Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mancini sulmon Moratti: Donte të vendoste dhe formacionin

Ish trajneri i Interit, Roberto Mancini ka sulmuar presidentin e Interit, Massimo Moratti në lidhje me shkarkimin e tij

"Moratti ka provuar që të bënte formacionin kur isha tek Inter, por nuk ia doli dot”. Roberto Mancini, ka gjetur këtë mënyrë për të sulmuar kreun e kampionëve të Italisë, 400 ditë nga shkarkimi nga pankina e Interit.

Në një intervistë për "Avvenire", tekniku sulmon edhe drejtuesit e futbollit të sotëm. “Sot presidentët nuk rrinë kurrë të heshtur. Bëjnë intervista çdo tre ditë. Një zot e di çfarë thonë” tha Mancini duke shtuar se kjo krijon vetëm probleme.

“Moratti disa herë provoi të më impononte se kë lojtar duhet të fusja në fushë. Ai më kërkonte lojtarë të cilët i kishte për zemër por nuk ia arriti. Kjo është një e keqe për futbollin” tha trajneri Roberto Mancini.

[Damian1]

Europiani 2010, Platini afat Ukrainës për infrastrukturën

Ukrania do te kete kohe deri ne muajin dhjetor per te kompletuar infrastrukturen, ne te kundërt do te privohet nga organizimi i Evropianit 2012 ne futboll

Ky ultimatum eshte dhene nga vete presidenti i UEFA-s, Mishel Platini. Ukraina do te organizoje bashke me Polonine kompeticionin me te rendesishem evropian te futbollit, por shteti i sh-bashkimit sovjetik eshte shume mbrapa me punimet ne ndertimin e stadiumeve dhe infrastrukturen e nevojshme.

“Vendimi do te merret ne fillim te muajit dhjetor, pas mbledhjes se komitetit ekzekutiv te UEFA-s qe do te mbahet ne madeira. Megjithate, mund te them se dhjetori eshte shansi i fundit. Po luajme me kohe, por kuyr te vije nje pike nuk do te kemi me kohe”, ka thene Platini ne nje interviste per te perditeshmen franceze “L’Equipe”.

Presidenti i UEFA ka lene te kuptohet se organizata me e madhe e futbollit evropian ka gati nje plan B, nese Ukraina nuk do te plotësonte kushtet. Behet fjale per Gjermanine, e cila ka te ngritur nje infrastrukture moderne qe nga Boterori 2006. “Nese nuk do te jte Ukraina do te gjejme dy stadiume te tjere. Nese do te jene Berlini dhe Lajpzig. Ky eshte nje opsion”, ka përfunduar Mishel Platini.

[Damian1]

Chelsea kërkon surprizën me Ibra, ofron 60 milionë Paund

Skuadra e trajnerit Ancelotti kërkon të shfrytëzojë fuqinë financiare dhe dëshirën për largim të suedezit me një megaofertë

Nga skuadra e Chelsea vjen një tjetër ofertë e çmendur, e denjë për merkaton e kësaj vere. Skuadra londineze ka njoftuar se do të bëjë një ofertë marramendëse prej 60 milionë Paundësh, rreth 70 milionë euro për sulmuesin e Interit, Zlatan Ibrahimovic.

Nëse Inter refuzon, Blutë do të ofrojnë edhe shërbimet e dy lojtarëve që kërkohen nga Interi, Ricardo Carvalho dhe Deco si dhe 50 milionë Paund, dhe kjo duket të jetë një ofertë e cila vështirë do të refuzohet nga skuadra zikaltër.

“Jam i vetëdijshëm se Chelsea dëshiron shërbimet e mia dhe është mjaft joshëse. Chelsea është njëra nga skuadrat më të mëdha në Evropë, ndërsa PremierLiga është njëra nga ligat më të mira në botë”, është cituar Ibra nga “News of The World” pa fshehur kënaqësinë.

[Damian1]

Legjenda angleze, Charlton bekon transferimin e Ronaldos

Legjenda e futbollit anglez dhe Manchester United, Bobi Carlton ka mbështetur transferimin e Kristiano Ronaldos te Reali i Madridit

Nga Izraeli, ku ishte i pranishem ne nje kamp stërvitor me femije cifute dhe arabe ne mbështetje te projektit “Futboll per Paqe”, Carlton eshte shprehur se kalimi i talentit portugez nga Manchesteri ne Madrid ishte i pashmangshem.

“Une duhet te them se Kristiano Ronaldo do te mbahet mend si nje lojtaret me te mëdhenj qe ka luajtur te Manchester United. Por, ai nuk kishte lindur ne Angli, ishte portugez dhe qe femije kishte enderruar te luante me Realin.

"Prandaj duhet te themi se ai realizoi nje enderr dhe jam i bindur se do te ndihmoje Realin e Madridit, ashtu sic beri te Manchesteri”, ka thene Carlton.

Ish-futbollisti i Manchesterit dhe nje nga lojtaret me te mire te gjitha kohërave ne Angli, eshte shprehur gjithashtu se çmimi prej 94 milione eurosh qe Reali pagoi per Ronaldon nuk eshte i ekzagjeruar.

“Duhet te jemi realiste. Sigurisht jane shume para, por kjo eshte merkato e futbollit. Nje skuader duhet te shpenzoje shume per te patur lojtare te mëdhenj si Ronaldo”, ka përfunduar Bobi Charlton, i cili eshte dhe nje nga keshilltaret e klubit te Manchester United.

[supervisor91]

F1, Webber triumfon ne Gjermani

Mark Webber eshte fituesi i Cmimit te Madh te Gjermanise ne Formula 1, duke u ngjitur per here te trete ne podium pas dy vendeve te dyta ne garat e meparshme.
Piloti i Red Bull ka lene pas shokun e tij te skuadres Sebastian Vettel dhe pilotin e Ferrarit, Felipe Massa.

Ne zonen e pikeve kane rezultuar edhe Nico Rosberg, Jenson Button, Rubens Barrichello, Fernando Alonso dhe Heikki Kovalainen.

Pas kesaj gare ne klasifikimin e pergjithshem te piloteve kryeson Button me 68 pike i ndjekur nga Vettel me 47 pike dhe Webber me 45.5 pike.

Ndersa ne klasifikimin e pergjithshem te konstruktoreve kryeson Brawn-Mercedes me 112 pike, RBR-Renault 92.5, Toyota 34.5 dhe Ferrari me 32 pike.

[Damian1]

Mesazh për lojtarët e Chelsea, Ancelotti kërkon respekt

Trajneri i sapoemëruar i Chelsea kërkon të eliminojë përplasjet me një apel të qartë për ta respektuar në punën e tij

“Kërkoj vetëm respekt dhe kësaj do tia arrij pavarësisht yjeve të shumta në skuadër” Fjalët e Carlo Ancelottit si trajner i Chelsea kumbojnë si një apel i hapur ndaj futbollistëve për t’u sjellë si sportistë dhe jo si yje kinemaje.

“Dëshiroj të më respektojnë në punën që bëj. Për këtë kam ardhur këtu dhe e di pozicionin tim. Ashtu do bëj dhe me futbollistët në mënyrë që të mos ngatërrojmë raportet” tha Ancelotti.

“Kam ardhur për të fituar dhe për këtë do ti marr vendimet vetë, pa këshillën e futbollistëve. Ata vetëm duhet të impenjohen në stërvitje dhe ndeshje” shtoi trajneri italian. Ai kërkon që në këtë mënyrë të heqë ndikimin e disa senatorëve tek pronari i Chelsea, Abramovich.

[Damian1]

Kakà është i etur: Dua tre tituj këtë vit me Real Madrid

Njëri nga përforcimet e Realit të Madridit, braziliani Kaka, ka paralajmëruar rivalët se skuadra e tij në edicionin e ri do të ndjekë seriozisht të gjithë titujt

"Do të hyjmë në edicionin e ri me qëllim që të fitojmë kurorën e trefishtë, titullin e kampionit, Kupën e Mbretit dhe Ligën e Kampionëve. Edhe pse jam i vetëdijshëm për konkurrencën shumë të fortë, dëshiroj që ta realizoj ëndrrën time dhe në fund ta fitoj trofeun e Ligës së Kampionëve", ka pohuar Kakà.

Ylli brazilian e di fare mirë se në edicionin e kaluar kurorën e trefishtë e fitoi rivalja e përbetuar e Realit, Barcelona. "Të gjitha trofetë e fituara i kanë merituar, kurse që edhe ne t'ia arrijmë një qëllimi të tillë duhet të jemi në maksimumin tonë.

“Sinqerisht, më me kënaqësi do të dëshiroja kurorën e trefishtë se sa titullin e ri të futbollistit më të mirë në botë", ka nënvizuar Kakà, i cili ka thënë po ashtu se nuk i frikësohet aspak paparacëve, pasi nuk del fare në mbrëmje.

[Damian1]

Macheda i Manchester United, vjedhje dhe grushte në shtëpi

Ndaj lojtarit të “Djajve të kuq” nuk janë kursyer as tërheqja e vëmendjes nga ana e trajnerit Aleks Ferguson: “Përse po kthehej në shtëpi pikërisht në atë orë?"

Një episod i shëmtuar për Federico Macheda. I kthyer nga një natë e kaluar në lokal, sulmuesi i ri italian i Manchester United është vjedhur, duke u gdhirë e diela nga dy hajdutë të maskuar. Mësohet se njerëzit që i hynë në shtëpi i kanë rrëmbyer xhevahirë, para’ dhe një orë prej 23 mijë eurosh, ndërsa një mik që ishte bashkë me të përfundoi në spital, për shkak të një goditjeje të marrë në kokë në tentativën për të ndaluar dy hajdutët. Për këtë ngjarje, policia e Manchesterit ka hapur menjëherë një hetim.

Ndërkaq, ndaj lojtarit të “Djajve të kuq” nuk janë kursyer as tërheqja e vëmendjes nga ana e trajnerit Aleks Ferguson. “Përse po kthehej në shtëpi pikërisht në atë orë? Ne kemi shpresa të mëdha për “Kikon”, por histori si kjo nuk janë asapk të mira”.

Macheda, gjithsesi, nuk është i vetmi yll i Premier Leagues që ka përjetuar një aventurë të shëmtuar gjatë fundjavës së lënë pas. David Bentley i Tottenham është sulmuar në restorantin Nolita të Brookmans Park, teksa ishte në shoqërinë e të fejuarës Kimberly Mills, e cila eshte shtatëzënë prej 7 muajsh.

[Damian1]

Tevez bëhet lojtar i Manchester City për 28 milionë Euro

Sulmuesi argjentinas Carlos Tevez ka arritur akordin me rivalët e përjetshëm të kampionëve të Anglisë, duke befasuar ish tifozët e tij

Sulmuesi i larguar nga Manchester United, Carlos Tevez eshte nje lojtar i Manchester City dhe per kete marreveshje mungon vetem zyrtarizimi.

Argjentinasi ka ndryshuar skuader por jo qytet pasi ai ka pranuar te shkoje tek skuadra e “Citizens” duke braktisur Manchester United. Sipas tabloidit “Daily Mail”, Mark Hughes eshte gati te paguaje 28 milione euro per te marre ne skuader sulmuesin shtatshkurter, duke thyer konkurrencen e Chelsea, Liverpool dhe Real Madrid.

Sulmuesi latin Carlos Tevez do t’i nenshtrohet vizitave mjekesore dhe me pas pritet te hedhe firmen mbi kontraten qe do ta lidhe per 5 vjet me skuadren e Manchester City.

[Damian1]

Cana hap pistën e Seria A, nëse nuk shkon te Hamburgu

Mesfushori i Kombëtares shqiptare dhe i Olimpik Marsejës ka pranuar se ekziston mundesia të lëvizë edhe drejt Italisë: “Kam disa opsione skuadrash italiane…”

Mesfushori i Kombëtares shqiptare dhe i Olimpik Marsejës, Lorik Cana, ka pranuar se mund të lëvizë edhe drejt Italisë, ose tek Evertoni apo Arsenali, nëse dështon kalimi i tij te Hamburgu. Kosovari pritej të realizonte transferimin e tij te ekipi gjerman gjatë fundjavës së kaluar, por në shtypin francez ka hapur edhe shtigje të tjera lëvizjeje: “Gjithashtu kam disa opsione për të shkuar në skuadrat e Serie A në Itali. Edhe Evertoni e Arsenali në Angli janë të interesuar. Mendoj se gjithçka mund të qartohet gjatë kësaj jave”.

Kështu, për momentin mund të thuhet me siguri vetëm që mesfushori është në kërkim të një sfide të re, megjithëse ka një kontratë deri në 2012 me klubin aktual. Teksa Marseja ka bërë të ditur sot nënshkrimin me Stephane Mbia nga Rennes, pikërisht një zëvendësues i kapitenit.

Lojtari 25-vjeçar erdhi në Marsejë prej Paris SG në filimin e sezonit 2005-06. Gjatë kampionatit 2008/2009, Cana luajti 38 ndeshje, duke shënuar dy gola. Duke qenë një mesfushor i fortë qendre, ai gjithashtu u ndëshkua me 7 kartonë të verdhë dhe 1 të kuq. Ndërsa me përfaqësuesen shqiptare ai është aktivizuar në 37 ndeshje. Vlera e tij aktuale në merkato vërtitet te 7.5 milionë eurot.