Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mourinho lëshon “vrer” kundër Milan: Ndihmohet nga TV

Milani, sipas Mourinhos ka një jehohën më të madhe mediatike dhe kjo sepse Berlusconi është pronar i rrjetit “Mediaset”

Jose Mourinho nuk mungon asnjëherë në polemikat e Serie A, edhe kur kjo e fundit është pushim. Portugezi a kritikuar Interin duke thënë se ndihmohet nga TV:

“Milano ka dy skuadra por Milani është ai që fiton më shumë vëmendje mediatike dhe nuk duhet zgjuarsi për ta kuptuar. Padroni Berlusconi zotëron rrjetin më të fuqishëm në spektin sportive” tha Mourinho ndërsa foli edhe për Interin:

“Ky është ekipi të cilin e dua në aspektin human. Interi i ka njerëzit më të mirë, por nuk do të ketë ngritje nëse nuk ripërtërihet ekipi”, ka thënë Mourinho. “Ekipet e mia gjithmonë kanë qenë në fillim të ciklit. Në anën tjetër, është shumë më vështirë të drejtosh kur ekipi ka një mesatare prej 32 vitesh. Atëherë e keni arritur limit e potencialit tuaj, dhe kjo është arsyeja se pse unë dua të rinj të talentuar në ekip”, ka shtuar portugezi i Interit.

[Damian1]

Manchester-Milan, gare per Luis Fabianon

Beteje midis dy klubeve per te siguruar sherbimet e golshenuesit brazilian

Ankand midis Milanit dhe Mançester Junajtid per Luis Fabianon.
Sipas gazetes se perditshme angleze "The Daily Mirror", skuadra nenkampione e Evropes duhet te kete gati nje oferte prej 18 milione eurosh per sulmuesin brazilian te Seviljes, nderkohe qe Milani flitet se ka bere nje propozim prej rreth 15 milione eurosh.

Ferguson ka nje nevoje urgjente per te perforcuar repartin e tij sulmues, pasi ka humbur Kristiano Ronaldon dhe Tevezin, teksa nuk arriti te blinte as Benzemane.

Megjithate duket se klubi seviljan nuk kerkon ta shese brazilianin per me pak se 30 milione euro, aq sa eshte edhe klauzola e fiksuar ne kontraten e tij aktuale.

[Damian1]

Juande Ramos: Barcelona është ekip, Real Madrid ende jo

Ish-trajneri i Real Madridit, Juande Ramos, beson se pavarësisht harxhimeve të mëdha të klubit mbretëror, Barcelona vazhdon të jetë një ekip më i mirë

Klubi nga kryeqyteti spanjoll ka harxhuar po thuajse çerek miliardi euro deri tash, derisa katalanasit ende nuk kanë nënshkruar me asnjë lojtar këtë verë.

“Në nivel individual dhe duke shikuar lojtarët, Reali është më kualitativ, por Barcelona ka epërsinë e të qenit ekip, dhe Real Madridi ende nuk është. Së pari duhet të shihet se çfarë do të ndodhë. Për momentin është koha t’i vendosim në përzierës dhe të shohim nëse kokteji është i mirë”, ka thënë Ramos.

Ish-trajneri i Sevillas dhe Tottenhamit, po ashtu ka thënë se ai është i befasuar me largimin e tij të shpejtë nga Real Madridi.

[Damian1]

Marseille-Arsenal, projektohet këmbimi Lorik Cana-Gallas

Trajneri Deshamps “zbuloi” tri kushtet se si mund të largohet Loriku. Klubi pohoi së nëse Cana qëndron do të mbajë sërish shiritin e kapitenit

Lorik Cana është shndërruar në një çështje të nxehtë te Olimpiku i Marsejës. Nga njëra anë mesfushori shqiptar është në kërkim të një destinacioni të ri (Angli ose Gjermani), dhe nga ana tjetër klubi po përgatitet ta joshë me një ofertë të kënaqshme financiare për ta mbajtur atë. Trajneri i Marsejës, Didier Deshamps (DD), së fundi deklaroi se “nëse Loriku do të qëndrojë, ai do ta mbajë sërish shiritin e kapitenit”. Lajmin e dha gazeta marsejeze “La Provance’, sipas së cilës, Deshamps pohoi bindjen e tij se shiriti i kapitenit për momentin është i Lorik Canës.

Deshamps paraqiti gjithashtu edhe disa mundësi për largimin Canës: “E para, nëse Loriku gjen një klub që i përshtatet atij; e dyta, nëse ky klub i ofron një rrogë më të mirë sesa ai merr te Marseja; dhe e treta, se unë mendoj se ai nuk mund të gjejë një ambient më të mirë se këtu (tek Marseja), ndoshta më i miri”.

I super-vëzhguar nga Hamburgu në Gjermani, ndërkombëtari shqiptari mund të luajë edhe në Angli me Arsenalin, pasi trajneri i “topçinjve” londinezë, Arsen Venger, e vlerëson shumë. Ideja e re që është hedhur së fundi në treg, është një shkëmbim midis Lorik Canës dhe Uiliam Galasit, kontrata e të cilit në qershor të vitit 2010. Mesfushori 32-vjeçar, i ndjekur gjithashtu edhe nga Interi, nuk duket se mund të kthehet në Ligën e parë franceze, nëse klubi i Marsejës nuk i plotëson kushtet e tij financiare.

Për Lorik Canën të interesuar edhe kampioni i Gjermanisë, Volfsburgu, si dhe nga klubi i Premier Ligës angleze, Totenhemi.

Tri arsyet sipas “DD”-së:

1- "Nëse Loriku gjen një klub që i përshtatet atij"

2- "Nëse ky klub i ofron një rrogë më të mirë sesa ai merr te Marseja"

3- "Mendoj se ai nuk mund të gjejë një ambient më të mirë se këtu (tek Marseja), ndoshta më i miri"

[Damian1]

Ancelotti: Nuk e shesim Drogba, Inter duhet ta harrojë

Trajneri i ri i Chelsea, Carlo Anceloyti ka thënë se Hose Murinjo duhet të harrojë sa i përket përpjekjes për të transferuar te Interit, sulmuesin e Bregut të Fildishtë, Didier Drogba

Ançeloti këmbëngul se 31-vjeçari Drogba është pjesë e rëndësishme e planeve të tij, që ai synon t'i realizojë te Çelzi. Në anën tjetër, Murinjo është tejet i interesuar që në klubin zikaltër të ketë shërbimet e Drogba pasi i njeh shumë mirë cilësitë e këtij futbollisti.

Megjithatë, Ançeloti nuk i jep shpresa homologut të tij. "Tani Drogba është në skuadrën time dhe ai do të qëndrojë këtu", ka thënë Ançeloti, duke shtuar: "Nuk do t'ia shesim Murinjos, sepse Drogba është në planet e mia".

[Damian1]

Real Madrid ka tre skuadra baraz me 560 milionë Euro

Blerjet e shumta dhe asnje largim i deritanishëm bëjnë qe madrilenet të kenë nje miniere "ari" ne zoterim

Tani, "albumi i figurave" të Florentino Perezit fillon të jetë i mbushur plot. Leximi i listës aktuale në përbërje të skuadrës mund sjellë një farë frike: njëzet e nëntë lojtarë, aq sa për të formuar thuajse tre skuadra, me nje vlerë totale prej 562 milionë eurosh.

Vërtet një çmenduri. E të thuash qe klubi spanjoll nuk ka më dëshirë të ndalet: "Na duhet të shesim disa për të bërë 3-4 blerje të tjera", ka shpjeguar edhe vetë drejtori teknik Horge Valdando. Kështu, në shënjestër janë Maikon e Ksabi Alonso, përkundër rezistencës që vjen nga Interi dhe Liverpuli.

Klubi anglez kërkon plot 40 milionë për mesfushorin spanjoll, ndërkohë që për momentin Reali ofron 35 milionë. Presidenti Perez është duke menduar edhe sesi të amortizojë paksa shpenzimet e çmendura.

Nga kontratat e sponsorëve, klubi përfiton 129 milionë euro. Dhe Adidasi duhet të ketë kërkuar të dyfishojë kontributin nga 30 në 60 milionë për sezon.

[Damian1]

Milito: Me Interin mund të fitoj gjithçka, është si Barça

Sulmuesi argjentinas Diego milito në intervistën e parë si lojtar i Interit, ka krahasuar zikaltërit me Barcelonën

Blerja e këtij sezoni e Interit, argjentinasi Diego Milito, thotë se Interi është në nivelin e Barcelonës dhe shpreson që sezonin e ardhshëm t’i fitojë të gjitha trofetë me fanellën e zikaltërve.

“Kjo skuadër ka gjithçka të nevojshme për ta fituar Ligën e Kampionëve. Duhet ta ndjekim shembullin e Barcelonës dhe të fitojmë gjithçka në sezonin e ardhshëm”, ka thënë argjentinasi duke shprehur kënaqësi që do të luajë krahas Zlatan Ibrahimovicit në sulm.

“Është shumë më mirë që pikërisht tani erdha tek Interi. Ishte lëvizje shumë e mirë e Genoas që deri në fund të sezonit bazohej në shërbimet e mia. Gjatë përvojës time kam mësuar se në futboll shpërblehet puna në afat të gjatë kohor dhe unë jam i prirë që gjithmonë ta jap maksimumin”.

[Damian1]

Beckenbauer provokon Realin: Nuk ka para për të blerë Ribery

Presidenti i Bayern Munich, Franz Beckenbauer, thotë se Real Madridi nuk ka para të mjaftueshme për ta blerë Franck Ribery

Sipas drejtuesit bavarez, Florentino Perez ka shpenzuar shumë para për transferimin e Ricardo Kaka, Cristiano Ronaldo dhe Karim Benzema, rreth 216 milionë euro.

Bavarezët e kanë të vështirë ta mbajnë anësorin francez, i cili ka deklaruar publikisht se dëshiron të kalojë te Mbretërit nga Madridi. “Nuk mund të paramendoj se Real Madridi ka para për ta angazhuar Franck Riberyn pas të gjithë atyre angazhimeve nga javët e kaluara”, është cituar Beckenbauer nga “Bild”.

Sipas “Bild”, Bayerni ka marrë një ofertë prej 25 milionë eurosh, plus Wesley Sneijderin, Rafael van der Vaartin dhe një lojtar tjetër, për të hequr dorë nga Ribery, mirëpo thuhet se bavarezët nuk kanë pranuar ende.

[Damian1]

Milani po nis të ndjejë efektin “Post Kakà”, largohen tifozët

Shitja e Ricardo Kakà te Reali i Madridit duket se do t’i kushtoje shtrenjte klubit te Milanit pasi abonimet kanë rënë ndjeshëm

Tifozet kuqezi kane vendosur te protestojne kunder largimit te idhullit te tyre, duke braktisur shkallet e stadiumit. Sipas te dhenave zyrtare te klubit numri i te abonuarve ne stadiumin “San Siro” per ndeshjet e Milanit ende nuk ka shkuar ne 1 mije tifoze, shifra me e ulet kjo e viteve te fundit.

Po sipas klubit kuqezi, fushata e abonimeve te tifozëve milaniste eshte shume larg pritshmerise se drejtueseve, qe ne dhjete vitet e fundit kane dhene mesatarisht 1 milione tesera abonimi. Po ashtu, meria e tifozëve milaniste eshte reflektuar edhe ne marketingun e klubit. Nese pas prezantimit te Reali i Madridit u shiten me qindra mijera fanella te Kaka ne pak ore, shitja e fanellave kuqezi ka rene ndjeshem.

Burime prane klubit te Milanit jane shprehur te shqetësuar se kjo do te ndikoje ne te ardhurat. Po ashtu, ata shprehen se do te jete e veshtire qe me merkaton e Milanit, ku pritet te vije sulmuesi brazilian Luis Fabiano, do te jete shume e veshtire qe tifozet kuqezi te ndryshojne mendje.

[supervisor91]

Ecclestone shokon Formula 1: Hitleri? Sikur të ishte gjallë..

Kreu i Formula 1 thur elozhe për diktatorin gjerman në një intervistë për "Times"
Faktikisht, ai që mund të dyshohej se kishte simpati naziste ishte Maks Mozli, i biri i Osvaldit, themelues i Partisë fashiste angleze, teksa pak kohë më parë edhe ishte fotografuar me ato zonjushatr e famshme të veshura si diktatore. Por papritmas, ai që shpreh një farë admirimi për Adolf Hitlerin dhe "mënyrën sesi bënte të funksionin gjërat" është lideri tjetër i Formula 1, Berni Ekleston. Për gazetën britanike "The Times", njeriu që ka transformuar garat e makinave në biznesin më të madh të botës së sportit, ka dhënë interpretimin e tij personal për nazizmin: "Përtej faktit që Hitleri më pas u përndjek dhe bëri gjëra që nuk e di nëse donte t'i bënte, ishte në gjendje të komandonte shumë njerëz dhe të bënte që gjërat të funksiononin si duhet. Si përfundim humbi dhe nuk ishte një diktator i mirë sepse, ose e dinë që gjërat shkonin në një farë drejtimi dhe insistoi, ose e la vetë që të shkonin kështu. Prandaj mendoj se nuk ka qenë një diktator i vërtetë". Ekleston ka zbuluiar gjithashtu se preferon diktaturat përpara demokracive, "tepër të dobëta, aq sa nuk kanë shërbyer për mirë në shumë vende, përfshi edhe Anglinë". E në këtë bazë kritikon idenë për të eksportuar demokraci tek ata që nuk e kanë: "Një gjë e tmerrshme të mbështetet ideja për të dëbuar Sadamin. Ishte i vetmi që mund të kontrollonte Irakun. E njëjta gjë vlen edhe për talebanët. Ndoshta, amerikanët mendonin se Bosnia ishte një qytet si Majemi...'. Mes njerëzve politikanë angleze shpëton vetëm mikun e tij, Mozli, jo me kot i cilësuar si një "diktator' nga skuderitë e Formula 1: "Për mua do të ishte një kryeministër i shkëlqyer, një lider i vërtetë". Edhe kjo do të mungonte, pasi Mozli është sërish në mes të një "rrëmuje" në Formula 1. Krahu i tij i djathtë, Alan Doneli, kreu i komisarëve të garës, është marrë me gjetjen e sponsorëve për Manor, e administruar nga një mik i Mozlit: e gjithë kjo, në kohën kur skuadra ishte duke marë pjesë ende në garën për t'u pranuar në kampionatin 2010.