Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Manchester United fiton “Carling Cup” pasi mundi Tottenham

“Djajtë e Kuq” nuk njohin rivalë as këtë vit dhe kanë përvetësuar kupën e parë të vitit kalendarik, pasi fituan me penallti ndaj Tottenham Manchester United është favorit për të përsëritur sukesin e vitit 1999 me 3 trofe në sezon, pasi e kanë nisur mbarë edhe këtë vit.

Skuadra e sir Alex Ferguson ka mundur Tottenham në finalen e “Carling Cup” me anë të penalltive pasi 120 minuta lojë u mbyllën me rrjeta të paprekura.

Ekipi kampion ishte iniciator i shumicës së sulmeve në portën e brazilianit Heurelho Gomez ndërsa Spurs bënë pak për të ngritur trofeun pasi Modric dhe Bent u treguan të pasaktë edhe kur nuk kishin përballë Van der Saar, por Ben Foster.

Me shifrat 4-1 u mbyllën llogaritë pas goditjeve të penalltive ku skuadra londineze gaboi dy herë me mbrojtësin O’Hara dhe Bentley. Ndërkohë Manchester United u tregua i saktë me të gjitha goditjet përballë mijëra shikuesve në stadiumin “Wembley” në Londër”.

[Damian1]

Antonio Cassano “fundos” Milanin, Sampdoria fiton 2-1

Milani nuk di të fitojë dhe këtë e tregoi edhe në ndeshjen e luajtur në “Marassi” ku humbi 2-1 me Sampdorian.

Skuadra e Milanit ka konfirmuar krizën aktuale në të cilën ndodhet duke humbur këtë javë në fushën e Sampdorias 2-1. Kuqezinjtë nuk kanë treguar asgjë në stadiumin “Marassi” pasi ranë pre e vendasve dhe lojës spektakolare të Antonio Cassano.

Ishte barezi që shënoi në pjesën e parë për Sampdorian duke entuziazmuar tifozët dorianë në minutën e 33-të. Më pas goli i dytë erdhi nga Pazzini që mposhti për herë të dytë Milanin. Një gol i vonë i Patos nuk shërbeu për të sjellë pikë për Milanin.

Palermo ka kryer një surprizë negative për tifozët e saj dhe pikërisht në derbin ndaj Catanias ku humbi 0-4. Skuadra e Zenga është imponuar bindshëm duke fituar një ndeshje morali. Atalanta është befasuar nga Chievo pasi ka humbur 0-2 në Bergamo ndërsa Cagliari barazoi 0-0 me Torinon.

Atalanta 0 - 2 Chievo

Cagliari 0 - 0 Torino

Palermo 0 - 4 Catania

Reggina 1 - 1 Fiorentina

Sampdoria 2 - 1 Milan

Siena 0 - 0 Genoa

Udinese 2 - 0 Lecce

[Damian1]

Atletico Madrid rikthen Barcelonën në tokë, fitore 4-3

Katalanasit kanë bërë një tjetër hap fals këtë javë pasi u mundën në një festival golash nga sulmuesit Aguero dhe Forlan.

Janë rikthyer me këmbë në kampionat, dhe në Champions League, nuk konsiderohen më si favoritët e padiskutueshëm. Të besuarit e trajnerit të Barcelonës kanë pësuar një tjetër shok këtë javë pasi u mundën 4-3 nga Atletico Madrid në stadiumin “Vicente Calderon”.

Thierry Henry nis festivalin e golave me një goditje të bukur në minutën e 19 ndërsa Leo Messi shënoi sërish në portën e Leo Franco, duke dribluar mbrojtësit vendas me lehtësi. Diego Forlan ngushtoi rezultatin një minutë më pas, me një gol shumë të bukur nga distanca, dhe ky ishte rezultati përfundimtar i pjesës së parë.

Sergio Aguero barazoi rezultatin për herë të parë për Atletico, në fillim të pjesës së dytë për ekipi katalanas kaloi sërish në avantazh me Thierry Henry. Më pas ishte një penallti e diskutueshme e kthyer në gol nga Forlan, ajo që solli barazimin 3-3.

Por spektakli nuk u mbyll këtu. Goli i fitores për madrilenët erdhi në minutën e fundit të kohës së rregullt me Sergio Aguero që shënoi me një të majtë fituese brenda zonës.

Almeria 2 - 1 Getafe

Malaga 0 - 2 Recreativo Huelva

Numancia 0 - 1 Deportivo La Coruna

Santander 1 - 1 Osasuna

Sporting Gijon 0 - 1 Mallorca

Atletico Madrid 4 - 3 Barcelona

Valencia 1 - 2 Valladolid

[studiounivers]

Antonio Cassano “fundos” Milanin, Sampdoria fiton 2-1

Milani nuk di të fitojë dhe këtë e tregoi edhe në ndeshjen e luajtur në “Marassi” ku humbi 2-1 me Sampdorian.

Skuadra e Milanit ka konfirmuar krizën aktuale në të cilën ndodhet duke humbur këtë javë në fushën e Sampdorias 2-1. Kuqezinjtë nuk kanë treguar asgjë në stadiumin “Marassi” pasi ranë pre e vendasve dhe lojës spektakolare të Antonio Cassano.

Ishte barezi që shënoi në pjesën e parë për Sampdorian duke entuziazmuar tifozët dorianë në minutën e 33-të. Më pas goli i dytë erdhi nga Pazzini që mposhti për herë të dytë Milanin. Një gol i vonë i Patos nuk shërbeu për të sjellë pikë për Milanin.

Palermo ka kryer një surprizë negative për tifozët e saj dhe pikërisht në derbin ndaj Catanias ku humbi 0-4. Skuadra e Zenga është imponuar bindshëm duke fituar një ndeshje morali. Atalanta është befasuar nga Chievo pasi ka humbur 0-2 në Bergamo ndërsa Cagliari barazoi 0-0 me Torinon.

Atalanta 0 - 2 Chievo

Cagliari 0 - 0 Torino

Palermo 0 - 4 Catania

Reggina 1 - 1 Fiorentina

Sampdoria 2 - 1 Milan

Siena 0 - 0 Genoa

Udinese 2 - 0 Lecce

dobet milani.

[studiounivers]

forca fiorentina

[Damian1]

Serie A, Inter barazon me Romën 3-3 në festival golash

Zikaltërit pas barazimit tenistik me kryeqytetasit, tani janë në +7 pikë nga Juventus në vendin e dytë në renditje.

Roma ka humbur një rast të mirë për të fituar në “San Siro” ndaj Interit pasi nuk ka shfrytëzuar një avantazh të dyfishtë për të marrë 3 pikët ndaj kampionëve të Italisë. Ndeshja e mbrëmjes u mbyll 3-3 duke kënaqur skuadrat me nga një pikë ndërsa spektakli ishte i madh.

Daniele De Rossi kërceu në një duel mes kapitenëve duke mundur me kokë portierin e Interit, Julio Cesar për avantazhin e miqve. Më pas ishte John Arne Riise ai që shënoi sërish në portën e Interit pasi fitoi një duel në zonë me mbrojtësit.

Në minutën e 50 ishte Mario Balotelli ai që ngushtoi diferencën me një gol të bukur me të djathtën por Brighi riktheu sigurinë në kampin romanist, por jo tek Spalletti dhe Mourinho.Ky i fundit hodhi në fushë Vieira dhe Figo që zëvendësuan Maxëell dhe Burdisso.

Një penallti e Balotelli çoi rezultatin në 2-3 për Romën por ndeshja u rihap. Ishte zëvendësuesi Hernan Crespo që fiksoi barazimin 3-3 vetëm pak sekonda pasi hyri në fushë. Tani kampionët janë në +7 pikë nga Juventus.

[Damian1]

Arsenali nuk njeh krizë, fitime dhe financa të shëndosha

“Gunners” shquhen për politikën e tyre kursyese dhe këtë e kanë treguar bilancet e fundit që kanë vërtetuar fitimet e majme për skuadrën.

Skuadra londineze e Arsenalit, ka patur fitime më të mëdha në 6 mujorin e dytë të 2008 në krahasim me të njëjtën periudhë të një viti më parë. Përfitimet kanë qenë 5.5 milionë euro më shumë dhe burojnë nga shitja e biletave, suvenireve dhe e drejta televizive.

Kjo politikë e “Gunners” ka furnizuar disa skuadra të niohura me talente të mëdha, ndërsa trajneri Arsene Wenger ka synuar gjithmonë futbollistë pak të kushtueshëm.

Kjo politikë ka ndryshuar pak në muajt e fundit me blerjet e Nasri nga Marseille dhe të Arshavin nga Zeniti, por sërish Topçinjtë mbeten një klub i shëndoshtë financiarisht.

[Damian1]

Tirana sfidon arabët për Milan, miqësorja 1.7 milionë Euro

Fitorja e Tiranës ndaj Milanit të madh ka kushtuar 1.7 milionë Euro duke kaluar edhe turne të tillë si ai në Dubai Shifrat zyrtare te derdhura ne arken e klubit te Berluskonit per ardhjen ne kryeqytetin shqiptar janë mbresëlënëse. Ne shkrimin e mediave italiane, ku publikohen te ardhurat edhe nga turnete e tjete shihet se miqesorja e Tiranes mban vendin e pare, pasi ka kontribuar me shume ne rritjen e te ardhurave te klubit italian, duke sfiduar edhe manjatet arabe te naftes, skocezet apo edhe gjermanet.

Mesa duket qellimi kryesor i drejtuesve te Milanit ne mungese te burimeve financiare qe mund te vinin prej Champions League, kete sezon eshte ekspozimi i lojtareve te saj ne turne miqesore per te mbledhur sa me shume para.

Te merkuren kuqezinjte do te luajne miqesoren e fundit te sezonit ne Katar, ku klubi do te perfitoje 1.5 milione euro, shifer kjo qe renditet e dyta pas asaj te Tiranes ne klasifikimin e te ardhurave.

Per miqesoren me Hamburgun e zhvilluar ne Dubai jane perfituar 500 mije euro, per ate me Hannoverin 600 mije dhe 800 mije ne miqesoren e Glasgou.

[Damian1]

Cristiano Ronaldo nuk njeh kufij: Do fitojmë 5 trofe!

Mesfushori portugez ka thënë se fitorja e “Carling Cup” është vazhdim i titujve që do të jenë shumë këtë sezon.

I ka mbetur për të fituar edhe kupa e botës me kombëtaren, si dhe Europiani, por shumë nga trofetë personalë për Crisatiano Ronaldo janë përvetësuar. Futbollisti që fitoi Topin e Artë dhe trofeun e FIFA tha se Manchester United mund të fitojë pesë trofe këtë sezon.

Ekipi i drejtuar nga Sir Alex Ferguson triumfoi në finalen e Kupës Carling, që është trofeu i dytë këtë sezon pas Kupës Botërore të Klubeve. Djajtë e Kuq po ashtu kryesojnë tabelën e Premierligës me shtatë pikë, janë në çerekfinale të Kupës FA dhe mund të kualifikohen për në çerekfinale të Ligës së Kampionëve nëse shënojnë fitore ndaj Interit në javën e ardhshme.

“Është shumë vështirë të arrihet, por ne po mundohemi ndeshje për ndeshje. Gjithmonë kemi mundësinë të fitojmë gjithçka. Kemi fituar këtë kupë dhe tash nuk kemi shumë kohë për të festuar”, ka thënë Cristiano Ronaldo.

[Damian1]

Dëmtohet rëndë Valon Behrami, mund t’i kushtojë sezonin

Mesfushori me origjinë kosovare është dëmtuar në ligamentet e gjurit dhe skanimet pritet të vërtetojnë shkallën e rëndë të tij.

Mesfushori shqiptar i West Ham United, Valon Behrami, është dërguar në spital pasi ka pësuar dëmtime të ligamenteve në gju gjatë fitores së djeshme të ekipit të tij ndaj Manchester City. Behrami, i cili aktivizohet për kombëtaren e Zvicrës, u lëndua pak para fundit të pjesës së parë të ndeshjes.

Tani ekziston frika se ai mund të mos luaj më gjatë këtij sezoni. Menaxheri i klubit, Gianfranco Zola, thotë se megjithatë do të presë lajmet përfundimtare rreth situatës së kosovarit.

“Ne ende po presim. Ai është dërguar në spital për skanim. Shpresoj të mos jetë keq. Ndjejmë keqardhje për të, ai është një lojtar shumë i rëndësishëm për ne”, ka thënë Zola.