Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Victor Valdes zgjati kontratën deri në 2014 me Barcelonën

Portieri spanjoll, Viktor Valdes ka nënshkruar kontratë të re katërvjeçare me Barcelonën, e cila do ta mbajë atë në "Nou Camp" deri në vitin 2014

Portieri 27-vjeçar sipas kontratës së re do të fitojë 7 milionë euro në vit. Po ashtu me kontratën e re është ndryshuar edhe vlera e dëmshpërblimit për klubet që janë të interesuara për të marrë shërbimet e këtij portieri, e cila nga 100 është rritur në 150 milionë euro.

Portieri Victor Valdes në edicionin e kaluar u shpall portieri më i mirë në Ligën spanjolle, kurse me Barcelonën fitoi Ligën e Kampionëve, titullin e kampionit në Spanjë dhe Kupën e Mbretit.

[Damian1]

Real shton listën e galaktikëve, ofron 30 milionë për De Rossi

Reali i Madridit është i bindur për të shtuar blerjet e reja dhe për këtë ka ofruar 30 milionë euro për Daniele De Rossin

Real Madridi nuk planifikon të ndalet gjatë këtij afati kalimtar. Informatat e fundit janë se Mbretërit kanë ofruar 30 milionë euro për të siguruar shërbimet e mesfushorit të Romës, Daniele De Rossi.

“Marca” shkruan se Los Blancos kanë kontaktuar me verdhekuqtë e Romës për të realizuar planin rezervë të presidentit Florentino Perez, nëse dështon transferimi i Xabi Alonsos nga Liverpooli.

Redsat kërkojnë 47 milionë euro për mesfushorin spanjoll, ndërsa nëse kjo shifër nuk zvogëlohet, atëherë Merengues mendojnë se De Rossi është lojtari që mund të përshtatet me superyjet e sapo transferuar: Kaka, Ronaldo dhe Benzema.

[Damian1]

Galliani: Milani, i plotë me brazilianin Luis Fabiano

Administratori i deleguar i klubit kuqezi qartëson lëvizjen e vetme t’u kryer gjatë kësaj merkatoje verore

Megjithëse deri tani kanë ardhur vetëm dy mbrojtës si Tiago Silva dhe Onjevu, merkato e Milanit është “thuajse e mbyllyr”. Sipas administratorit Adriano Galliani: “E hapur mbetet vetëm tratativa për Luis Fabianon, sulmuesin e Seviljes”.

Duket se në këtë drejtim, pengesa për t’u kapërcyer është thjesht e karakterit ekonomik: “Na ndajnë disa miliona euro. Diferenca mbetet e konsiderueshme. Na duhet ende të bisedojmë me klubin e Seviljes për të gjetur një marrëveshje mbi shifrat”.

Galliani ka mohuar gjithashtu ekzistencën e një tratative me Chelsea për të dërguar Pirlon në Londër: “Andrea dëshiron të qëndrojë te Milani dhe klubi s’ka menduar kurrë ta shesë. Një ide e tillë qarkullon vetëm nëpër gazeta”.

Përsa i takon hapësirës që ka mbetur për blerjen e një lojtari jokomunitar shpjegon: “Do ta mbajmë të lirë. Nuk është e thënë që duhet të vijë patjetër në verë, sepse është edhe merkato e janarit. Onjevu? Kompleton mbrojtjen tonë, duke zëvendësuar Senderosin. Bëhet fjalë për një mbrojtës që e ndiqnin prej kohësh dhe për të cilin na kanë thënë vetëm fjalë të mira”.

[Damian1]

Cristiano Ronaldo mund Kakà, shet më shumë bluza te Real

Duket se dueli në distancë Brenda ekipit “merengues” ka nisur që në financat e klubit pasi Cristiano Ronaldo kalon brazilianin

Cristiano Ronaldo kundër Kakà, një sfidë që zhvendoset tek bluzat. Dhe për tani del fitues mesfushori portugez kundër brazilianit të ardhur nga Milani.

Fanela me numrin 9 që do të mbajë këtë sezon portugezi po bën bujë në dyqanet anembanë Spanjës. Janë shitur Brenda dy ditësh 3 mijë fanela vetëm në dyqanin zyrtar të Realit në kryeqytet ndërsa 300 të tjera janë vjedhur.

Ky është një poshtërim për Kakà që ka shitur në po kaq kohë vetëm 600, pas boom të fillimit kur u prezantua. Në Madrid ka plashur Ronaldo-mania dhe kjo ka parakaluar edhe Kakà. Numrat flasin qartë: Ronaldo është në avantazh.

[supervisor91]

Prishet paqja FIA-FOTA

Shfaqen serish polemika mes FIA-s dhe FOTA-s. Perfaqesuesit e skuadrave pjesemarrese ne ‘Formula 1’ kane braktisur takimin e me drejtuesit e Federates se Automobilizmit qe do te mbahej ne Nurburgring te Gjermanise.
Ne takimin e paralajmeruar do te diskutoheshin rregullat teknike qe duhet te hynin ne fuqi ne boterorin e 2010 ne momentin qe skuderite ‘rebele’ kane braktisur tryezen.

Rregullorja e re ka qene edhe pika e nxehte e diskutimeve mes FIA-s FOTA-s. Palet kishin rene dakort me pare ne Silverstone te Britanise se Madhe pas kercenimeve te 8 skuadrave anetare te FOTA-s per krijimin e nje kampionati boteror paralel me F1.

[supervisor91]

Ferrari-Alonso, marreveshja ne shtator?

Ka filluar te dale gjithnje e me shume ne pah nje marreveshje e shumeperfolur mes Fernando Alonsos dhe skuadres Ferrari per sezonin e ardhshem.
Ende skuadra italiane nuk pohon asgje, perkundrazi ata kane nxjerre nje komunikate per shtyp ku thuhet se jane mire me dyshen e piloteve Masa-Raikonen.

Mediat italiane kujtojne edhe kontraten e Majkell Shumakerit ne vitin, 1995 e cila edhe pse perflitej, asnjehere nuk u pranua nga Ferrari deri ne momentin e zyrtarizimit.

Nga mediat spanjolle mesohet se zyrtarizimi i i kontrates mes Alonsos dhe Ferrarit do te jete data 13 shtator kur do te zhvillohet edhe Cmimi i Madh i Italise ne Monza. Ndoshta ndodh keshtu, por Ferrari me sa duket nuk do te tensionoje garen e shtepise dhe si rrjedhoje mund te shtyje zyrtarizimin per ne fundin e sezonit.

Persa i perket pages, perflitet se Fernando Alonso do te marre nga Ferrari 28 milione euro ne vit

[Damian1]

Gati prezantimi i Benzema në "Bernabeu", merr numrin 19

Pas Kaka’, i cili mori numrin 8 dhe Ronaldos që mori numrin 9, francezi Karim Benzema do të prezantohet të enjten me numrin 19 në fanellën e Real Madridit

Këtë numër deri më tani e ka bartur holandezi Klas Jan Huntelar, i cili pritet të largohet nga Madridi. Në fakt Benzema në fillim të karrierës së tij te Lioni kishte bartur numrin 19, për ta ndërruar më pas me numrin 10.

Pas prezantimit madhështor të dy superyjeve Kaka e Ronaldo në “Santiago Bernabeu”, klubi mbretëror spanjoll po përgatitet që nesër të bëjë edhe prezantimin e ish-sulmuesit të Lionit, Karim Benzema.

Sulmuesi francez Benzema i kushtoi Realit 35 milionë euro, ndërkaq shënjestra e radhës për presidentin e Real Madridit, Florentino Perez do të jetë mesfushori i Romës, Daniele de Rosi.

[Damian1]

Arsenal rinovon me holandezin Van Persi

Sulmuesi shprehet i kënaqur pas lidhjes së forcuar me “Topçinjtë”: “Zemra ime është këtu. Nuk arrij ta imagjinoj veten me një tjetër fanelë të veshur”

Robie Van Persie ka hedhur zyrtarisht firmën e re në një kontratë afatgjatë që do ta lidhe me Arsenalin edhe për disa vite. Vetë holandezi, i cili është shpallur golshënuesi më i mirë i “Topcinjve” gjatë sezonit të fundit (20 gola në 44 ndeshje), nuk mund të mos deklarojë dashurinë e vet për klubin londinez:

"Zemra ime është me Arsenalin. Nuk arrij ta imagjinoj veten me një tjetër uniformë veshur. Për mua është shumë e vështirë te largohem, pasi e adhuroj vërtet këtë klub.

Nëse analizon 5 vjetët e fundit sheh progreset që kam bërë çdo sezon. Nëse sheh mbështetjen e trajnerit, klubit, tifozëve dhe shokëve të mi të skuadrës, nuk mund të mos arrish në përfundimin se ky është vendimi i duhur”. Van Persie, aktualisht 25-vjeçar, erdhi në vitin 2004 në Londër, pas transferimit prej Fejenordit.

[Damian1]

Seria A, kampionati i ri do të marrë startin më 23 gusht

Liga Italiane e Futbollit ka vendosur datat e kampionatit 2009-10. Mbyllja është programuar më 16 maj

Kampionati i ardhshëm i Serisë A do të fillojë të dielën e 23 gushtit dhe do të mbyllet më 16 maj 2010. Ky është vendimi i fundit i marrë nga Liga Italiane e Futbollit.
Katër janë javët e parashikuara për t’u luajtur të mërkurve: më 23 shtator, 28 tetor, 24 mars dhe 6 janar. Pauza e Krishtlindjeve do të nisë më 20 dhjetor për të vazhduar deri më 6 janar.

Tre do të jenë ndërprerjet për impenjimet e Kombëtares, për arsye të kualifikimeve të Botërorit, pikërisht në datat 6 shtator, 11 tetor dhe 15 nëntor. Dy javët e para të kampionatit mund të shpërndahen mes të shtunës dhe të dielës, duke filluar nga ora 18:00 dhe 20:45.

Kjo do të bëhet me synimin për të shmangur të nxehtin e madh, por mund të jetë edhe si një eksperiment duke nisur nga sezoni i ardhshëm.

[Damian1]

Barcelona-Real Madrid: Derbi për të firmosur me Fabregas

Ka nisur gjuetia e dy gjigantëve spanjollë për të firmosur me mesfushorin dhe kapitenin e Arsenalit, Francesc Fabregas

Tashmë është kthyer në një derbi të vërtetë mes Barcelonës dhe Real Madrid. Objektivi i “sherrit” është Cesc Fabregas. Strategjitë për të arritur te kapiteni i Arsenalit janë krejt të ndryshme.

“Los Blancos” kanë bërë gati një shumë prej 50 milionë Eurosh për ta hequr nga duarta e trajnerit Wenger. Kurse skuadra ”blaugrana” do të detyrohej të shiste Eto'o tek Manchester City për 30 milionë dhe të plotësonte shumën nga thesari i klubit.

Vetë Fabregas ka thënë se preferon klubin tek i cili u rrit dhe do të ishte me kënaqësi nën urdhrat e Guardiolës. problemi është bindja e sulmuesit kamerunas Eto’o të shkojë tek Manchester City.