Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Hamburgu në vendin e parë pas fitores 1-2 në Leverkusen

Skuadra e Hamburgut tani ka dy pikë më shumë se Hoffenheim i vendit të dytë. Bayern Munchen “katandiset” në vendin e katërt.

Një fundjavë për tu mbajtur mend për skuadrën e Hamburgut e cila ka fituar në transfertë por ka marrë edhe kryesimin e kampionatit të futbollit gjerman, Bundesligës.

Skuadra që drejtohet nga trajneri holandez Martin Jol fitoi këtë herë me meritë ndaj Bayer Leverkusen 1-2.

Goli i parë i ndeshjes erdhi nga sulmuesi Marcell Jansen në minutën e 18-të të pjesës së parë ndërsa barazimi u siglua nga futbollisti i vendasve Patrick Helmes.

Por në pjesën e dytë hamburgu tregoi një lojë më të mirë duke merituar edhe fitoren. Ishte Marcell jansen që shënoi edhe golin e dytë për miqtë të cilët tani janë në majën e renditjes.

[Damian1]

Liverpool humb terren në luftën për titull, barazim 1-1 me City

Skuadra e Liverpool nuk ka shkuar më shumë se një barazim 1-1 me Manchester City duke shkuar tani në -7 pikë nga Manchester United.

Liverpool do të duhet të ëndërrojë më shumë për titullin pasi as këtë sezon me shumë gjasa, nuk do të fitojë Premier League. Edhe pse është herët të thuhet “Reds” nuk mund të rivalizojnë United pasi këtë javë barazuan 1-1 me Manchester City.

Ishte Arbeloa që në mënyrë aksidentale shënoi në portën e tij duke shokjuar mijëra tifozët e Liverpool në pjesën e dytë. Pas disa sulmeve të Liverpool, një prej të cilëve u ndal në shtyllë erdhi edhe parazimi me Dirk Kuit por që nuk mundi të bënte më shumë.

Tani pas 26 javësh të luajtura në Premier League, Manchester United është në krye me 62 pikë ndërsa Liverpool ka 55. Në vendin e tretë Chelsea ndërsa në të katërtin Aston Villa.

Fulham i drejtuar nga Roy Hodgson, mundi 2-0 skuadrën e West Bromwich Albion duke marrë 3 pikë të rëndësishme për klasifikimin.

[studiounivers]

Fiorentina fitoi 2-1 me Chievon që kishte nga minuta e parë edhe Erion Bogdanin. Goli i parë erdhi nga miqtë me Morero ndërsa në pjesën e dytë shënuan Gilardino dhe Mutu.



Rezultatet:

Milan 1 - 0 Cagliari

Catania 2 - 0 Reggina

>Fiorentina2 - 1 Chievo<FORCA FIORE_ky eshte lamjmi me i mire per mu

Lecce 0 - 2 Lazio

Napoli 0 - 1 Genoa

Sampdoria 1 - 0 Atalanta

Torino 1 - 0 Udinese[/QUOTE]

[Damian1]

Edhe une i uroj suksese Fiores,vetem se vjet beri nje gabim qe s,duhet ta kishte bere,u rendit ne vend te 4,dhe la champions ligen jetime,pa bukuri pa spektakel.Nuk ka champions te bukur pa MILAN

Java e Ardhshme

Cagliari - Torino

Inter - Roma

Juventus - Napoli

Sampdoria - Milan

Udinese - Lecce

Siena - Genoa

Reggina - Fiorentina

Atalanta - Chievo

Palermo - Catania

Lazio - Bologna

[Damian1]

Cristiano: Ne jemi më të fortët, Ibrahimovic: Do të shënoj gol

Dy nga futbollistët më të mirë në botë kanë ndezur sfidën e Champions League me deklaratat e tyre që kanë pasuar ato të trajnerëve.

Vigjilje e ndezur e ndeshjeve të Ligës së Kampioneve dhe kësaj nuk i ka shpëtuar finalja e parakohshme Inter-Manchester United. Dy lojtarët më të kuotuar të skuadrave, Ibrahimovic dhe Cristiano Ronaldo kanë karikuar tifozët e tyre me premtime që shpresojnë të mbajnë.

KETU IBRAHIMOVIC – Objektivat e tij janë të qartë: Champions League dhe fitorja e topit të Artë. Por ndërkohë Zlatan Ibrahimovic vendos gishtin drejt portës së Manchester United. "Më pëlqen që të shënoj në portën e tyre do të ishte nëj nisje e mirë. Rooney dhe Berbatov janë dy sulmues të shkëlqyer por dua ti kaloj” tha Ibra.

KETU CRISTIANO RONALDO – “Është momenti të eliminojmë ose të eliminohemi. Ne jemi më të fortët dhe mendoj se do të kalojmë Interin”. Cristiano Ronaldo ka nisur sfidën ndaj Interit pasi sipas tij Manchester United nuk mund të gabojë.

“Jemi kampionët e Europës dhe do të impenjohemi për një rezultat të mirë”. Në mendjen e tij është ende finalja e Moskës. “Kujtoj ende pritjen e Van der Saar ndaj Anelka. Ishte sikur bota te ndalej” tha Ronaldo.

[Damian1]

Rikthehen dëmtimet e stilit “horror” në Premier League

Një ndërhyrje e rëndë u pa në ndeshjen Newcastle-Everton me protagonist mbrojtësin vendas Kevin Nolan. Priten ndëshkime të ashpra.

Në fillim ishte Eduardo që rrezikoi të humbiste një këmbë ndërsa më pas erdhi radha e mbvrojtësit të Manchester United, Rafael për tu bërë viktimë e një ndërhyrjeje të rëndë në Premier League.

Tani ishte radha e Victor Anichebe ndërsa janë kërkuar ndëshkime të ashpra për lojën e dhunshme në Premier League, pas disa dëmtimeve të rënda me disa lojtarë .

Në ndeshjen Newcastle-Everton ishte mbrojtësi i “Qymyrxhinjve” Kevin Nolan që ndërhyri ashpër ndaj Victor Anichebe në barazimin 0-0. Ai mori karton të kuq menjëherë ndërsa Anichebe do të ekzaminojë këmbën e cila u dëmtua në minutën e 43 në “Saint James Park”.

Në ndeshjen e Premier League, u dëmtua edhe Mikel Arteta i Evertonit, e do të mungojë deri në fund të sezonit pas dëmtimit në ligamentet e gjurit.

[Damian1]

Lampard lavdëron Ranierin: Ai më ka bërë më të fortë

Në prag të përballjes Chelsea-Juventus, mesfushori anglez ka thënë fjalë të mira për ish teknikun e tij në Londër.

Në pritje për ta parë përballë si një kundërshtar dhe jo në skuadrën e tij, trajneri i Juventusit Claudio Ranieri po e shijon si një mik të vërtetë.

Frank Lampard që është lideri i padiskutueshëm tek Chelsea do të luajë kundër bardhezinjve në Champions League dhe pak orë nga sfida ka lavdëruar italianin.

"Pa Ranierin nuk do të ishta futbollisti që jam bërë tani. Atij i detyrohem shumë pasi më ka mësuar shumë gjëra dhe më ka bërë të fortë” tha Lampard për trajnerin e Juventus të cilin e ka patur edhe në “Stamford Bridge”.

Ndërkohë trajneri i bardhezinjve ka ende një dilemë në mendjen e tij: Del Piero apo Trezeguet? Favorit për një fanelë titullari është Alex por nuk dihet ende nëse do të jetë numri 10, apo sulmuesi francez krah Amauri.

[Damian1]

Champions, nis beteja e fjalëve mes Ferguson dhe Mourinho

Trajneri skocez i “Djajve të Kuq” ka thënë se do të fitojnë Champions nëse eliminojnë Interin. Ndërkohë portugezi ka nisur provokimet.

Lufta mes tyre ka nisur ashtu si në kohët kur ndesheshin në Premier League. Por tani arena është bërë kompeticioni më i madh për klube dhe dy nga trajnerët më të mëdhenj nuk kursehen.

Sir Alex Ferguson e ka të qartë sfidën ndaj Interit pak orë nga fërshëllima finale. Trajneri skocez i Manchester United ka thënë se skuadra e tij do të fitojë sërish Ligën e Kampioneve nëse eliminon kampionët e Italisë në 1/8 e finaleve. “Inter ka një stil amerikano-jugor në lojë dhe lojtarët e tij janë të fortë. Por ne mendojmë se do të kualifikohemi dhe do fitojmë Champions” tha skocezi.

Në skajin tjetër Jose Mourinho ka thënë se mbretërimi në Premier League dhe në Europë i Manchester United ka ardhur vetëm nga ai. “Kur isha unë te Chelsea, Manchester nuk ishte kështu por pas 2006 ata nisën të fitojnë falë largimit tim” tha portugezi.

[Damian1]

Collina kërkon dy arbitra në fushë, përjashtime me kohë

Shefi i Arbitrave në Itali ka kërkuar që të revolucionarizohet futbolli dhe të të aplikohet një tjetër ndëshkim si kartoni “portokalli”.

Ka lënë arbitrimin kur ishte në majë por Pierluigi Collina edhe tani bëhet protagonist. Ai ka kërkuar që të ketë rregulla të reja në sportin më popullor.

“Në mbledhjen e radhës do të flitet për një lloj kartoni portokalli që është propozuar nga federata Irlandezo-veriore për përjashtimet me kohë, dhe jo përfundimtare” tha Collina.

“Do të jetë për situatat ku kartoni i kuq duket i tepërt dhe i verdhi duket pak”. Pierluigi Collina ka shtruar se është gati që të eksperimentojë në Itali edhe arbitrat e dyfishtë.

“Arbitrimi i dyfishtë është një ide që presidenti i UEFA-s Platini e ka përzemër. Ne mund t'a aplikojmë në Serie A dhe në B” tha Collina.

[Damian1]

Minifutboll, Shqipëria mundet dhe nga Gjeorgjia 3-0

Kombëtarja e minifutbollit mori humbjen e dytë në eliminatoret e europianit, kritikohet arbitrimi i dobët.

Shqipëria e minifutbollit fiksoi edhe humbjen e dytë, pasi u mund me rezultatin 3-0 nga Gjeorgjia në ndeshjen e fundit të eliminatoreve të Kampionatit Evropian “Hungari 2010”.

Më parë kuqezinjtë kishin humbur me të njëjtin rezultat edhe takimin e parë ndaj skuadrës së Greqisë. Pjesa e parë e takimit është mbyllur në barazim pa gola ndërsa në pjesën e dytë, përfaqësuesja jonë bëri gabime në mbrojtje, duke u ndëshkuar me dy gola.

Shqiptarët ngrenë pretendime edhe në lodhje me gjykimin, që sipas tyre nuk ishte në nivelin e duhur. Dyshimet janë për golin e tretë të gjeorgjianëve, që sipas pretendimeve të tanëve, u shënua pas një faulli të paqenë.

Më vetëm një fitore në grupin C, ajo kundër Maltës (5-2), vendit organizator, Shqipëria u rendit në vendin tretë, një pozicion më i keq se ai në eliminatoret e Kampionatit Botëror, kur u renditëm të dytët.