Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mourinho i jep ultimatum Ibrahimovicit

Trajneri i Interit, Jose Mourinho, i ka dhënë ultimatum sulmuesit Zlatan Ibrahimovic që të vendosë nëse dëshiron të largohet ose të qëndrojë, pasi që kur të fillojnë ndeshjet para-sezonale ai nuk do të lejojë largimin e tij.

“Il Corriere Dello Sport” njofton se portugezi është takuar me presidentin Massimo Moratti për të folur në lidhje me sulmuesin boshnjak me pasaportë suedeze, duke caktuar datën 12 korrik si afatin e fundit kur mund të shitet Ibracadabra.

Ibrahimovic është i kërkuar nga shumë skuadra, ndërsa më të interesuar për shërbimet e tij janë gjigantët spanjollë, Real Madrid dhe Barcelona.

[Damian1]

Mellberg arrin marrëveshje me Olympiakos

Juventusi ka njoftuar për largimin e disa lojtarëve gjatë këtij afati kalimtar, ndërsa mbrojtësi Olof Mellberg bën pjesë në këtë grup.

Sipas informatave të fundit nga “AFP”, sezonin e ardhëm suedezi do të luajë për skuadrën greke Olympiakos.

Mësohet se 31-vjeçari ka arritur marrëveshje për të nënshkruar një kontratë trevjeçare, ndërsa të hënën do të prezantohet zyrtarisht si lojtar i Olympiakosit.

Ndërkohë, Juventusi do të fitojë 2.7 milionë euro për shitjen e Mellberg, i cili qëndroi vetëm një sezon te Bianconerët.

[Damian1]

Cristiano Ronaldo: Ja pse largohem nga Manchesteri

Mesfushori portugez, blerja më e shtrenjtë në historinë e futbollit shpjegon pse la Manchester për Realin

Në një intervistë për "News Of The World", superylli portugez Cristiano Ronaldo ka treguar arsyet pse po largohet nga Manchester United duke thënë se ai e ka menduar këtë transferim qe një kohë të gjatë.

“Pasi e fituam Ligën e Kampionëve, fillova të mendoj se nuk më ka mbetur asgjë tjetër për të arritur me Manchesterin”.

“E kuptova se kur arrin gjithçka, është koha për të kërkuar një sfidë të re. Unë qëndrova edhe një vit dhe u kënaqa, mirëpo ëndrra ime ishte të luaj për Real Madridin”.

“Nuk jam transferuar për para. Ajo që unë dëshiroj është të jem lojtari më i mirë në botë, dhe për ta bërë këtë më duhet shumë punë, por ky është qëllimi im. Prandaj është shumë e qartë: nëse bëhesh lojtari më i mirë i Real Madridit, atëherë do të jesh lojtari më i mirë në histori”, ka shpjeguar Ronaldo.

[supervisor91]

F1, Vettel triumfon ne Silverstone

Sebastian Vettel eshte fituesi i Cmimit te Madh te Britanise se Madhe ne Formula 1. Piloti i Red Bull ka triumfuar ne pisten e Silverstone duke arritur fitoren e trete ne karrieren e tij dhe te dyten per kete sezon.
Vendin e dyte ne garen e sotme e mban serish nje pilot i Red Bull, Mark Webber, ndersa ne vendin e trete rezultoi Rubens Barrichello i Brawn.

Pas kesaj gare ne klasifikimin e pergjithshem te piloteve kryeson Jenson Button me 64 pike, duke lene pas Rubens Barrichello me 41 pike dhe Sebastian Vettel qe ngjitet ne kuoten e 39 pikeve.

Ne klasifikimin e pergjithshem per konstruktoret e ne krye eshte Brawn-Mercedes me 105 pike e ndjekur nga RBR-Renault me 74.5 dhe Toyota me 34.5 pike.

Klasifikimi per pilote


Klasifikimi per konstruktore

[Damian1]

Berlusconi: Pirlo e ka një çmim, Pato do të mbetet te Milani

Silvio Berlusconi thotë se sulmuesi brazilian Alexandre Pato do të mbetet te Milan, dhe se në të sheh zëvendësimin e Kaka, ndërsa Pirlo e ka një çmim

Sulmuesi Pato së bashku me Andrea Pirlon vazhdimisht lidhen me një transferim në Chelsea, por presidenti i Milanit, Silvio Berlusconi, beson se që të dy do të mbeten në San Siro edhe pse për italianin nuk ka shumë garanci .

“Do të shohim çfarë do të ndodhë me Pirlon, shpresoj se ai do të qëndrojë, por duhet ta ndjekim situatën. Me këto çmime çdo gjë mund të ndodhë. Pato do të ketë një karrierë të pabesueshme dhe mendoj se ai do të mund ta zëvendësojë Kakan”, ka thënë Berlusconi.

“Nuk ka kurrfarë problemi me Ambrosinin, ai dëshiron të vazhdojë marrëveshjen edhe për një sezon. Edhe Ronaldinho do të jetë i mirë këtë vit”, ka shtuar presidenti.

[Damian1]

Podolski akuzon Klinsmann kur ishte te Bayern Munchen

Sulmuesi i kombëtares gjermane Lucas Podolski ka akuzuar trajnerin Klinsmann pas largimit nga skuadra bavareze e Bayern

Futbollisti 24-vjeçar i kombëtares së Gjermanisë, Lukas Podolski, me padurim ka pritur të largohet nga Bajerni i Munihut dhe të rikthehet aty ku ka lënë gjurmë të pashlyeshme, në Këln. Ditë më parë kjo skuadër ka emëruar në krye të skuadrës kroatin Zvonimir Soldo, pasi trajneri i deritashëm, Kristof Daum kaloi në radhët e Fenerbahçes.

"Sa ishte Klinsmani në drejtim të Bajernit më thoshte se kurrë nuk do të më jepet mundësia për të luajtur përkrah dyshes Klose-Toni. Më mirë do të ishte sikur do të më jepte një shuplakë, se sa që më thoshte një gjë të tillë", ka rikujtuar Podolski ditët e tij të vështira në Bajern.

Ai ka shtuar: "Me padurim pres të filloj stërvitjet tek Këlni. Aty rrah zemra ime për futbollin. Në këtë klub ndjehem si në shtëpinë time dhe nuk është aspak e pamundur që pikërisht në këtë klub ta mbyll karrierën. Gjithçka këtu është e përkryer dhe kjo është shtëpia ime e futbollit". Edicionin e kaluar skuadra e Këlnit e përfundoi në pozitën e 12-të.

[Damian1]

Italia jashtë "Confederations", Brazili e turpëron 3-0

Italia është eliminuar nga “Confederations Cup” pas një ndeshjeje të shëmtuar ndaj Brazilit të cilën e humbi 3-0. Kualifikohet më tej edhe SHBA

Italia është eliminuar nga “Confederations Cup” që në ndeshjet e fazës në grupe pasi ka marrë humbjen e dytë, këtë herë më të turpshme. Kampionët në fuqi të botës kanë humbur 3-0 në stadiumin e Pretorias ndaj Brazilit duke u shfaqur në hije gjatë 90 minutave, pavarësisht ndryshimeve në formacion.

3 golat që vendosën ndeshjen në favor të Brazilit erdhën në fundin e pjesës së parë. Luis Fabiano tundi për herë të parë rrjetën e Buffon duke përfituar nga një rreshtim i gabuar i mbrojtjes. Më pas ishte sërish Fabiano që shënoi golin e dytë pas një asisti të sulmuesit tjetër Robinho ndërsa në minutën e 45 italianët shënuan autogol me mbrojtësin e Liverpool, Dossena.

Përveç Brazilit të kualifikuar, fiton një biletë tjetër edhe SHBA që shkatërroi Egjiptin 3-0 duke merituar kalimin më tej. Davies në minutën e 22’ hapi serinë e golave ndërsa në pjesën e dytë shënuan Bradley 63’, si dhe Dempsey 71’ që vulosi gjithçka.

[supervisor91]

Montezemolo: Rregullat e ketij sezoni, te paqarta

Presidenti i skuderise Ferrari, Luca Cordero di Montezemolo ka kritikuar serish rregullat e FIA-s por kete here jo per ceshtjen e buxhetit te vitit 2010.
Ai eshte perqendruar ne rregullat e ketij sezoni qe kane avantazhuar skuderi si Brawn GP apo Red Bull. “Ne nentor te vitit 2009 Ferrari fitoi kampionatin ne Brazil me Raikkonen. Atehere kishte rregulla te qarta dhe mund te fitoje. Tani nuk eshte me keshtu”, shprehet shefi i shtepise se makinave italiane.

Ne vijim, ai beri edhe nje koment per garen ne Silverstone, duke theksuar se makina ka garuar me mire ne krahasim me te shkuaren. Montezemolo nuk ka lene pa prekur edhe ceshtjen e kampionatit paralel, duke lene te kuptohet se tashme nuk ka me kthim prapa.

“Po punojme per kampionatin e ri qe Fota ka projektuar. Per marreveshjet me FIA-n nuk di asgje sepse ditet e fundit nuk jam marre shume me kete gje”, perfundon presidenti i kokekuqes.

[supervisor91]

F1, Ecclestone: Nuk ka problem qe nuk zgjidhet

Padroni i “Formula 1” Bernie Ecclestone ne nje deklarate per gazetaret shprehet i vendosur dhe i sigurte per te shpetuar F1 nga ndarja.
“I kam dedikuar 35 vjet te jetes time ‘Formula 1’. Martesa ime mori fund per shkak te ‘Formula 1’ dhe une nuk do lejoj qe gjithcka te shkaterrohet per hicgje. Nese i analizoni me hollesi problemet nuk ka asnje qe nuk mund te zgjidhet”- tha Ecclestone.

Problemet ne “Formula 1” linden mes FIA-s dhe FOTA-s per rregulloren dhe te drejtat komerciale ne kampionatin e ardhshem.

Pas takimit mes FIA-s dhe FOTA-s ne Silverstone te Britanise se madhe disa ekipe te FOTA-s, bashke me to edhe Ferrari deklaruan terheqjen nga F1 dhe pergatitjen e nje kampionati analog me F1.

[Damian1]

Champions League, Tirana ndaj norvegjezëve të Stabaek

Tirana ka njohur kundërshtarin europian që është Stabaek ndërsa janë pubikuar edhe rivalët e Dinamos, Vllaznisë, e Flamurtarit

Kampionet e Shqiperise, bardheblute e Tiranes do te perballen me kampionet norvegjez Stabaek IF ne ndeshjen e pare ne Champions.

Ndryshe nga pjesemarrjet e tjera ne Champions League kete here kerkohet me shume nga bardheblute nisur edhe nga prononcimet e donatorit Refik Halili i cili nuk ka kerkuar thjesht kalimin e nje faze por nje paraqitje me dinjitoze se heret e tjera.

Megjithese shorti nuk eshte treguar shume bujar me bardheblute, mundesite per te kaluar fazen e pare te eliminatoreve jane. Por duhen pare dhe lojtaret qe mund te afrohen deri ne perballjen e pare.

Ndeshjet e para te vlefshme per Uefa Champions League do te luhen me 14 dhe 15 korrik ndersa ato te kthimit me 21 dhe 22 korrik dhe bardheblute do te presin ne Tirane vikinget e Stabaek IF.

Ndërkohë në shortin e Europa League skuadrat rivale të Dinamos dhe Vllaznisë janë krejtësisht të panjohura. Dinamo do të përballet me finlandezët e Lahtit, ndërsa shkodranët do masin forcat me irlandezët e Sligo. Flamurtari që hyri direkt në turin e dytë paraeliminator, do të presë fituesen e ciftit Motherwell-Lanelli.