Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Brazil, Ronaldo kthehet protagonist me tripletë

Fenomeni është bërë autor tre golave në ndeshjen e javës së nëntë të kampionatit kundër Fluminenses

Ronaldo bëhet sërish protagonist i madh në radhët e Korinthiansit. Fenomeni ka sigluar tre nga golat, me të cilët, skuadra e tij fitoi 4-2 ndaj Fluminenses, në një ndeshje të vlefshme për javën e nëntë të kampionatit brazilian.

Gjithashtu, braziliani ishte autor edhe i asistit për golin e shënuar nga Dentinjo. Shkon në 14 kuota sezonale e golave të shënuar nga ish-sulmuesi i Barcelonës, Interit, Milanit dhe Real Madridit, ndërkohë që është aktivizuar në 22 ndeshje që prej periudhës kur u kthye të luajë dëmtimit që e mbajti jashtë fushave të futbollit për rreth 1 vit.

Korinthiasi, gjatë javës së kaluar fitoi Kupën e Brazilit dhe është automatikisht i kualifikuar për Kupën Libertadores 2010.

[Damian1]

Inter provokon Juventus, ofron kontratë për Pavel Nedved

Kampionët e Italisë i kanë ofruar “arushës çeke” një marrëveshje 2 vjeçare për ta bindur të rikthehet në futboll

Mediat italiane njoftojnë se Pavel Nedved mund të nënshkruajë një kontratë shokuese për rivalin e përjetshëm të Juventusit. Në lojë kanë hyrë kampionët e Italisë, Inter.

Mesfushori çek i dha fund qëndrimit tetëvjeçar te Zonja e Vjetër duke refuzuar vazhdimin e kontratës, ndërsa agjenti i tij Mino Raiola është në bisedime me zikaltërit për mundësinë që Nedved të vazhdojë të luajë.

Sipas “Virgilio Sport” palët tashmë kanë arritur marrëveshje fillestare, sipas së cilës mesfushori legjendar do të nënshkruajë një kontratë dyvjeçare me Interin, ndërsa do të paguhet tre milionë euro për sezon.

[Damian1]

Laporta, kunja Realit: Ne bëjmë “Topa të Artë’, ata i blejnë

Në një kohë kur kampionet e Evropes janë ende jo aktivë në merkato, numëri një i klubit sulmon rivalët

Presidenti i Barcelonës, Joan Laporta, nuk ka nguruar të lëshojë kunja për rivalët e përjetshëm të Real Madridit, pas shpenzimeve milionere që ka bërë klubi i drejtuar nga Florentino Perez. Madrilenët kanë shpenzuar tani thuajse 200 milionë euro, ndërsa merkato e Barcelonës është ende statike. “Ne prodhojmë fitues të ‘Topit të artë’, ndërsa të tjerët i blejnë ato.

Më vjen mirë që Reali ka blerë Cristiano Ronaldo, por aktualisht Barcelona është pika e referencës për këdo - ka deklaruar Laporta për TVE -. Reali ka ndërhyrë me agresivitet në këtë merkato, por edhe me shifra jashtë realitetit. Shumë mirë mund të vepronim edhe ne si Madridi, por kjo nuk është në natyrën tonë të veprimit.

Ne ende kemi një skuadër kompetitive dhe gjithçka që duam të bëjmë janë investimet e përmbajtura”. Laporta ka deklaruar se trajneri Guardiola i ka kërkuar përforcime në krahët e mbrojtjes, në qendër, në mesfushë dhe një sulmues. Barcelona është përpjekur të rrëmbejë David Villa nga Valencia, klub që po kalon një moment krize financiare.

“Kemi pasur negociata në këtë drejtim – ka shpjeguar Laporta -, por s’kemi caktuar një kohë, apo një limit parash -.I kemi bërë një ofertë presidentit të Valencias, Manuel Llorente dhe ajo është më afër 40 milionë eurove, sesa 50”.

[BIG BOBI]

streaming live VLLAZNIA-SLIGO
http://it.justin.tv/sligofella/popout

[Damian1]

Manchester City i bindur se do të nënshkruajë me Terryn

Sipas The Times, Manchester City beson se marrëveshja prej 35 milionë futesh për transferimin e Johm Terryt nga Chelsea mund të arrihet para të mërkurës, kur ekipi udhëton në Afrikën e Jugut për një turne para-sezonal.

Kapiteni i Chelseat është i bindur se klubi nuk është në gjendje të tërheqë një top lojtar gjatë kësaj vere, pas disa përpjekjesh të dështuara, dhe është duke kërkuar ngritje të pagës për rreth 20 mijë funte në javë, për ta çuar atë në 150 mijë në javë, një shumë sa ai mund ta fitojë edhe në City.

Chelsea po ashtu dëshiron të zgjidhë problemin sa më shpejtë që është e mundur për të shmangur problemet para fillimit të turneut para-sezonal. Blutë do të udhëtojnë në SHBA të enjten.

[Damian1]

Barcelona-David Villa, Xavi bëhet sponsor

Mesfushori katalanas kërkon me ngulm të luajë përkrah sulmuesit të Valencias: “Vetëm këtu me ne do të bëhet i famshëm në nivel botëror, sepse është numri një në rolin e tij”

Në Barcelonë, sulmuesi i Valencias, David Villa, ka një sponsor të fuqishëm. Bëhet fjalë për mesfushorin energjik, Xavi, i cili ka folur me terma entuziastë për sulmuesin e përfaqësueses spanjolle, duke nënvizuar dëshirën e tij për ta parë të zbarkojë në tokën katalanase.

Për shtypin spanjoll, Xavi ka deklaruar: “Duke folur me të kam vërejtur sesa euforik është në lidhje me mundësinë për të ardhur te Barcelona. Të gjithë duan që Villa të vijë këtu. Barca është klubi i duhur për të, për mënyrën sesi luan, filozofinë e tij futbollistike dhe sepse këtu ka shumë shokë…

Unë e njoh mirë prej Kombëtares dhe do të bëhej i famshëm në nivel botëror vetëm me ne, pasi ai është numri një në rolin e tij”. Xavi, bashkë me David Villan ishin pjesë e asaj skuadre të Spanjës që arriti të shpallej kampione e Evropës në vitin 2008. Ndërkohë që mesfushori pati mundësinë të fitojë edhe edicionin e fundit të Ligës së Kampionëve.

[Damian1]

Carlo Ancelotti premton se do të jetë i veçantë

Menaxheri i ri i Chelseat, Carlo Ancelotti, ka pohuar se ai synon ta shndërrojë në të paharrueshme kohën e tij në Londër.

Italiani ka ngritur supet kur është krahasuar me Jose Mourinhon, njeriun që fitoi ligën angleze me blutë dhe nën drejtimin e Interit u tregua një kundërshtar i fortë në Itali për Ancelottin, kur ky udhëhiqte Milanin.

“Mourinho është një trajner i shkëlqyeshëm, pasi ai ka fituar shumë trofe, por nuk është ka luftë në mes nesh. Është natyrale që ai është i popullarizuar në Chelsea, pasi fitoi Ligën Premier, por edhe unë dua të fitoj”, ka thënë Anelotti.

“Edhe unë dua të jem i popullarizuar në mesin e fansave. Jam i sigurt se edhe nëse koha ime këtu do të jetë e gjatë ose e shkurtër, dua që njerëzit të më mbajnë mend”, ka shtuar italiani.

[Damian1]

Alessandro Nesta: Inter dhe Juventus janë favoritë

Mbrojtësi italian Alessandro Nesta ka thënë se Interi dhe Juventusi janë më të përgatitur se rosonerët, por ka paralajmëruar kritikët të mos e eliminojnë as Milanin.

“Milani është një mister. Nëse të gjithë lojtarët që ishin sezonin e fundit rikthehen, atëherë ne mund të jemi një surprizë e madhe”, ka thënë Nesta.

“Leonardo është një entuziast i madh dhe do t’ia dalë. Por Pirlo është një lojtar i pazëvendësueshëm dhe shpresoj ai të qëndrojë. Interi ende do të ketë diçka më shumë se ne dhe po ashtu edhe Juventus”, ka shtuar italiani.

[supervisor91]

Ecclestone heq dilemat: Max Mosley nuk do të rikandidojë

Padroni i Formula 1, Bernie Ecclestone ka thënë se pavarësisht kërcënimeve, Max Mosley nuk do të rikandidojë për kreun e FIA

"E njoh mire Max dhe nuk kam asnje dyshim se ai nuk do te rikandidoje per presidencen e FIA-s". Keshtu ka deklaruar pronari i Formula 1, Bernie Ecclestone, ne nje interviste dhene per "Times".

Sipas tij, nje burre si Maxi mund t'i besohet shume, ndaj per kete motiv ai eshte i bindur se do te beje gjithcka ka premtuar. Ecclestone ka thënë se pavarësisht polemikave me skuadrat dhe skandalit seksual me bazë naziste, pozitat e Max Mosley janë të forta.

[supervisor91]

Çmimi i Madh i Gjermanisë, Webber fiton “Pole Position”

Pole Position për Mark Webber me makinën Red Bull në provat zyrtare për Çmimin e Madh të Gjermanisë në Formula 1


Australiani Mark Webber ka fituar “Pole Position” e parë në karrierën e tij, dhe këtë e ka bërë në pistën e Nuerbugringut. Në provat zyrtare për GP e Gjermanisë, “kanguri” i Formula 1 ishte më i shpejti me 1:32.230.

Kohen e dyte me te mire e zuri Rubens Barrichello me Brawn GP, i ndjekur nga shoku i skuadres Jenson Button që ndaloi në xhiron më të shpejtë 1:32.473.

Nderkohe Sebbastian Vettel arriti kohen e katert me te mire me makinen e tij Red Bull.Gara per Cmimin e Madh te Gjermanise zhvillohet të dielën ne oren 14:00