Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kaladze: Edin Dzeko mund të jetë Ibrahimovic i Milanit

Futbollisti gjeorgjian ka thënë se nëse Milani blen Dzeko ai mund të bëhet si Ibrahimovic tek kuqezinjtë

Mbrojtësi gjeorgjian i Milanit, Kaka Kalaxe, po shërohet sipas parashikimeve nga operimi i gjurit dhe shumë shpejtë pritet rikthimi i tij në stërvitje me pjesën tjetër të skuadrës. Kaladze ka vuajtur një kohë të gjatë nga lëndimi i gjurit dhe për këtë arsye në edicionin e kaluar luajti vetëm 11 ndeshje, ndërkohë që në mars ai iu nënshtrua operimit.

"Ndihem shumë mirë. Thuajse jam i gatshëm për t'u kthyer në stërvitje me bashkëlojtarët e mi. Më 4 korrik do të kem një kontrollim në detaje të gjurit, ku shpresoj që mjeku të më jap 'dritën e gjelbër' për t'u rikthyer në fushën e gjelbër", ka pohuar Kalaxe.

Më pas mbrojtësi gjeorgjian ka folur edhe për afatin kalimtar, përkatësisht për mundësinë që në 'San Siro' të vijë sulmuesi i kombëtares së Bonjë e Hercegovinës, Edin Xheko.

"Xheko është një sulmues shumë i fortë. Ai është i shkëlqyeshëm në realizimin e golave me të dyja këmbët dhe me kokë. Ai më përngjan në Ibrahimoviqin sa i përket predispozitave fizike, edhe pse 'Ibra' teknikisht është më i fortë", është shprehur Kalaxe.

[Damian1]

Del Bosque: Villa do të thyejë rekordin e Raul me Spanjën

Trajneri i kampionëve të Europës, Spanjës, ka thënë se rekordi i golave të shënuar nga Raul me kombëtaren do të thyhet nga David Villa

Trajneri i kombëtares së Spanjës, Vicente del Bosque, nuk mendon se rekordi i Raul si golashënuesi më i mirë i të gjitha kohërave për kombëtaren spanjolle do të zgjasë edhe shumë.

Spanja tashmë ka vendosur një rekord të ri duke u bërë kombëtarja e parë që ka shënuar 15 fitore radhazi, derisa ka barazuar rekordin e Brazilit prej 35 ndeshjesh pa humbje.

Del Bosque mendon se kjo kombëtare që ai drejton do të thyejë edhe shumë rekorde, mes të cilave shpreson se David Villa do të tejkalojë numrin e golave që ka shënuar Raul. Kapiteni i Real Madridit ka shënuar më së shumti, 44 gola, për Spanjën, ndërsa Villa është ende larg, në pozitën e 13-të me po aq gola, 13.

“Besoj se Villa do të shënojë më shumë gola se Raul me kombëtaren. Por edhe rekorde të tjera po ashtu do të vijnë. Raul, si një shembull tjetër, ka bërë 102 paraqitje për kombëtaren dhe kohë më parë edhe thyerja e këtij rekordi ishte e pamendueshme”, ka thënë Del Bosque.

[Damian1]

Ronaldinho: Dua të rikthehem në kombëtaren braziliane

Braziliani i Milanit ka thënë se e vuan momentin kur sheh ndeshjet e kombëtares nga TV, pasi do të luajë me “Selecao”

Ish-futbollisti i kombëtares së Brazilit, Ronaldinjo, ka pohuar se nuk është i zemëruar që nuk është pjesë e kombëtares së tij në Kupën e Konfederatave, por ka pranuar se ndihet i dëshpëruar.

"Pa dyshim se dua të rikthehem në kombëtaren e Brazilit, e cila për mua është si familje. Vitin e ardhshëm dëshiroj të luaj për Brazilin në Botërorin e Afrikës së Jugut. Nuk jam i mllefosur që përzgjedhësi Karlos Dunga nuk më ka ftuar për Kupën e Konfederatave, por megjithatë një gjë e tillë më ka dëshpëruar”.

“Kam qenë një kohë të gjatë në skuadrën kombëtare, kurse një kohë edhe kapiten i saj", ka pohuar Ronaldinjo për televizionin brazilian "Globo".

"Me çdo kusht dua të rikthehem në kombëtare. Por, për të ndodhur një gjë e tillë, më duhet të luaj një edicion të shkëlqyer te Milani. Do të jap maksimumin në edicionin e ri, kurse paraqitjet e mia dhe rezultatet e mira të skuadrës sime do të ndihmojnë rikthimin tim në kombëtare", ka nënvizuar Ronaldinjo.

[Damian1]

Real Madrid, klauzola 200 milionë për largimin e Ronaldos

Portugezi Cristiano Ronaldo ka një klauzolë largimi të mendur si vetë blerja e tij nga Real Madrid, 200 milionë Euro

Skuadra spanjolle e Real Madrid eshte vene menjehere ne pune per te blinduar talentin portugez, Cristiano Ronaldo te cilin e bleu para pak ditesh per 93 milione euro nga Manchester United.

Plot 200 milione euro eshte klauzola qe klubi kastiljan ka vene per t’i bere balle sulmeve te cmendura nga miliarderet arabe qe po tentojne te privatizojne futbollin britanik.

Kjo shifer e frikshme largon kedo qe do tentoje t’i shkepuse portugezin skuadres “merengues”. Kontrata e luzitanit me Real Madrid skadon ne vitin 2015 dhe ai do perfitoje nga 13 milione euro ne sezon.

[Damian1]

Kakà: I jam mirënjohës Italisë, sepse më dha gjithçka!

Ylli brazilian, Kakà i cili javë më parë u transferua te Reali, i ka bërë ftesë ish-bashkëlojtarit të tij, Andrea Pirlo që t'i bashkohet në 'klubin mbretëror'

"Nëse Pirlo vërtet largohet nga Milani, atëherë do ta këshilloja Realin që ta transferojë", ka thënë Kaka, i cili pati një paraqitje të shkëlqyeshme ndaj Italisë në ndeshjen e fundit të grupit B në Kupën e Konfederatave, e cila u mbyll 3:0.

"Rezultati 3:0 është shokues, madje edhe për mua, por ai tregon se çfarë skuadre të fortë dhe të madhe kemi. Jemi shumë të lumtur që u kualifikuam në gjysmëfinale, por tash duhet të mendojmë vetëm për sfidën e radhës ndaj Afrikës së Jugut, e jo për atë se sa mirë do të ishte të luajmë në finale me Spanjën", është shprehur Kaka.

"Më vjen keq për Italinë. Askush nuk ka pritur se do t'i humb dy ndeshje në grup. Pa marrë parasysh këtë fakt, ata edhe më tej kanë një kombëtare të fortë. Të gjithë e dinë se Italia është kampione e botës. I jam shumë mirënjohës Italisë për gjithçka që më ka dhënë, duke pasur parasysh se për çdo gjë që kam arritur në karrierë dihet ta falënderoj pikërisht Italinë", ka nënvizuar Kakà.

[Damian1]

Afrika e Jugut, Blatter premton një botëror të bukur

Presidenti i FIFA-s, zvicerani Blatter Ka mundur te sfidoje te gjithe skeptiket dhe kritikat, duke premtuar nje boteror te madh në 2010

Shefi i FIFA-s, Sepp Blatter tashme e sheh te shtruar rrugen drejt Afrikes se Jugut ku fiks nje vit me pas do perplasen kombetaret me te forta te globit.

“Do jete nje edicion shume i mire i Kupes se Botes. Ne Afriken e Jugut gjithcka do shkoje mire dhe per kete nuk kam as me te voglin dyshim”, deklaron drejtuesi i institucionit me te larte boteror te futbollit.

Blatter shprehet i kenaqur me ecurine e Kupes se Konfederatave dhe garanton gjithashtu se gjate boterorit nuk do kete probleme organizimi. “Kontinenti afrikan ka nje avantazh te madh ndaj Europes. Tashme eshte momenti t’i japim dicka te madhe Afrikes. Eshte nje detyrim moral per te gjithe ne”, perfundoi shefi i FIFA-s.

[Damian1]

Benitez: Fansat e Liverpool meritojnë titullin këtë vit

Trajneri i Liverpoolit, spanjolli Rafael Benitez, është i vendosur t’ua sjellë trofeun e Premier League, fansave të ekipit anglez

Pas vendit të dytë sezonin e kaluar pas disa ndeshjeve që i kushtuan kryesimin, Liverpool do të tentojë titullin në Angli, sërish këtë vit, dhe trajneri Benitez është optimist:

“Mbaj mend momentet pas Ligës së Kampionëve dhe po ashtu Kupës FA. Do të ishte fantastike ta bëjmë atë sërish”, ka thënë Benitez.

Liverpooli mbeti i pamposhtur në shtëpi gjatë gjithë sezonit të fundit, ndërsa pësoi vetëm dy humbje në udhëtim, dhe përfundoi në pozitën e dytë të tabelës.

“Fansat tonë janë gjithmonë të ndryshëm, gjithmonë fantastik. Ata e dinë kur ekipi punon shumë dhe e dinë kur duhet ta përkrahin. Ata e dinë se ne jemi përmirësuar shumë këtë vit”, ka shtuar spanjolli.

[Damian1]

Cristiano Ronaldo: Do të jetë fantastike të luaj me Kakà

Anësori sulmues portugez mendon tashmë si një madrilène duke thënë se me brazilianin Kakà do dhurojnë spektakël

"Do të jetë fantastike që të luaj në një skuadër bashkë me Kakà". Cristiano Ronaldo, i intervistuar gjatë pushimeve në jug të Portugalisë, ka shprehur entuziazmin e madh me mundësinë për të luajtur në krah të brazilianit sezonin që vjen tek Real Madrid.

Në vilën e tij në Algarve, Cristiano Ronaldo ka shpjeguar se ende nuk janë finalizuar detajet e kalimit të tij në Madrid, edhe pse nga Reali thonë se prezantimi do bëhet më 6 Korrik, bashkë me Kakà.

"Kakà është një futbollist i madh, ka fituar Topin e Artë dhe ka qenë më i miri në botë. Por te Reali janë edhe yje të tjerë si Raul, Casillas apo Guti" shtoi Ronaldo që tregoi se e njeh mirë diplomacinë dhe hierarkinë e madrilenëve.

[Damian1]

Carles Puyol: Duam Kupën e Konfederatave, mundim këdo

Mbrojtësi i kombëtares spanjolle, Carles Puyol mendon se do të vazhdojnë serinë e fitoreve edhe në “Confederations”

Pas një sezoni fantastik me Barcelonën, mbrojtësi i çeliktë Carles Puyol dëshiron t’i japë fund këtij sezoni edhe me një sukses tjetër, duke triumfuar në Kupën e Konfederatave me kombëtaren e Spanjës.

Kapiteni i Barcelonës ishte një prej figurave qendrore të blaugranëve në rrugën drejt tre trofeve të fituara, por tash shpreson të arrijë sukses edhe me kombëtaren spanjolle.

“Të jem i sinqertë, ndjehem shumë mirë. Pasi fitoni te trofe, ndjeheni shkëlqyeshëm dhe gjithçka bëhet më e lehtë”, ka thënë Puyol.

“Megjithatë, të gjithë këtu kemi të njëjtën dëshirë dhe motiv për ta fituar Kupën e Konfederatave. Është një ngjarje për të cilën kemi ardhur ta fitojmë. Sigurisht Kupa e Evropës dhe ajo Botërore janë më të rëndësishme, por jemi të ngazëllyer që jemi në gjysmëfinale”, ka shtuar spanjolli.

“Jemi shumë të motivuar të arrijmë në finale, pasi për shembull, unë kurrë nuk kam luajtur kundër Brazilit. Ata janë kombëtarja më e mirë në botë dhe kanë lojtarë fantastik dhe do të ishte e shkëlqyeshme të shtyhemi me ta gjatë një ndeshje”, ka shtuar Puyol.

[Damian1]

Serie A është në ethet e merkatos, disa BIG në lëvizje

Ne “Serine A” vazhdojne negociatat, nenshkrimet dhe hamendesime te shtypit per levizjet e ardhshme te ekipeve kryesore

Para se të kalojë “treni” Pirlo, tek Chelsea po mendojnë për një surprizë si braziliani Maicon. Pas hezitimit të Realit për ta blerë, tani kanë hyrë në skenë londinezët e Abramovich. 30 milionë Euro për të sjellë brazilianin e Interit në “Stamford Bridge”.

Ekipi i Romes ne pritje te nderrimit te presidentit nuk eshte aktiv ne merkato dhe flitet shume per afrime dhe largime te lojtareve. Nder lojtaret kyc te kryeqytetasve qe mund te largohet eshte Julio Baptista. Sipas gazetes spanjolle “AS” braziliani do te kaloje tek Atletiko e Madridit per 12 milion euro edhe pse nuk eshte ne listen e lojtareve ne shitje. Te njejtin destinacion pritet te kete edhe sulmuesi juventin Davide Trezeguet.

Nderkohe qe Roma ka nenshkruar nje kontrate kater vjecare me Stefano Guberti, mesfushorin anesor te Barit flitet per nje kalim te sulmuesit austriak Marko Arnautovic nga hollandezet e Twente per te kampionet e Italise Inter ndersa Goran Pandev pasi ka lene Lacion ndodhet mes Juventusit dhe Napolit.