Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Reali ka shpenzuar deri tani sa 5 ekipe BIG së bashku

Skuadra madrilene deri tani është lidere absolute e merkatos dhe ka shpenzuar sa Bayern Munchen, Genoa, Napoli, Inter dhe Manchester City

Real Madrid është lider absolut në merkaton e kësaj vere dhe po bën goditje spektakolare nën drejtimin e dytë të presidentit Florentino Perez. Skuadra galaktike ka shpenzuar 216 milionë euro të cilat janë baraz me shpenzimet e 5 ekipeve të mëdha të futbollit europian.

Kështu, Bayern Munchen, Genoa, Napoli, Inter dhe Manchester City nëse merren të gjithë bashkë në shpenzimet e merkatos atëherë mund të barazojnë shpenzimet e Realit në pak javë.

Braziliani i blerë nga Milani, Ricardo Kakà, portugezi i ardhur nag Manchester United, Cristiano Ronaldo, sulmuesi Karim Benzema, Negredo dhe Raul Albiol kanë kushtuar rreth 216 milionë Euro, po aq sa kanë harxhuar 5 skuadra të mëdha këtë verë. Për Milanin deri tani 17.5 milionë Euro.

[Damian1]

Kupa e konfederatave, vitrinë futbollistësh “low cost”

Merkato nga Kupa e Konfederetave. Fabiano, Elano, Luçio dhe Donovan, futbollistë cilësorë me kosto të ulët

BOMBER - Luis Fabiano nuk ka një fytyrë simpatike, për të qenë në kopertinë reviste, por shënon shumë. Qendërsulmuesi i “Selesaos” është shpallur golashënuesi më i mirë i Kupës së Konfederatave, me pesë gola në pesë ndeshje dhe meritonte trofeun e “lojtarit më të mirë të turneut”, ndoshta më shumë se Kakà. Një vit më parë kushtonte 12 milionë, por klubet që e kërkuan nuk ishin më lart se Sevilja dhe braziliani vendosi të qëndrojë në Andaluzi. Tani, në moshën 28-vjeçare duhen 30 milionë për të blerë kartonin e tij. Dëshira e Fabianos është të luajë me Paton dhe Ronaldinjon, nën urdhërat e Leonardos, te Milani brazilian.

PASUESI - Nuk është një tip interesant që përbën lajm, por lë gjithmonë gjurmë në fushën e lojës. Elano është “njeriu asist” (pasuesi) i Brazilit. Ai fut vazhdimisht topa në zonë, pa pushuar për asnjë moment në krahun e djathtë. Te Mançester Siti ka përfunduar në shitje, si pasojë e balotazhit në krahun e djathtë me Shon Rajt-Filipsin. Anglezët do të kënaqeshin me 10 milionë euro. Elano mund të jetë një blerje interesante, duke parë etjen e lojtarit për trofe. “Ai di të mbrojë, është i aftë teknikisht, shërben shumë topa në zonë dhe di të shënojë. Nuk ka trajner që të mos e pëlqejë” - tha ish-futbollisti Falkao.

KAPITENI - Duket si shkëmb! Më saktë është një luftëtar i gdhendur në mermer. Luçio do të largohet nga Bajerni i Mynihut, pas një bisede që ka pasur me trajnerin e ri, Luis Van Gal. Kësisoj është shndërruar në objektiv për ekipet e Primera Divizionit dhe Serisë A. Luçio është 31-vjeç, por ka ende freski fizike dhe luan me entuziazëm. Për dy apo tri vitet e ardhshme mund të jetë në nivelet më të larta dhe në gjendje të bëjë diferencën. Ndoshta mund të jetë qendërmbrojtësi ideal për të luajtur me dikë të ri në moshë përkrah vetes, për ta mësuar. Luçio kushton pak, por vlen shumë. Për më tepër di edhe të shënojë me kokë.

“GJENIU” - Erdhi në Europë kur ishte adoleshent, por në Gjermani, e refuzuan. Gjithsesi, Landon Donovan tregoi në Kupën e Konfederatave se është një talent i mirfilltë. Një fantazist që ndihmon mesfushën kur mbrohet dhe pastaj shënon gola të rëndësishëm. Ai luan për Los Anxhelos Galaksi dhe nga muaji janar deri në mars ishte nën urdhërat e Klinsmanit te Bajerni i Mynihut. Bavarezët shijuan talentin e tij sa herë që iu dha mundësia, por Donovan u kthye në SHBA për të respektuar kontratën. Nuk është tërheqës si Devid Bekham, por padyshim është futbollisti më cilësor në kampionatin amerikan të futbollit.

[Damian1]

Në pritje të golave, Cristiano Ronaldo plagos një vajzë

Në një incident në të cilin është bërë protagonist fituesi i Topit të Artë, në Lisbonë është plagosur një 17 vjeçare

Shqetësimet e Florentino Perez janë transformuar shumë shpejt në realitet pasi Cristiano Ronaldo ka nisur trazirat ende pa u prezantuar si futbollist i Realit.

Këshillave të presidenti të Realit, për tu stabilizuar në jetën familjare, asi portugez i është përgjigjur në një mënyrë të kundërt.

Cristiano Ronaldo ka sulmuar ashpër nëj fotograf që e kishte ndjekur me miqtë e tij duke i shkaktuar hematoma në trup, ndërsa nuk i ka shpëtuar inatit të fituesit të topit të artë edhe një vajzë 17 vjeçare. Kjo e fundit e plagosur ka vendosur të denoncojë mesfushorin sulmues.

Episodi ndodhi në lagjen “Parque das Nacoes” në Lisbonë dhe është pasqyruar në të gjitha mediat portugeze. Cristiano Ronaldo ishte justifikuar para policisë se ai dhe familja e tij persekutohen prej kohësh. Portugezi shtoi se paparazzi kishte tentuar ti bënte shantazh me disa foto të bëra.

[Damian1]

Real Madrid pranë firmës me David Silva të Valencias

Pas arritjes së marrëveshjes për francezin Karim Benzema, Real Madridi do të orientohet në transferimin e një mesfushori të krahut që mund të jetë lojtari i Valencias, David Silva

Reali i Madridit do të kompletojë skuadrën e re në pak javë për ta patur gati për periudhën përgatitore që do të nisë nën drejtimin e trajnerit Pellegrini. por tekniku kilian do të kënaqet me të tjera surpriza të këndshme që vijnë nga merkatoja.

Gazeta katalanase “Marca” shkruan se raportet ndërmjet “Los Blancos” dhe “Los Che” janë përmirësuar dukshëm që nga transferimi i Albiolit në Bernabeu, kështu që së shpejti pritet të fillojnë bisedimet për anësorin spanjoll.

Nëse nuk arrin ta transferojë mesfushorin francez Franck Riberyn, presidenti Florentino Perez do të kërkojë shërbimet e Silvas, për të cilin pritet të paguajë 20 deri 25 milionë Euro në arkat e Valencias.

[Damian1]

Michel Platini: Ende nuk mund t'i frenoj transferimet e mëdha

Presidenti i UEFA-s, Mishel Platini, në një bisedë për të përditshmen sportive franceze "L'Equipe" sërish ka folur për transfertat e futbollistëve me shifra marramendëse

Kreu i UEFA, Platini menjëherë pas marrjes së detyrës në krye të UEFA-s kishte paralajmëruar se do të luftojë kundër transferimeve të tilla dhe se qëllimi i tij është të baraspeshojë Evropën e futbollit.

Platini ishte kundërshtuesi më i madh i ndarjes në klube të mëdha dhe të vogla, mirëpo e tëra çfarë mundi të bëjë ishte vetëm të vëzhgojë se si presidenti i ri i Realit, Florentino Perez, solli për rreth 200 milionë euro yjet e futbollit si Kristiano Ronaldo, Kaka', Karim Benzema dhe Raul Albiola.

"Çfarë kam mundur të bëjë? Nuk mund t'i frenoj klubet e forta që të bëjnë transfere të tilla. Ende nuk mund ta bëjë një gjë të tillë, por jam i sigurt se pas dy apo tre vitesh nuk do të ketë transferime të tilla, ose jo së paku me këtë ritëm siç është tani. Për mua transferimet e tilla nuk janë në frymën e 'fair-play'-it", ka nënvizuar Platini.

[Damian1]

Të gjithë kundër Beckham, bëhet jetë e vështirë në SHBA

Rikthimi i David Beckham në qytetin e Los Angeles është shumë afër por jo të gjithë tifozët dhe futbollistët e LA Galaxy

Për David Beckham, jeta në SHBA pas rikthimit nga Europa do të jetë më e vështirë sesa pritet. Pritja prej idhulli që iu rezervua nga Los Angeles Galaxy tashmë është vetëm iluzion pasi kundër “Spice boy” kanë nisur sulmet dhe goditjet nën brez.

Pas largimit të Beckham te Milan, skuadra e Galaxy regjistroi një rënie të madhe në stadium dhe shifrat ranë në 7 mijë tifozë më pak çdo ndeshje. Ai do të kthehet në 16 Korrik për ndeshjen ndaj Red Bulls të New York pasi Major League ka nisur me kohë.

Edhe deklaratat e futbollistit amerikan Landon Donovan nuk ndihmojnë në pritjen për Beckham. Ai e ka akuzuar britanikun si mercenar dhe jo si një kapiten të vërtetë në promovimin e librit 'The Beckham Experiment' ku shkrimtari Grant Wahl çmonton Becks.

[OVES12]

Arsenali vazhdon ta kërkojë Lorik Canën

E ardhmja e kapitenit të Marseille, Lorik Cana, mbetet e papërcaktuar, ndërsa spekulimet vazhdojnë që Arsenali është i interesuar për shërbimet e mesfushorit shqiptar.
Trajneri i Topçinjve, Arsene Wenger, dëshiron të transferojë një mesfushor defanziv, ndërsa “The Daily Express” njofton se francezi e ka kthyer vëmendjen kah Lorik Cana. “Dera mbetet e hapur për largim, edhe pse kam edhe tre vite në kontratën time. Do të flas me familjen dhe përfaqësuesit e mi. Dhe gjithçka do të varet nga ajo çfarë dëshiroj të bëj”. “Nga destinacionet e mundshme, Anglia dhe Gjermani janë dy ligat që më joshin më së shumti”, është shprehur kosovari. Edhe Evertoni dhe Tottenhami janë të interesuar për shërbimet e Canës, ndërsa oferta e vetme zyrtare është bërë nga Hamburgu, që ka ofruar pesë milionë euro për shërbimet e mesfushorit të Përfaqësueses kuqezi.

[Damian1]

Alarm botëror, ka infiltrime parash kriminale në futboll

Shifrat përfliten në miliarda dollarë. Kompani bastesh të përfshira. Janë 38 milionë futbollistë të regjistruar dhe 5 milionë gjyqtarë e zyrtarë

Alarm i konsiderueshëm për infiltrimin e organizatave kriminale në botën e futbollit. Alarmi vjen nga një raport shqetësues i “Financial Action Task Force”, organizata ndërkombëtare që fokusohet në evidemin e e trajtimin e pastrimit të parave. “Po shtohen rreziqet e riciklimit të parave të pista. Vështirësitë ekonomike, mungesa e profesionalizmit të menaxhemin, shumat ‘racionale’ për financimin e maksi-blerjeve. Pa llogaritur këto statusin shoqëror që përfiton duke u vendosur në krye të një klubi. Ja gjërat e padëshiruara që po godasin sektorin e futbollit”.

TREGU SPORTIV - Kriminelët kanë treguar përshtatje në gjetjen e kanaleve të rinj të pastrimit të parave apo aktiviteteve ilegale në sport, duke e shndërruar atë në një aktivitet të pastër kriminal me rrezik të përhershëm. Me rritjen ekonomike të sportit, sidomos në dy dekadat e fundit, veçanërisht në futboll, paraja gradualisht nisi të ushtrojë influencë në botën e sportit. Ky influks i parasë pati efekte pozitive, por gjithashtu edhe konsekuenca negative.

Disa nga sportet më të mëdha me shtrirje botërore, si futboll, kriketi, basketbolli, hokeji në akull, kik-boksing apo mundja (sporte që tradicionalisht kanë pasur lidhje me krimin, për shkak të marrëdhënieve midis krimit dhe dhunës), sporte me vlerë të lartë (si ato me kuaj dhe garat me makina) janë të hapura për të pastruar paratë. Në listë janë përfshirë edhe transferimet e lojtarëve, sporte që u japin kriminelëve mundësinë të kthejnë paratë në jo-kesh asete, apo t’i konvertojnë në fatura të mëdha. Ky fakt parakupton se virtualisht çdo sport mund të jetë target i kriminelëve për shumë arsye. Është e vështirë të vlerësosh vlerën ekonomike të sportit. Duke iu referuar disa vlerësime në Europë, industria e sportit zë një vend prej 0.5 deri në 3.7 të produktit të Komunitetit Europian.

PËRSE FUTBOLLI? - "Nëse ne, - shkruhet në raport, - duam të ekzaminojmë pastrimin e parave përmes sportit, futbolli do të ishte kandidati më i pranueshëm”. Futbolli është sporti më i madh në botë. Janë 38 milionë futbollistë lojtarë të regjistruar dhe 5 milionë gjyqtarë e zyrtarë. Futbolli luhet në të gjithë botën dhe është sporti popullor në shumë vende. “The National Hockey League (NHL)” ka 30 ekipe në SHBA dhe Kanada, me të paktën 1 milionë lojtarë të regjistruar dhe një nga ligat më të mëdha sportive në bërjen e parave dhe që gjeneron miliarda dollarë të ardhura. Ky sport është gjithashtu popullor edhe Rusi, vendet skandinave dhe në Europën Qëndrore, në vende të tilla si Çekia. Mafia ruse ka shfaqur interesim të jashtëzakonshëm për hokejin, si gjatë së kaluarës sovjetike, tani, por dhe në vendet e tjera. Janë disa raste të gangsterëve rusë që përshirë në këtë lloj sporti. Bastet në internet për hokejin të lidhura me fiksimin e ndeshjeve, janë një tjetër mundësi për të pastruar miliona dollarë pa krijuar asnjë dyshim. Kampionati Botëror i vitit 2006 tërhoqi një audiencë prej më shumë se 1 miliard shikuesish ose 15 për qind të popullsisë së botës.

KOMPANITË E BASTEVE - Tregu i futbollit profesionist i është nënshtruar një rritje të madhe, falë procesit të komercializimit të tij që nga fillimi i viteve 1990. Paratë e investuara operohen kryesisht nga të ardhurat e të drejtave televizive dhe korpororatave investuese. Tregu i punës në futboll për lojtarët profesionistë, kontratat e tyre, transferimi nga një vend në tjetrin, çon edhe transferimin e parasë kesh nga një vend në tjetrin. Vënia e basteve në sport ofron një tjetër mundësi të jashtëzakonshme të “fluturimit” të parasë përtej kontrollit të trupit qeveritar. Falë strukturës së saj të veçantë ajo ofron mundësi të pafundme financiare për të rekrutuar klube, zyrtarë dhe lojtarë. Futbolli ka ndryshuar filozofinë e tij në nga një sport popullor në një industri globale, me një rritje ekonomike të jashtëzakonshme dhe funksione sociale në nivele të ulëta. Futbolli nuk shërben vetëm si burim të ardhurash për shumë njerëz, por gjithashtu edhe si një instrument për zhvillimet ekonomike sociale, edukimi. Përmes kësaj industrie janë zhvilluar shumë forma kriminale, përfshirë edhe pastrimin e parave.

[Damian1]

Benzema rrëfehet: Reali, realizim i ëndërrave të mia

Sulmuesi i Lyon, francezi Benzema ka rrëfyer se që në fillim mendonte kalimin te Real Madrid pasi është realizim i një ëndrre

Në mesin e shumë ofertave të cilat ishin para tij, sulmuesi i Lionit, Karim Benzema (21-vjeç) zgjodhi atë të Real Madridit, duke u bërë përforcimi i katërt i bujshëm i klubit madrilen, pas Kakasë, Ronaldos dhe Albiolit.

"Të luash për Realin e Madridit është realizim i të gjitha ëndrrave të fëmijërisë", ka theksuar Benzema, pas konfirmimit të transferimit në Real Madrid për 35 milionë euro. Ai luajti 37 ndeshje për Lionin në edicionin e kaluar, duke shënuar 17 gola.

[Damian1]

Michael Owen pranë Manchester United, mungon zyrtarizimi

Sulmuesi anglez është shumë pranë finalizimit të një transferte të bujshme nëse kalon me sukses vizitat mjekësore

Michael Owen është vetëm një hap larg kampionëve të Premier League, Manchester United. Sulmuesi anglez 29 vjeçar është liruar nga detyrimet kontraktore me skuadrën e Newcastle dhe shton kuotat për veten

Futbollisti që u pagëzua si “Golden Boy” është gati për të firmosur me “Red Devils” sipas BBC. Michael Owen në karrierën e tij ka vuajtur nga shumë dëmtime por edhe zgjedhjet e gabuara që ka bërë ku spikat largimi nga Liverpool.

Ai do të bëhet lojtari më i ri i Manchester United nëse do të kalojë me sukses vizitat mjekësore me klubin e “Old Trafford”. Paga e tij e majme pritet të pësojë ulje të ndjeshme tek kampionët.