Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Carlo Ancelotti prezantohet te Chelsea, zyrtarizohet Zhirkov

Trajneri i ri i “blues” ka thënë se zgjedhja e “Stamford Bridge” pas Milanit është bërë për të arritur më shumë suksese ndërsa është blerë dhe Zhirkov

Me konferencën për grumbullimin e skuadrës për sezonin e ri, trajneri Carlo Ancelotti është prezantuar para mediave si tekniku i Chelsea. Tekniku emilian nis zyrtariosht aventurën në Stamford Bridge duke bërë foto me nëj bluzë të londinezëve me emrin e tij.

"Ju falenderoj të gjithëve. Jam gati të nis një aventurë këtu që për mua është shumë e rëndësishme dhe besoj se do të arrij suksese” tha Carlo Ancelotti. dua të keni respekt për punën që do bëjmë për të mirën e ekipit” shtoi trajneri italian.

Blerja e rusit Yuri Zhirkov për 18 milionë Paund nga CSKA e Moskës është një përforcim që i duhet Ancelottit. Ndërkohë e ardhmja e mbrojtësit John Terry ende nuk dihet zyrtarisht.

[Damian1]

Pirlo u mbyll derën të gjithëve: Do të qëndroj te Milani

Futbollisti i kombëtares italiane dhe Milanit, ka thënë se përfundimsiht këtë vit do qëndrojë te Milani duke refuzuar Chelsea dhe Atletico Madrid

Mesfushori i Milanit, Andrea Pirlo, ka hequr dorë nga oferta e Çelsit, duke thënë se dëshiron të qëndrojë te Milani. "Do të qëndroj te Milani. Që prej kur kam ardhur në këtë klub flitet për largimin tim, por kurrë nuk ka ndodhur asgjë”.

“Nuk ndjehem i befasuar kur emrin tim e lexoj në gazeta në kontekst të kalimit në ndonjë klub tjetër. Këtu ndihem i lumtur. Kam kontrat me Milanin dhe këtu e shoh vetën edhe në edicionin e ardhshëm. Pra, ju premtoj se lëvizja ime drejt Londrës nuk do të ndodhë", ka thënë Pirlo.

Skuadra spanjolle Atletico Madrid ishte ajo e fundit që hyri në garë për mesfushorin italian ndërsa Chelsea kërkoi të shrfytëzonte miqësinë me londinezët. Por asgjë nuk ka ndodhur deri në mesin e merkatos verore.

[supervisor91]

Sprapset Ecclestone: Më keqkuptuan për Hitlerin

Bosi i Formula 1 ka provuar të korrigjojë deklaratat: "Thashë vetëm se përpara krimeve të tij të tmerrshme, veproi me sukses kundër papunësisë dhe krizës ekonomike"
Bernie Ecclestone ka dashur të zbusë zhurmën e madhe që sollën fjalët e tij mbi Adolf Hitlerin dhe regjimin totalitar: "Ishte një keqkuptim i madh". Bosi i Formula 1 kishte thurur elozhe për veprimet e ish-diktatorit gjerman në një intervistë për "Times". Ndërsa tani provon të korrigjohet: "Në atë intervistë fola për struktura dhe sesi ndonjëherë mund të jetë pozitive marrja e vendimeve pa kufizime", ka deklaruar Ecclestone për gazetën gjermane "Bild".
Ndërkaq, kundër tij është hedhur edhe Kongresi Ebraik Botëror, që ka kërkuar dorëheqjen duke ftuar skuderitë, pilotët dhe vendet ku zhvillohen garat për të pezulluar çdo bashkëpunim me Ecclestone. Vetë Bernie ka dashur të saktësojë se ai nuk e ka marrë kurrë Hitlerin si shembull: "U pyeta nëse njihja një diktator. Dhe unë u mjaftova të thosha që përpara krimeve të tij të tmerrshme, veproi me sukses kundër papunësisë dhe krizës ekonomike". Bosi i F1 ka siguruar se nuk kishte ndërmend "të plagoste me fjalë ndjenjat e një komuniteti. Pastaj shumë nga miqtë e mi janë me origjinë hebraike. Kush më njeh e di se s'do t'i sulmoja kurrë minoritetet".

[Damian1]

Zbulimi i Ibrahimoviç: S'e lashë Juven për "Calciopolin"

Suedezi i Interit tregon arsyen që e shtynë të linte skuadrën bardhezi në vitin 2006, për të kaluar te zikaltërit

"Nuk u largova nga Juventusi për faj të skandalit të 'Calciopoli'-t". Kështu e ka nisur rrëfimin e tij, Zlatan Ibrahimoviç, në një intervistë të lëshuar për gazetën "La Stampa", ku ka ripërshkruar karrierën e tij deri në këtë moment.

"Ikja nga Juve? Operacioni ishte i shpejtë, aq sa firmosa vetëm në ditën e fundit të merkatos. Ishte momenti i duhur për t'u larguar. Nëse qëndron tek Ajaksi më shumë se tre vjet bëhet e vështirë të dilet nga mentaliteti i tyre. Të trajtojnë gjithmonë si një djalë shkolle.

Ndërsa te Juve më kanë bërë të ndihem një superyll, më i lirë për të qenë vetvetja. Më erdhi keq për atë që ndodhi, sepse në Torino ndihesha mirë dhe luaja në një skuadër asësh. Në formacion kishte vetëm emra që kanë bërë histori. Por kisha vendosur të largohesha që përpara skandalit".

Kështu, në verën e vitit 2006, për 25 milionë, Ibra u vesh zikaltër: "Më donte edhe Milani, por zgjodha menjëherë Interin pa probleme. Nuk më ka interesuar kurrë rivaliteti që kishte me Juven.

Bëja tifozllëk për zikaltërit që i vogël. Pse? Një ditë po shikoja kampionatin italian në televizion me dy miq. Vendosëm të vinim bast duke zgjedhur secili nga një skuadër: unë Interin, të tjerët Juven e Milanin...".

[Damian1]

Bayern Munchen, Franck Ribery mohon deklaratat pro Realit

Francezi sqaron se nga goja e tij nuk kanë dalë fjalë se dëshiron të largohet drejt Madridit

Frenk Riberi, mesfushori i djathtë i Bajernit, mohon të ketë deklaruar se dëshiron të largohet nga klubi bavarez për të shkuar te Reali i Madridit, siç kishte publikuar gjatë ditëve të kluara nga e përditshmja franceze "L'Equipe".

"S'jam shprehur kurrë se dëshiroj të largohem nga Bajerni, as që kam pasur diskutime me klubin. Fjalët e mia janë keqinterpretuar". Riberi është i lidhur me bavarezët nga një kontratë që do të skadojë në vitin 2011 dhe deklaratat e tij kishin krijuar shqetësim dhe pak nervozizëm në nivelet drejtuese të klubit gjerman.

Francezi thekson me forcë edhe rëndësinë e vërtetë të dëmtimit të tij, që sipas disave është thjesht një justifikim për të munguar nëpër stërvitje: "Janë budallallëqe. Kam vërtet një problem në thembër".

[Damian1]

Arsenal: Fabregas? Ia shesim kush na jep 40 milionë

"Topçinjtë" janë të gatshëm të shesin futbollistin spanjoll, nëse u vjen një superofertë. Ne gare eshte Barcelona

"Topçinjtë" nuk do të donin kurrë të privoheshin nga një prej lojtarëve më të rëndësishëm, por përballë një çeku me shumë zero mund të dorëzoheshin.

Arsenali ka pranuar që nëse do të vinte një ofertë, si ajo e përfolur nga Barcelona prej 40 milionë eurosh, mund edhe të pranojë shitjen e mesfushorit spanjoll.

Një burim shumë i afërt me klubin londinez ka zbuluar për "The Sun": "Asnjë tek Arsenali nuk do të donte që Fabregas të largohet. Por vjen një pikë, ku paratë bëhen një arsye e mirë për t'i lënë rrugë të lirë një shitjeje të mundshme.Nëse Arsenal merr një ofertë prej 40 milionësh do të kishte një presion të madh për ta shitur".

Nuk mbetet veçse te shihet nese Barcelona do te jete e gatshme per te bere marrezi, vetem e vetem per te rikthyer ne origjine mesfushorin. Fabregas, fillimet e karrieres se tij futbollistike, i ka pikerisht te te rinjte e katalanasve.

[uȠiӃ ζ]

lamtumire firenze:FILIPE MELO kalon tek juventus
tani nuk ka me asnje dyshim MELO eshte nje lojtar i JUVENTUS
tratativa u arrit rreth 20milon euro plus Marco Marchionni(qe kushtonte 5milion euro)pra thyet klauzola e 25 milion euro qe kishte fiorentina

[Damian1]

Portieri Cech: Ancelotti, njeriu i duhur për Chelsea

Portieri i Chelsea, Petr Cech ka thurur elozhe për trajnerin e ri të skuadrës, Carlo Ancelotti duke thënë se është ideali

“Nese shikon CV-ne, nuk mund vecse te mendosh se kjo eshte nje zgjedhje e mire. Ai ka fituar Champions dhe kampionatin si trajner por keto kompeticione i ka fituar edhe si lojtar, prandaj mund te them se ka eksperience te madhe”, shprehet gardiani cek i portes se bluve.

Ne vijim, ai ka theksuar se Ancelotti eshte njeriu qe i duhej skuadres se Chelsea. “Shpresoj te qendroje edhe 7 vjet me ne ashtu si ka bere me Milanin”, shton Cech. Ne fund te intervistes, ai u shpreh i zhgenjyer nga deklarata e trajnerit Scolari, sipas te cilit, ne dhomat e zhveshjes komandojne Drogba, Ballack dhe ai.

[Damian1]

Van Bommel: Ribery është kthyer në problem për të gjithë

Mark Van Bommel mendon se telenovela për kalimin e Frank Riberisë në Real Madrid paraqet problem për të gjithë në skuadrën e Bajernit

Mirëpo klubi bavarez nuk do ta lë të lirë të largohet francezin për më pak se 80 milionë euro, kurse afati i fundit i paraqitjes së ofertës do të jetë 16 korriku.

Mesfushori holandez, Van Bomel e ka përshkruar atmosferën në kampin e Bajernit në këtë mënyrë. "Riberi paraqet problem për trajnerin, për klubin dhe për të gjithë ne. Gjëja më e mirë do të ishte sikur kjo situatë të zgjidhet shpejtë", ka theksuar Van Bomel.

Ndërkohë, Riberi ka mohuar pohimet e mediave se ai dëshiron të largohet nga Bajerni dhe të luajë te Reali. "Ato nuk ishin fjalë të mia. Nuk kam thënë kurrë se dua të largohem nga këtu dhe të luaj për Realin. Duhet të presim dhe të shikojmë nëse do të ketë ofertë konkrete. Atëherë do të ulemi dhe do të bisedojmë", ka theksuar Riberi.

[Damian1]

Inter firmos me brazilianin Foquinha, kontratë 3 vjeçare

21 vjeçari brazilian me emrin e vërtetë Kerlon Moura Souza, është blerja e radhës për kampionët e Italisë

Skuadra e Interit ka bërë goditjen e radhës në merkato. Ai quhet Kerlon Moura Souza, sulmues dhe mesfushor ofensiv 21 vjeç që me teknikën e tij ka shkaktuar shumë polemika në Brazil.

I rritur tek Kruzeiro dhe i pagëzuar me emrin “Foquinha”, talentin latin ka patur kulmin në botërorin e Venezuelës para pak vjetësh kur shënoi 8 gola në 7 ndeshje, duke marrë edhe kurorën e golashënuesit më të mirë të turneut.

Pas një dëmtimi, Kerlon u ndoq gjatë rikuperimit nga stafi i Interit, ai më pas firmosi dy vjet me skuadrën e Kievos por pa luajtur asnjë ndeshje titullar ndërsa tek Inter firmos një kontratë 3 vjeçare.

Në Brazil ai mori emrin “Foquinha” pasi mbante topin me kokë në të njëjtën mënyrë si kafsha akrobatike ndërsa ra shpesh viktimë e ndërhyrjeve të ashpra të mbrojtësve.