ibrahimovic pasi Ancelotti kërkon të forcojë blutë

Chelsea dhe Carlo Ancelotti janë hedhur ne sulm per te siguruar sherbimet e sulmuesit te Interit, Zlatan Ibrahimovic. Pak vjet më parë trajneri Ancelotti dështoi të sjellë ibrahimovic te Milan dhe tani kërkon të korigjojë gabimin.

Sipas gazetes angleze “Daily Express” sulmuesi suedez i kampioneve te Italise, eshte kthyer ne objektivin kryesor per blute e Londres pas deshtimit te pepjekjeve per te marre Tevez, Kaka dhe David Villa.

Londinezet e pronarit rus Abramovich akoma nuk kane bere nje goditje te madhe ne merkato dhe duket se Ibrahimovic mund te jete e para pasi sulmuesi pelqehet edhe nga trajneri Ancelotti.

[Damian1]

Cristiano Ronaldo bëhet më i paguari, 13 milionë në vit

Portugezi i blerë nga real Madrid bëhet kështu futbollisti më i paguar në planet, pasi do të fitojë 13 milionë Euro në vit

Mesfushori sulmues Cristiano Ronaldo rrëmben spektrin e mbretit të botës, dhe kjo jo vetëm për shumën e shpenzuar mbi kartonin e tij, që para pak vjetësh mund të cilosohej denjësisht si një çmenduri.

Portugezi i Realit të Madridit do të çojë në shtëpi të paktën 13 milionë Euro neto në vit nga kontrata me skuadrën galaktike. Një marrëveshje hyjnore kurrë më parë e parë në topin e rrumbullakët të futbollit.

Kështu marka e re e Realit “CR7” do të fitojë një million Euro më shumë se suedezi Zlatan Ibrahimovic, për të cilin Moratit i bie të fikët ekonomikisht. Statistikat ngrenë më lart yllin luzitan pasi ato thonë se ai do të fitojë më shumë se dyfishin e simbolit të Realit, Raul Gonzales Blanco.

[Damian1]

Cissokho është “me defekt”, Milani në telashe mjekësore

Futbollisti franko-senegalez që është blerë nga Porto për 15 milionë Euro ka qëlluar “me defekt” për Milan pasi ka një problem shëndetësor

Mund të dështojë në mënyrë të bujshme transferta aq e mediatizuar e talentit franko-senegalez Aly Cissokho që është blerë nga Milani.

Futbollisti që premton shumë dhe që është blerë nga skuadra portugeze e Portos për 15 milionë Euro ka hasur një problem gjatë testeve mjekësore. Këtu ka ardhur edhe vendimi i drejtuesve të klubit në rrugën Turati për të pezulluar gjithçka.

Sipas rrjetit të njohur “Sky Sport” në Itali, problemet e futbollistit Aly Cissokho kanë të bëjnë vetëm me dhëmbët, por kjo mund të jetë një manovër për të fshehur arsyen e vërtetë të pezullimit të marrëveshjes,.

[Damian1]

Gennaro Gattuso lë të hapur mundësinë e kalimit te Chelsea

Futbollisti energjik i Milanit, Gattuso ka pranuar se joshet nga kalimi te Chelsea qw drejtohet nga Carlo Ancelotti

Mesfushori mbrojtës i spikatur i Milanit, Xhenaro Gatuzo, ka pohuar se e ka të vështirë për të braktisur Milanin, por ka pranuar se Liga Premiere i pëlqen shumë dhe do të kishte dëshirë të ishte sërish nën urdhrat e Karlo Ançelotit. "Më pëlqen Premier Liga.

Ajo është liga më e mirë për mua dhe karakteristikat e mia. Nuk e di se çfarë do të ndodh. Ka shumë vjet që jam te Milani dhe nuk është e lehtë për mua ta braktis këtë skuadër, por më duhet të shikoj se cila rrugë është më e mirë për të zgjidhur.

“Çelsi është një skuadër e madhe, kurse të punosh nën drejtimin e Ançelotit është një ndjenë shumë e mirë. Kemi punuar së bashku për tetë vjet dhe ai për mua është si baba i dytë. Ai është një personalitet dhe trajner i madh", ka pohuar Gatuzo, i cili ka kontratë të vlefshme me Milanin deri në vitin 2011.

[supervisor91]

Raikkonen, optimist per garen e Silverstone

Ne skuderine e Ferrarit nuk kane hequr dore nga lufta per titull. Pas brazilianit Massa edhe finlandezi Raikkonen mendon se ne Silverstone makina e kuqe do garoje ne nivele te larta.
“Skuadra ka pergatitur zgjidhje te reja dhe mendoj se cmimi i madh i Britanise do jete i veshtire por gjithesesi ne synojme podiumin. Kjo piste personifikon fillesen e karrieres time dhe gjithmone me ka pelqyer te garoj ketu”, shprehet ish kampioni i botes. Ne vijim, ai flet per karakteristikat e pistes se Silverstone, duke thene se koha e paqendrueshme ndikon cdo sezon ne garen e Formula 1.

“Per here te pare do garojme ne Silverstone pa kryer asnje test. Skuadra ka gjetur zgjidhje te reja qe do te provohen diten e premte paradite. Ne Silverstone kane shume rendesi kthesat e shpejta dhe pjesa aereodinamike e makines. Te shpresojme qe ndryshimet ne makine do na nxjerrin nga kjo situate”, thekson Raikkonen.

[supervisor91]

Fota ul tonet: Kerkojme negociata


Perfeqesuesit e shoqates se skuderive po perpiqen te shkrijne akullin me Federaten Nderkombetare te Automobilizmit per ceshtjen e buxhetit te sezonit 2010 dhe ate te regjistrimit.
Fota i ka derguar nje leter shefit te FIA-s, Max Mosley dhe pronarit te Formula 1, Bernie Ecclestone ku kerkon shtyrjen e afatit te regjistrimit per boterorin 2010. “Ka ardhur koha qe te arrijme ne nje marreveshje te perbashket”, shkruhet mes te tjerash ne leter. Ne vijim, Fota kerkon mirekuptimin e FIA-s per, duke theksuar se ky eshte nje hap domethenes nga ana e skuderive.

“Kerkojme qe te shikoni me kujdes propozimin tone per te evituar mospjesemarrjen e skuderive me te medha ne F1”, thekson Fota qe mendon per shtyrjen e afatit te regjistrimit qe skadon diten e premte.

Nderkohe FIA ka reaguar menjehere duke kerkuar regjistrimin e skuderive per te nisur me pas bisedimet, “Nuk ka kohe per te diskutuar. Duhet te firmosni dhe te pranoni pjesemarrjen e pakushtezuar”, thuhet ne komunikaten e FIA-s drejtuar skuderive “rebele”.

[Damian1]

Milan ne diete shkurtohen 54 milione.

Milani ka nderrmare nje nisem per shkurtimin e shpenzimeve me 30%...

Iken Kaka me milionat e tij te fituara dhe ja Aly Cissoko me nje rroge qe kushton pothuajse dy million (taksa te perfshira) duket qarte qe braziliani eshte i pazvendesueshem, por sakrifica e tij lejon nje kursim te papare. Mjafton ky paragonim per te kuptuar si kuq e ziu i ri, qe parashikon kursime te medha ne lidhje me transferimet, nenvizon mbi te gjitha mbi nje dobesim te rrogave mujore. Jo rastesisht administratori kuq e zi Adriano Galliani kembengul ne “ barazimin e bilancit”.

Milanit, arritja e ketij obiektivi nuk mjafton, keshtu qe per te bere llogaritjen e shit-blerjeve vit per vit. Misioni me i rendesishen eshte pikerisht limitimi i kostos se angazhimeve qe, sic dihet, sjellin angazhime shume vjecare. Ne sezonin e fundit shoqeria kuqe e zi ka shpenzuar 172 milion euro bruto per anetaret e tij. Qe ketu fillon mbajtja e 30% te rroges mujore. Nje rruge sigurisht e gjate por qe kuq e zinjte kane ndermarre me perkushtimin e duhur. Dhe rezultatet po duken.

[Damian1]

Wolfsburgu nuk heq dorë nga sulmuesit Dzeko dhe Grafite

Drejtori ekzekutiv i Volfsburgut, Jirgen Marbah, ka pohuar se skuadra kampione e Gjermanisë nuk e ka ndërmend të shesë dy futbollistët e saj më të mirë, Edin Xhekon dhe Grafiten

Për shërbimet e futbollistit të ri boshnjak, Edin Xheko është i interesuar Milani dhe ditët e fundit mediat transferimin e tij në “San Siro” e shihnin si çështje të kryer. Megjithatë, Marbah ka konfirmuar se tash për tash nuk ka asgjë.

“Deri më tash nuk jemi takuar as me zyrtarët e Milanit dhe as me përfaqësuesit e Edin Xhekos. Ai momentalisht është në pushime. Gjatë fazës përgatitore do të bisedojmë me të në katër sy. Jam i bindur se atëherë do të arrijmë marrëveshje dhe do të zgjasim kontratën e tij me Volfsburgun, e cila i skadon në verën e vitit 2011”, është shprehur Marbah.

Ai ka thënë se të njëjtën gjë e pret edhe në bisedimet me brazilianin 30-vjeç, Grafite, i cili me 28 gola të shënuar ishte shënuesi më i mirë në Bundesligë në edicionin e kaluar.

“Presim që javën e ardhshme të zgjedhim të gjitha detajet rreth kontratës së re me Grafiten”, ka shtuar drejtori ekzekutiv i Volfsburgut. Grafite momentalisht ka kontratë të vlefshme deri në vitin 2011, kurse drejtuesit e Volfsburgut i kanë ofruar atij edhe një vit zgjatje të kontratës.