Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Barcelona VS Real, “luftë” psikologjike mes gjigantëve!

Katalanasit presin Espanyolin në derbi, me dhjetë pikë avantazh ndaj “merengues”, që luajnë ndaj Betis Sevilla.

Kryesuesit e Barcelonës dhe ndjekësit e Realit të Madridit e kanë kaluar këtë javë, duke bërë një luftë psikologjike. Kjo situatë ka ardhur pas ngushtimit të diferencës mes tyre në dhjetë pikë të dielën që shkoi. Barazimi i Barcelonës me rezultatin 2 2 kundër Realit të Betisit, i pari pas dhjetë fitoresh radhazi, i ka shtuar më shumë piper derbit të mes Barcelonës dhe Espanjolit.

Reali gjithashtu ka fituar tetë ndeshjet e fundit në kampionat dhe pret këtë javë Betisin në “Bernabeu”. Mediat madrilene kanë shfrytëzuar shansin të spekullojnë për shanset e ngushtimit të mëtejshëm të diferencës mes Barcelonës dhe Realit, duke e krahasuar Realin e tanishëm me atë të Fabio Kapelos, që në vitin 2007 ia mori titullin Barcelonës së Frenk Rijkardit. Portieri i Realit, Iker Kasiljas, ka pranuar se Barça po luan mirë dhe në fakt ka zgjedhur një analogji tjetër.

“Para pak kohësh, Rafael Nadal ishte pas Roxher Federerit, që konsiderohej më i miri. Tani më i miri është Nadali”, tha ai. Mbrojtësi meksikan i Barcelonës, Rafael Markez, u përgjigj: “Reali është nën presion, sepse nuk ka luksin të lërë më pikë në kampionat. Ne kemi dhjetë pikë diferencë dhe nuk po tregojmë shenja dobësie”. Rikthimi i ndeshjeve të Ligës së Kampionëve javën që vjen është një problem më shumë për kryesueset e La Liga s dhe prania e disa lojtarëve vendimtarë, si Arjen Roben për Realin dhe Karles Pyjol për Barcelonën do të jetë shumë e rëndësishme.

Ndërkohë që dy kryesuesit do të luajnë kundër skuadrave, që renditen në pjesën e poshtme të tabelës, teksa Sevilja e vendit të tretë do të luajë nesër kundër vendit të gjashtë, Atletikos së Madridit. Të dyja skuadrat nuk kanë qenë aq të qëndrueshme në ecurinë e tyre këtë sezon. Sevilja i dha fund serisë prej tre humbjesh, duke fituar kundër Espanjolit në transfertë javën që shkoi. “Edhe pse jemi aty ku kemi dashur të jemi në këtë fazë të sezonit, jemi në gjendje të vazhdueshme ankthi dhe kjo nuk i bën mirë klubit”, ka thënë drejtori sportiv i Seviljes, Ramon “Monki” Rodrigez.

Atletiko, nga ana tjetër, ka në krye një trajner të ri, Abel Resinon, që ka arritur të marrë një fitore dhe një barazim që kur ka marrë drejtimin e skuadrës pasi zëvendësoi Havier Agirren dy javë më parë. Por skuadra e Atletikos ka marrë vetëm një fitore në nëntë ndeshjet e fundit në të gjitha kompeticionet, në të cilat merr pjesë. “Resino është motivues dhe fitimtar dhe shpresoj që do t’ia transmetojë skuadrës cilësitë e tij”, ka thënë kapiteni i Argjentinës, Maksi Rodrigez. Valencia renditet e katërta, edhe pse kohët e fundit forma e saj nuk ka bindur shumë. Kësaj situate i shtohen edhe problemet financiare jashtë fushës. Valencia udhëton drejt Deportivo La Korunjës të dielën në kërkim të fitores së parë në kampionat që prej muajit nëntor. Vilareali, që është në vend të pestë me pikë të barabarta, por me diferencë golash me Valencian, pret nesër Sportingun e Gijonit.

[Damian1]

Hiddink debuton me fitore, Chelsea mund 1-0 Aston Villa

Trajneri holandez i Chelsea e ka nisur mirë aventurën e tij të shkurtër në Londër, pasi blutë fituan në transfertë ndaj Villa.

Nicolas Anelka shënoi golin e 21-të sezonal për ti dhënë skuadrës së Chelsea, një fitore të vyer 1-0 në fushën e Aston Villës, në ndeshjen e parë të londinezëve nën drejtimin e holandezit Guus Hiddink.

Goli i vetëm i ndeshjes në stadiumin e vendasve “Villa park” erdhi nga sulmuesi francez që finalizoi nëj pasim të saktë nga Frank Lampard.

Nicolas Anelka u tregua i ftohtë përballë portierit Brad Friedel duke shënuar një gol që vlen 3 pikë dhe një dozë të madhe optimizmi për Chelsea.

Ndeshja kishte shumë raste nga të dy skuadrat por John Carew në një anë dhe Didier Drogba nga ana tjetër nuk mundën të shënojnë.

[Damian1]

Reali mund 6-1 Betis, Barcelona humb derbin me Espanyol

Skuadra madrilene ka shkatërruar me një rezultat të thellë andaluzianët ndërsa në derbin katalanas Espanyoli ka befasuar Barcelonën kryesuese.

Reali dhe Barcelona kanë shfaqur fytyra të ndryshme në ndeshjet e kësaj jave pasi diferenca mes dy klubeve tani është 7 pikë në favor të katalanasve. Barcelona ka humbur 1-2 në ndeshjen derbi të qytetit kundër Espanyol duke kompromentuar kryesimin.

Avantazhi erdhi nga De la Pena në pjesën e dytë pasi më parë kishte lënë fushën KLeita me të kuqe. Sërish ishte De la pena që shënoi në portën e Barcelonës e cila u duk larg spektaklit të zakonshëm. Katalanasit e Guardiolës shënuan me Yaya Toure por kjo nuk mjaftoi për të marrë pikë.

Real Madrid mundi në çdo aspekt Betisin me shifrat 6-1. Në “Santiago Bernabeu” madrilenët nuk njohën rival pasi ishin padronë të fushës në shumicën e lojës. Gola të shpejtë dhe spektakël dhuruan që në fillim Gonzalo Higuain, dhe më pas Huntelaar dy herë.

Oliveira shënoi në portën e vendasve por më pas Raul u tregua i pamëshirshëm duke shënuar dy gola të tjerë para pjesës së dytë për shifrat 5-1. Mes autorëve të golave edhe mbrojtësi Ramos në të dytën.

[Damian1]

Balotelli dhe Julio Cesar në formë, Inter mund Bologna

Kampionët e Italisë kanë fituar në ndeshjen e parë të kësaj jave, duke pritur të qetë sfidën e Champions ndaj Manchester United.

Interi nuk e ka tradhtuar trajnerin portugez Mourinho dhe pak orë nga ndeshja e madhe për Champions League ndaj Manchester United, ka marrë një tjetër rezultat pozitiv. Zikaltërit nuk i kanë dhuruar asgjë vendasve të Bologna të cilën e kanë mundur 2-1 me golat e Cambiasso dhe të Mario Balotelli në pjesën e dytë.

Ishte argjentinasi që shënoi i pari por më pas uruguajani Britos barazoi shifrat për Bologna. Më pas Balotelli i sapofutur në lojë, ka shënuar golin që ka vlejtur 3 pikët. Për tu shënuar edhe disa pritje të bukura të portierit të Interit, brazilianit Julio Cesar.

Tashmë Inter mund të përgatitit i qetë për ndeshjen ndaj kampionëve të Anglisë, në 1/8 e finaleve si një finale të parakohshme në Champions League.

[Damian1]

Bayern Munchen dhe Hertha, humbje befasuese në shtëpi

Skuadra e Klinsmann u mund 1-2 nga Koln, kurse Hertha Berlin humbi kryesimin pas ndeshjes befasuese 2-1 me Wolfsburg.

Kampioni në fuqi i Bundesligës, Bayern Munich, ka pësuar humbje befasuese me rezultat 2-1 në fushë të vet nga Kolni, derisa me të njëjtin rezultat ka pësuar edhe lideri i tabelës, Hertha Berlin, në udhëtim tek Wolfsbourg. Koln kaloi në epërsi të dyfishtë në Allianz Arena që në pjesën e parë të ndeshjes, me golat e Patrice Ehret (22’) dhe Daniel Brosinski (34’) derisa Daniel van Buyten vetëm arriti të ngushtojë epërsinë në 2-1 për Bayernin, gjashtë minuta para fundit të ndeshjes (84’). Fitorja e Kolnit ishte e para në Bayern trajnerit Christophe Daum, që erdhi në ndeshjen e 150-të të tij.

Edhe Hertha Berlini nuk ka arritur ta ruajë epërsinë e krijuar në fillim të pjesës së dytë në udhëtim tek Wolfsburg, duke pësuar dy gola në vazhdim, për të humbur me po të njëjtin rezultat si edhe Bayerni, 2-1, dhe duke humbur edhe kreun e tabelës.

Hoffenhaim ka barazuar 3-3 në një ndeshje dramatike në fushë të Sttutgard, falë tre golave të shënuar nga Demba Ba, duke rimarrë kështu kreun e tabelës me pikë të barabarta me Herthën. Demba Ba dërgoi në epërsi mysafirët pas 24 minutash lojë, por vendasit barazuan dy minuta më vonë me anë të Cacau, ndërsa pas edhe pesë minutash Mario Gomez solli avantazhin e parë për Stuttgartin. Në fund të pjesës së parë, Ba shënoi golin e tij të dytë për të barazuar.

Gomez po ashtu shënoi një gol të tij të dytë dhe të tretin për vendasit në minutën e 63-të, por ishte sërish Ba pas katër minutash që nxorri një pikë për Hoffenheimin (67’). Vendasit patën një shans të artë për të marrë tri pikë, kur në çastet e fundit të ndeshjes, u akordua penalti për Hoffenheim, por Salihovic nuk ishte i saktë, duke çuar topin mbi portën e Jens Lehmann. Hamburgu do të ketë rastin të marrë kreun e tabelës, nëse shënon fitore në ndeshjen ndaj Bayer Leverkusen

Arminia Bielefeld 1 - 1 Bochum

Bayern Munich 1 - 2 1. FC Cologne

Energie Cottbus 2 - 1 Werder Bremen

Karlsruhe 0 - 1 Eintracht Frankfurt

Monchengladbach 3 - 2 Hannover

Stuttgart 3 - 3 Hoffenheim

Wolfsburg 2 - 1 Hertha

[Damian1]

Arshavin debuton me Arsenalin, “Gunners” ndalen në 0-0

Skuadra londineze nuk ka shkuar më shumë se një barazim dështues ndaj ekipit të Sunderland, duke kompromentuar pozitat në klasifikim. për tu shënuar debutimi i Arshavin.

Arsenali nuk ka fituar as këtë javë dhe londinezëve nuk i ka shërbyer një forcë më e re në sulm, si rusi Andrey Arshavin. Blerja më e re e “Gunners” ka debutuar me fanelën e Arsenalit por pa mundur të dhurojë as një gol që mund të vlente shumë në ndeshjen ndaj Sunderland, e cila u mbyll 0-0.

Me këtë barazim, Arsenali i Wenger është në kuotën e 45 pikëve në vendin e pestë dhe nuk ka përfituar nga humbja e Aston Villa në fushën e saj.

Në ndeshjet e tjera spitak fitorja e Bolton ndaj skuadrës së West Ham 2-1. Stoke barazoi 2-2 me Portsmouth ndërsa Middlesbrough e mbylli pa gola 0 – 0 ndeshjen ndaj Wigan Athletic.

Aston Villa 0 - 1 Chelsea

Arsenal 0 - 0 Sunderland

Bolton 2 - 1 West Ham U.

Middlesbrough 0 - 0 Wigan Athletic

Stoke C. 2 - 2 Portsmouth

[Damian1]

Manchester ende nuk thyhet, Inter dridhet para së martës

Kampionët e botës dhe Anglisë kanë fituar në ndeshjen ndaj Blackburn 2-1 duke trembur rivalët e Champions League.

Djajtë e Kuq nuk njohin humbje. Kampionët e Premier Ligës, Manchester United, kanë shënuar fitoren e radhës duke e mposhtur në Old Trafford skuadrën e Balckburn Rovers me rezultat prej 2-1.

“Devils” ishin skuadër shumë më e fuqishme sesa kundërshtari i tyre, sidomos pas kthimin e sulmuesit anglez Wayne Rooney, emri i të cilit u shënua në listën e golashënuesve.

Ishte pikërisht numri dhjetë i Manchesterit, lojtari i cili e hapi takimin pasi pranoi një pasim nga Nani (23’). Mirëpo mysafirët e Blackburn arritën që t’i barazojnë shifrat me anë të Roque Santa Cruz (32'), duke bërë që pjesa e parë e ndeshjes të përfundojë me rezultat të barabartë.

Pesëmbëdhjetë minuta brenda pjesës së dytë (60’) lojtari më i mirë në botë për vitin 2008, Cristiano Ronaldo, shënoi golin e dytë për vendasit, i cili rezultoi të jetë i fitores. Në minutat e fundit të takimit mysafirët krijuan presion para portës së Kuszczak, me shpresë për t’i barazuar sërish shifrat, mirëpo nuk arritën të bënin asgjë para mbrojtjes së fuqishme të Djajve të Kuq.

[Damian1]

Mourinho kritikon Benitez: Duhet të ndalojë së ankuari

Menaxheri i Interit, Jose Mourinho, e ka porositur menaxherin e Liverpoolit, Rafa Benitez, të ndalojë të ankohet per Manchester United.

Mourinho hedh poshtë thëniet e Benitez, se orari i ndeshjeve dhe ndikimi i arbitrave ishin arsye kyçe për dominimin e Manchester United.

“Chelsea ishte kampion pasi ishte ekipi më i mirë dhe Manchester United është kampion sepse është ekipi më i mirë. Nëse Liverpooli dëshiron të fitojë, duhet të jetë më i miri. Ekipi më i mirë gjithmonë fiton”, ka thënë Mourinho.

I pyetur se pse nuk i pushoi lojtarët kryesor në ndeshjen e djeshme ndaj Bolognas, Mourinho është përgjigjur sërish me një sulm tjetër ndaj Benitez dhe Liverpool.

“Nuk i pushuam lojtarët pasi duam ta fitojmë titullin. Klube të mëdha janë ata që luftojnë për tituj dhe Liga e Kampionëve është e njëjtë. Para se të luaja me Liverpoolin në Ligën e Kampionëve në vitin 2007, Liverpooli i pushoi 10 lojtarë kundër Fulhamt dhe humbi, dhe kjo fitore i ndihmoi Fulhamit të dalë nga zona e rrezikut”, ka komentuar Mourinho.

[Damian1]

Ranieri mbështet Zolën: Trajneri i duhur për Chelsea

Tekniku italian që ka drejtuar më parë londinezët, ka thënë se Gianfraco Zola do të ketë sukses nëse emërohet te blutë.

Ish-trajneri i Chelsea, Claudio Ranieri, mbështet idenë që lojtari i dikurshëm i Chelseat, trajneri aktual i West Hamit, Gianfranco Zola, të merr drejtimin e Bluve në fund të sezonit.

Pas shkarkimit të Luiz Felipe Scolarit, pronari i Chelseat, Roman Abramovich, e caktoi trajnerin e Rusisë, Guus Hiddink, në stolin e Bluve, mirëpo holandezi ka thënë se ai është vetëm zëvendësues i përkohshëm dhe se në fund të sezonit do ta vazhdojë punën me përfaqësuesen e Rusisë.

Ndërsa trajneri aktual i Juvntusit, i cili ka qenë për katër vite te Chelsea derisa u zëvendësua nga Jose Mourinho, thotë që Zola do të ishte zgjidhja më e mirë për stolin e Bluve.

“Gianfranco Zola po punon shumë mirë si trajner. Mendoj se ai do të ishte zgjedhje e mirë për ta udhëhequr Chelsea. Ai ka një histori shumë të mirë në këtë skuadër, dhe mendoj se tifozët do të ishin shumë të kënaqur”, ka thënë Ranieri për “The Times”.

[Damian1]

Milani me “paterica”, fitore e kontestuar me Cagliari

Kuqezinjtë fituan 1-0 por sardët pretendonin më shumë. Sukses edhe për skuadrat e Fiorentinës, Genoas dhe Torinos.

Milani ka fituar 1-0 me skuadrën e Cagliari por ende ka çaluar dhe ka vuajtur përballë shikuesve në stadiumin “San Siro”.

Pas një pjese të parë pa gola, kuqezinjtë shënuan me Clarence Seedorf në minutën e 65 por miqtë pretenduan për një faull ndërsa më parë ishin ndalur nga një shtyllë që i mohoi golin.

Fiorentina fitoi 2-1 me Chievon që kishte nga minuta e parë edhe Erion Bogdanin. Goli i parë erdhi nga miqtë me Morero ndërsa në pjesën e dytë shënuan Gilardino dhe Mutu.

Ka fituar Genoa në fushën e Napolit me një gol të Bosko Jankovic në pjesën e dytë që vklejti 3 pikët. Catania mundi Reggina në derbin jugor ndërsa Lazio fitoi 0-2 në Lecce.

Rezultatet:

Milan 1 - 0 Cagliari

Catania 2 - 0 Reggina

Fiorentina2 - 1 Chievo

Lecce 0 - 2 Lazio

Napoli 0 - 1 Genoa

Sampdoria 1 - 0 Atalanta

Torino 1 - 0 Udinese