Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Owen premton rilindjen te Manchester, sir Alex e beson

Manchester United ka zyrtarizuar transferimin e Michael Owen, i cili do te jete ne urdhrat e trajnerit Aleks Ferguson duke filluar nga sezoni i ardhshem

Sulmuesi, i cili mbylli kontraten me Njukasell pranoi te transferohej ne “Old Traford” pa asnjë cmim per kartonin e tij dhe do te nenshkruaje nje kontrate 2-vjecare me Djajte e Kuq. “Majkell eshte nje sulmues i klasit boteror dhe i afte per te shenuar shume gola. Kjo nuk mund te diskutohet. Jam i bindur qe do ta ndihmoje shume Manchester United”, ka thene Ferguson ne adresen zyrtare te klubit ne internet.

Ish-sulmuesi i Liverpulit dhe Realit te Madridit eshte 29 vjec dhe transferohet te Manchester United pas kater sezonesh thuajse te deshtuar te Njukasell, ku ka arritur te shenoje vetem 30 gola. Megjithate, keto shifra nuk e shqetesoje Ferguson, i cili shpreson qe Owen do te kthehet ai i viteve me te mira, kur ne 2001 u shpall Lojtari i Vitit.

Po ashtu sulmuesi ka shenuar 40 gola ne 89 ndeshje te luajtura me kombëtaren e Anglise, nderkohe qe eshte i shtati ne listen e golashenueseve me te mire te te gjitha kohërave ne kampionatin anglez me 144 gola. Majkell Owen eshte bere transferimi i dyte i kësaj Merkatoje per Manchester United, qe me pare ka blere nga Wigan, mesfushorin nga Ekuadori Antonio Valencia.

[Damian1]

Perez "kompleton" Realin: Jemi OK, edhe me dy blerje

Presidenti i klubit madrilen s'ka ndërmend të ndalet: Kampionët kanë shpenzime, por sjellin edhe të ardhura të mëdha

Pas Kakas, Kristiano Ronaldos, Albiolit e Benzemas, Florentino perez duket ende i gatshëm për të mrekulluar tifozët madrilenë. I intervistuar nga emisioni televiziv "Quatro", numri 1 i Realit shpjegon idetë e tij:

"Ka kuptim të paguhen kampionët në të atilla shifra, prandaj nuk jam i shqetësuar. Sipas meje sjellin të ardhura, shifrat e shpenzuara për ata janë të drejta, ashtu siç ka ndodhur më parë për Figon, Bekam e Zidan... Besoj se do të duhen edhe dy blerje të tjera, për të qenë OK. Problemi është të bindim shumë të tjerë për t'u larguar". Në lidhje me identitetin e dy ardhjeve të mundshme, ndër emrat që qarkullojnë janë Ksabi Alonso e Frenk Riberi, ndonëse Perez frenon:

"Klubet e tyre nuk duan t'i shesin. Gjithsesi, në botën e futbollit, situatat mund të ndrushojnë nga momenti në moment". Modeli i futbollit të propozuar nga Florentino Perez është i orientuar vetëm drejt gëzimit të tifozëve: "Unë jam këtu për të rikthyer shpresën dhe ëndrrat e tifozëve të Realit. Këtë do ta shohin që të hënën. Prezantimi i Kristiano Ronaldo do të jetë spektakolar".

[Damian1]

Manchester City, 300 mijë Paund në javë për John Terry

Për herën e dytë brenda pak ditësh, sheikët arabë të Manchester City kanë kërkuar kapitenin e “Bluve” por sërish dështojnë

Skuadra në pronësi të sheikut arab Mansour kërkon të rivalizojë Real Madridin dhe këtë e bën me një ofertë të padëgjuar dhe të çmendur në merkato.

Mbi 300 mijë Paund në javë janë ofruar nga drejtuesit e “Citizens” për të joshur kapitenin e Chelsea, John Terry në përpjekje të dëshpëruara për të sjellë yje në skuadër. E përkthyer ndryshe, kapiteni i skuadrës londineze do të përfitonte 15.6 milionë Paund nëse do të pranonte këtë.

Nëse kontrata dhe marrëveshja me Terry do të zyrtarizohet, atëherë kjo do të bënte të varfër edhe kontratën e Cristiano Ronaldos me Realin e Madridit që vlen 255 mijë Paund në javë. Por Chelsea ka reaguar menjëherë:

“Mund të konfiromojmë se kemi refuzuar ofertën e Manchester City për John Terry”, thuhej në deklaratën e publikuar në faqen zyrtare të Çelsit. “Ia kemi bërë të qartë Sitit, për të dytën herë pas ofertës së bërë edhe vjet, se nuk duam të bëjmë negociata për këtë çështje. Terri ka konfirmuar përkushtimin e tij të plotë ndaj Çelsit”.

[Damian1]

Cristiano Ronaldo do të mbajë numrin 9 me Real Madrid

Gazeta spanjolle pranë madrilenëve, "AS" njofton se fanella e re e Cristiano Ronaldos do ta ketë numrin 9

Ka pasur shumë spekulime me numrin që do të bartë superylli portugez, pasi që numrat e tij të mëparshëm janë të zënë. Numrin 7 (Manchester United) e bart kapiteni Raul, ndërsa numrin 17 (Sporting Lisbon) e bart Ruud van Nistelrooy.

Numri 9 është i lirë pas largimit të Javier Saviolas, dhe besohet se do të jetë pikërisht ky numër që do t’i jepet lojtarit më të mirë në botë për vitin 2008.

Fanellën e Real Madridit me numrin 9 e ka bartur legjenda Alfredo Di Stefano, ndërsa gjatë tre sezoneve të tij në Bernabeu e ka bartur edhe superylli brazilian Ronaldo.

[Damian1]

Bayern, trajneri Van Gaal i hapur për largimin e Ribery

Franck Ribery ka thënë publikisht se dëshiron të transferohet te Real Madridi, ndërsa trajneri i Bayern Munichut, Louis van Gaal, nuk e mohon këtë

Tekniku holandez që u emërua këtë verë te bavarezët, duke lënë AZ Alkmaar, ka pranuar mundësinë që francezi të largohet nga Allianz Arena.

I pyetur për mundësinë e kalimit të anësorit francez në Stantiago Bernabeu, trajneri holandez ka shpjeguar se për marrjen e një vendimi të tillë ndikojnë shumë faktorë.

“Ka shumë faktorë që luajnë rol, duke filluar nga paratë. Ai nuk është i rehatshëm sepse spekulimet ndikojnë tek ai. Kemi folur për këtë gjë”.

“Thashethemet nuk i bëjnë mirë Franck Ribery, nuk i bëjnë mirë Bayernit dhe nuk më bëjnë mirë mua”, është shprehur Van Gaal për “Bild Am Sonntag”.

[Damian1]

Pirlo preferon Atletico Madrid para ofertës së Chelsea

Pas kërkesës së klubit kryeqytetas spanjoll për Pirlon,. mesfushori italian ka dhënë dritën jeshile për kalimin në La Liga

Atletico Madrid thërret dhe Pirlo përgjigjet. Mesfushori italian i Milanit duket se preferon më mirë Spanjën sesa kalimin në Londër me Chelsea. Këtë gjë Pirlo ua ka bërë të ditur drejtuesve kuqezinj të cilët po mendojnë mbi transfertën.

Milani kërkon rreth 25 milionë euro për Pirlon 30-vjeçar, por për Atletikon paràtë nuk do të jenë një problem në momentin që do të pranojë 46 milionë eurot, që Mançesteri ka ofruar për Serxhio Agueron. Aleks Ferguson është i vendosur të marrë “El Kun” në “Old Traford”, duke parë dështimet në blerjet e Benzemasë, Vilës dhe Riberisë.

Për këtë arsye ai është gati të shpenzojë 46 milionë euro, gjysmën e atyre që përfitoi nga shitja e Kristiano Ronaldos te Reali. Në tavolinën e presidentit të Atletikos ka ardhur faksi i ofertës dhe drejtuesit e klubit spanjoll kanë filluar të mendohen.

Nëse pranojnë, ata do të kenë mundësinë të kurorëzojnë një objektiv që kanë prej kohësh: Andrea Pirlon e Milanit. Milani kërkon të paktën 20 milionë, por duke parë moshën e futbollistit dhe marrëdhëniet e mira mes dy klubeve, Atletiko mund ta marrë italianin 30-vjeçar për rreth 18 milionë euro.

[Damian1]

Liverpool prish planet e Wolfsburg, kontakte me Canën

Skuadra angleze e Liverpool kërkon të prishë në orët e fundit një akord mes shqiptarit dhe kampionëve të Bundesligës

Menaxheri i Liverpool, Rafa Benitez, është rikthyer në garë për të marrë shërbimet e mesfushorit të kombëtares shqiptare Lorik Cana duke parë dhe interesimin në rritje të rivalëve për shqiptarin, gjermanët e Wolfsburg.

Siç shkruan The Mirror, burime nga Franca kanë zbuluar se spanjolli vazhdon të kërkojë kapitenin e Olimpique Marseille, derisa përgatitet të humbasë mesfushorin Xabi Alonso, që mund të transferohet në Real Madrid.

Klubi francez tashmë ka nënshkruar me dy mesfushorë të rinj, Lucho Gonzalez dhe Stephane M’Bia, dhe qëndrimi i Canës është vënë në dyshim. Ndërkohë klubi i fundit që ka shprehur interesim për Canën është kampioni i Bundesligës, Wolfsburg, që ka ofruar 7 milionë euro.

[Damian1]

Manchester City, në shënjestër edhe kapiteni i Barcelonës

Skuadra angleze e Manchester City do të përdorë forcën e milionave për të bindur mbrojtësin spanjoll, Carles Puyol

Klubi i Premier Leage, Manchester City, duket se ka vendosur të provojë të mbledhë të gjithë yjet në ekip, pasi raportohet se tash kërkon kapitenin e Barcelonës, Carlos Puyol.

The Sun shkruan se City do të dërgojë ofertë për spanjollin nëse Chelsea do të vazhdojë të rezistojë në përpjekjet e këtij klubi për të marrë shërbimet e John Terry.

City dëshiron të marrë Terryn, por mbrojtësi i Barcelonës dhe kombëtares spanjolle Puyol, 31-vjeçar, shihet si një alternativë nëse ata dështojnë të transferojnë objektivin e parë. Barcelona është duke bërë edhe një ‘betejë’ tjetër me Cityn, për të mbajtur ose shitur sulmuesin Samuel Eto'o, por në rastin e Puyol, largimi i tij kurrë nuk ka qenë opsion për klubin spanjoll.

[Damian1]

Berlusconi qetëson tifozët: Milani është më i fortë se Inter

Presidenti i Milanit, Silvio Berlusconi ka thumbuar rivalët e qytetit duke thënë se skuadra e tij është më lart teknikisht

Berlusconi mban lart moralin e Milanit me nje deklaratë kundër Interit, e denjë për nje derbi të Madonnina.Silvio që endet mes skandaleve seksuale ka thënë se Milan qëndron aktualisht më lart se Interi.

“Ne kemi zgjedhur të shohim përpara, duke synuar rinovimin. Megjithatë, ekipi ynë mbetet i frikshëm dhe nga ky aspekt unë parashoh një sezon të mirë. Fansat duhet të mbeten të qetë: nuk do të ketë mentalitet humbës në Milan”, ka thënë Berlusconi për Gazzetta dello Sport.

“Ne kemi kampionë të mëdhenj si Pato, Ronaldinho dhe Pirlo, dhe shumë lojtarë të rinj premtues. Asnjë ekip në Itali, në aspektin teknik, nuk ka ekip të fuqishëm si i yni, as edhe Interi”.

“Objektivat? Milani, si gjithmonë, fillon sezonin të fitojë gjithçka, edhe pse ka vite kur është më shumë me fat ose më pak. Përforcimet? Problem nuk janë emrat. Nëse disa dyer në treg do të hapen, dikush do të arrijë, përndryshe jemi mirë edhe kështu. Nuk duhet të blejmë me çdo çmim”, ka thënë Berlusconi.

[Damian1]

Cristiano Ronaldo, sot ceremonia e prezantimit

Sonte do të bëhet ceremonia e nënshkrimit të kontratës të Ronaldos. Pritet që në këtë ceremoni të marrin pjesë 75.000 tifozë të Real Madridit.

Cristiano Ronaldo mund të pushtojë të gjitha televizionet e botës mbrëmjen e sotme, me prezantimin e tij hyjnor te galaktikët. Kjo do të jetë një prej ceremonive më madhështore në historinë e La Ligës spanjolle për blerjen e një ylli sporti.

Një lajm i tillë bëhet i ditur nga drejtues të këtij klubi, të cilët janë duke përgatitur ceremoninë e madhe festive, e cila do të zhvillohet sot në stadiumin e "Los Blancos", Santiago Bernabeu.

Rekordin aktual të Realit për numrin e tifozëve të pranishëm në prezantimin e ndonjë lojtari e mban Robinho, kur për të ishin grumbulluar 11.000 tifozë, ndërkohë rekordin për numrin e gazetarëve të pranishëm e mban Zinedine Zidane, pasi që gjatë prezantimit të tij ishin të akredituar 400 gazetarë.